Pages

Tuesday, March 01, 2011

பட்ஜெட் 2011 - 2012

எனக்கு என்னோட செலவுகளையே கணிக்கத் தெரியாது! இதுல நாட்டு பட்ஜெட்டப் பத்தி நானென்ன சொல்ல? பட்ஜெட்டின் முக்கிய அம்சங்கள் மட்டும். நன்றி: தினமலர். 

இன்றைய பட்ஜெட்டிற்கு பின்னர் சென்செக்ஸ் புள்ளிகள் 500 க்கும் அதிகமாக ஏறுமுகமாக சென்று 18 ஆயிரம் புள்ளிகளை தொட்டது. முன்னதாக பட்ஜெட் உரையில் பிரணாப் கூறுகையில்; நாட்டில் உணவுப்பணவீக்கம், ஊழல் பிரச்னைகள் பெரும் கவலை அளிப்பதாவும், இதனை சீர்செய்ய உரிய நடவடிக்கைள் எடுத்து வருவதாகவும் அவர் கூறினார். பணவீக்கம் மெல்ல, மெல்ல சீரடையும் என உறுதியளித்தார். நாட்டின் பொருளாதார வளர்ச்சி 9.1 சதவீதமாக இருக்கும் , வேளாண்வளர்ச்சி 5. 6 சதவீதமாகவும், தொழில்வளர்ச்சி8.1 சதவீதமாகவும் இருக்கும் என்றும் கூறினார்.

நபார்டுதிட்டத்திற்கு 3 ஆயிரம் கோடி ஒதுக்கியிருப்பதாகவும், விவசாயதுறை முன்னேற்றத்திற்கு 7 ஆயிரத்து 860 கோடி ஒதுக்கியிருப்பதாகவும், முக்கிய அம்சங்களை அறிவித்தார்.

பட்ஜெட்டின் முக்கிய அம்சங்கள்:

* 2011 ல் மொத்த பொருளாதார வளர்ச்சி8.6 சதமாக இருக்கும்.

* 2011- 2012 ல் பொருளாதார வளர்ச்சி 9.1 சதமாக இருக்கும்

* உள்கட்டமைப்பு கடனுக்கு ரூ. 3 லட்சத்து 75 ஆயிரம் கோடி ஒதுக்கீடு

* உரிய காலத்தில் கடனை திருப்பி செலுத்தும் விவசாயிகளுக்கு 3 சதம் மானியம்

* விவசாயிகளுக்கு வழங்கிவரும் கடனை அதிகரிக்க முடிவு

* நாடு முழுவதும் புதிதாக 15 உணவுப்பூங்கா திறக்க முடிவு

* மண்ணெண்ணெய், உரத்திற்கு நேரடி வரி மானியம்

* வேளாண்துறையில் தனியார் முதலீடு அதிகரிப்பு

* வீட்டுக்கடன் 20 லட்சம் முதல் 25 லட்சம் வரை உயர்த்தி வழங்கப்படும்.

* பாரத்நிர்மாண் திட்டத்திற்கு 58 ஆயிரம் கோடி ஒதுக்கீடு

* கல்வி முதலீட்டு தொகை 24 சதம் உயர்த்தி நடப்பாண்டில் 52 ஆயிரத்து 57 கோடி ஒதுக்கீடு.

* அங்கன்வாடி :ஊழியர்களுக்கு 1500 லிருந்து 3 ஆயிரமாக ஊதிய உயர்வு

* சர்வசிக்ச அபியான் ( அனைவருக்கும் கல்வி ) திட்டத்திற்கு 21 ஆயிரம் கோடி ஒதுக்கீடு

* வெளிநாட்டில் பதுக்கி வைக்கப்பட்டுள்ள கறுப்பு பணத்தை கொண்டுவர 5 அம்ச திட்டம்

* கிராமப்புற தொலை தொடர்பு வளர்ச்சிக்கு 10 ஆயிரம் கோடி ஒதுக்கீடு

* முதியோர் உதவி பென்சன் திட்டத்தில் வயது ( 65 ல் இருந்து 60 வயதாக ) வரம்பு தளர்வு

* உணவுப்பாதுகாப்பு திட்டம் நடப்பாண்டில் நிறைவேற்ற உறுதி

* தாக்குதலில் காயத்திற்குள்ளாகும் பாதுகாப்பு படை வீரர்களின் கருணைத்தொகை உயர்வு

* நதிகள் சீரமைப்பு செய்ய சிறப்பு திட்டத்திற்கு 200 கோடி ஒதுக்கீடு

* மகளிர் சுய உதவிக்குழுக்களுக்கு கூடுதல் கடனுதவி.

* நக்சல் பாதிப்பு பகுதிகளில் உள்கட்டமைப்பு மேம்படுத்த சிறப்பு ( 25 முதல் 30 கோடி வரை) திட்டம்.

* தனிநபர் வருமான வரி விலக்கு உச்ச வரம்பு உயர்த்தப்பட்டுள்ளது. ஆண்டுக்கு 1. 60 லட்சத்தில் இருந்து 1. 80 லட்சமாக உயர்வு

* 80 வயதுக்கு மேல் உள்ள முதியோருக்கு ரூ. 500 உதவித்தொகை

* அடிப்படை உணவு மற்றும் எரிபொருளுக்கு சுங்கவரி, ‌சேவை வரியில் மாற்றம் இல்லை

* மூத்த குடிமக்களுக்கு ஆண்டு வருமான வரிவிதிப்பில் ரூ. 5 லட்சம் வரை விதிவிலக்கு

* இரும்பு ,சிமெண்ட் உற்பத்தி வரியில் சலுகை

* சூரிய மின்சக்தி தயாரிப்புக்கான பலகை இறக்குமதி வரி ரத்து

* திரைப்படத்துறையினருக்கு சலுகை

* விமான கட்டண சேவை வரி உயர்வு

*ஜம்மு காஷ்மீர் மேம்பாடுக்கு கூடுதல் நிதி ஒதுக்கீடு

*கம்பெனி்களுக்கான கூடுதல் வரி குறைப்பு

*வெளிநாட்டினர் முதலீட்டுக்கு ஊக்குவிப்பு

பொருளாதார நிபுணர்களின் கருத்துக்களை எதிர்பார்க்கிறேன்.  



1 comment:

  1. பெரிய பெரிய ஜாம்பவன்களாக தன்னைக்
    காட்டிக்கொள்ளுகிற பத்திரிக்கைகள்
    வெளியிட்டுள்ள பட்ஜெட் சுருக்கத்தைவிட
    தங்கள் பதிவு தெளிவாக உள்ளது
    பதிவுலக நண்பர்களுக்காக தாங்கள்
    எடுத்துக்கொண்ட முயற்ச்சிக்கு நன்றி
    நல்ல பதிவு தொடர வாழ்த்துக்கள்

    ReplyDelete

தங்களின் மேலான மறுமொழிகள் இங்கே!