Pages

Thursday, March 29, 2012

விஜயாஸனப் பெருமாள் - திருவரகுணமங்கை. (Natham.)

ஸ்ரீவைகுண்டத்திலிருந்து 3 கிலோமீட்டர் தொலைவில் உள்ளது விஜயாஸனர் (பரமபத நாதன்) கோவில்.  திருவரகுணமங்கை என்ற புராணப் பெயர் இருந்தாலும், நத்தம் என்றே பரவலாக அறியப்படுகிறது.
 உள்ளே நவ திருப்பதிகள் உட்பட இதர ஆன்மீக நூல்களும் விற்கப்படுகின்றன. ஆலயம், 1000 முதல் 2000 வருடங்களுக்கு முந்தையது.

மூலவர் - விஜயாஸனர். (வெற்றியிருக்கைப் பெருமாள்.) கிழக்கு நோக்கி வீற்றிருந்த திருக்கோலம்.

தாயார் - வரகுணவல்லித் தாயார், வரகுணமங்கைத் தாயார்.

தீர்த்தம் - அகநாச தீர்த்தம், அக்னி தீர்த்தம்.

விமானம் - விஜயகோடி விமானம்.

பாடியவர் - நம்மாழ்வார்.

வரலாறு! விதர்ப்ப நாட்டு அரசனின் மைந்தன் புண்ணியவான். அறம் செய்ய விரும்புபவன். இருப்பினும் கூடாநட்பால் மக்களுக்குக் கேடுகள் விளைவித்தான்.  முற்பிறவியில் நரகம் பெற்ற இவன், இப்பிறவிப் புண்ணியத்தால் இத்தலத்தில் இறந்து முக்தி பெற்றான்!

தலத்தின் சிறப்புகள்!

ஒன்பது திருப்பதிகளில் இது இரண்டாவது.

நவதிருப்பதிகளில் சந்திரனுக்குரிய தலம்.

காசியில் இறக்க முக்தி சைவர்களுக்கு என்பதுபோல் வைணவர்களுக்கு இந்தத் திருத்தலம் இறக்க முக்தி நல்குகிறது.


சிறிய ஆலயம். சிறப்பாகப் பராமரிக்கிறார்கள்!
 

புளிங்குடி கிடந்து வரகுண மங்கை

          யிருந்து வைகுந்தத்துள் நின்று

     தெளிந்த என் சிந்தை அகங்கழியாதே

          என்னையாள்வாய் எனக்கருளி

     நளிர்ந்த சீருலகம் மூன்றுடன் வியப்ப

          நாங்கள் கூத்தாடி நின்றார்ப்ப

     பனிங்கு நீர் முகிலின் பவளம் போல்

          கனிவாய் சிவப்ப நீ காண வாராயே!

                                                                                       -- நம்மாழ்வார்.





2 comments:

  1. படங்கள் அனைத்தும் அருமை ! நன்றி !

    ReplyDelete
  2. திண்டுக்கல் தனபாலன்,

    தங்களின் தொடர்ச்சியான பாராட்டுக்களுக்கு மிக்க நன்றி.

    ஸ்ரீ....

    ReplyDelete

தங்களின் மேலான மறுமொழிகள் இங்கே!