Pages

Monday, May 14, 2012

மகர நெடுங்குழைக்காதன் - தென்திருப்பேரை.

தாமிரபரணித் தென்கரையில் திருநெல்வேலியிலிருந்து 35 கிலோமீட்டர் தொலைவில் அமைந்துள்ள அழகான ஆலயம் மகரநெடுங்குழைக்காதன் கோவில்.

மூலவர் - மகர நெடுங்குழைக்காதன் (மீன் வடிவிலான நீண்ட காதணிகளை அணிந்தவன்.) கிழக்கு நோக்கி வீற்றிருந்த திருக்கோலம்.

உற்சவர் -  நிகரில் முகில் வண்ணன்.

தாயார் -  குழைக்காது நாச்சியார், திருப்பேரை நாச்சியார்.

விமானம் - பத்ர விமானம்.

தீர்த்தம் - சுக்ர புஷ்கரணி, சங்க தீர்த்தம், மத்ஸ்ய (மகர) தீர்த்தம்.

வரலாறு! முன்பு, விதர்ப்ப தேசத்தில் பல வருடங்களாகப் பருவமழை தவறியதால் கடும் பஞ்சம் நிலவியது. மன்னன் தனது குருவிடம் ஆலோசனை கேட்கிறான். குரு, “திருப்பேரையில் மகர நெடுங்குழைக்காதனை வேண்டினால் பஞ்சம் தீரும்” என்றார். மன்னனும் அவ்வாறே வந்து வழிபட்டுத் தனது நாட்டுப் பஞ்சத்தைப் போக்கினான். இன்றும், மழை வேண்டுபவர்கள், மகர நெடுங்குழைக்காதனை வேண்டினால், வேண்டுதல் பொய்க்காது!

தலத்தின் சிறப்புகள்!

108 திருப்பதிகளில் 86 ஆவது.

ஸ்ரீபேரை (லக்குமியின் உடல்) என்ற பெயரில் பூமிப் பிராட்டி இங்கு தவம் செய்ததால் திருப்பேரை என்ற பெயர்.

ருணன் அரக்கர்களோடு போரிடும்போது அவன் ஆயுதம் மறைந்தது.  குருவின் அறிவுரைப்பட மகரநெடுங்குழைக்கதனை வணங்கி ஆயுதம் பெற்றான். 

முகில்களால் நீர்மாரிப் பெய்து விதர்ப்ப நாட்டுப் பஞ்சத்தைப் போக்கியதால் பெருமாளுக்கு நீர் முகில் வண்ணன் என்ற திருப்பெயர்.

வேதம் ஓதியபடி தன்னை வணங்கவரும் பக்தர்களைக் கண்டு அருள் செய்யவும், ஓடி விளையாடும் குழந்தைகளின் மகிழ்ச்சியைக் காணவும் பெருமாள் கருடாழ்வாரை விலகி இருக்கும்படிக் கூற, அவரும் சற்றே விலகியிருக்கும் காட்சி ஆச்சரியமானது!

நவக்கிரகங்களில் சுக்கிரனுக்குரிய திருத்தலம்.

”கூடுபுனல் துறையும் குழைக்காதன் திருமாலையும் காணக் கொடுத்து வைத்திருக்க வேண்டும்” என்பது இப்பகுதியின் சொலவடை. நிகரில் முகில் வண்ணனும், அவனது ஆலயமும் அத்தனை எழிலானது!

”தன் உள்ளம் கவர்ந்த மாயன் இவன்” என்று தலைவியின் நிலையிலிருந்து அறிவிக்கிறார் நம்மாழ்வார்.  

நகரமும் நாடும் பிறவும் தேர்வேன்

          நாணெனக் கில்லை என் தோழிமீர்காள்

     சிகரமணி நெடுமாட நீடு

          தென் திருப்பேரையில் வீற்றிருந்த

     மகர நெடுங்குழைக் காதன் மாயன்

          நூற்றுவரை அன்று மங்க நூற்ற

     நிகரில் முகில் வண்ணன் நேமியான் என்

          நெஞ்சம் கவர்ந்து எனை யூழியானே!




2 comments:

தங்களின் மேலான மறுமொழிகள் இங்கே!