இணைய நண்பர்களுக்காக!

ராமானுஜ காவியம் - கவிஞர் வாலி

2011-11-30T10:20:00.000+05:30

திரைத் தொடர்பு உள்ளபோதும் தனது இறைத்தொடர்பைப் பேணுபவர் கவிஞர் வாலி என்பதற்கு இன்னுமொரு உதாரணம் “ராமானுஜ காவியம்”. ரஜினிக்கும் பாட்டு, ராமானுஜனுக்கும் காவியம் என்பது வாலியின் பேனாவுக்கு மட்டும் வாய்த்த வரம் !

ராமானுஜர், 10 ஆம் நூற்றாண்டில் வாழ்ந்த வைணவ மகான். இறைவன் அய்யருக்கு மட்டுமல்ல; அனைவர்க்கும் என்று கோபுரமேறித் தீர்க்கமாகத் தெரிவித்தவர். 120 வருடங்கள் வாழ்ந்து வைணவ மார்க்கத்தை அனைவருக்கும் அறிவித்தவர்.

ராமானுஜரின் வாழ்வும், வாக்கும் வசன கவிதையாகக் கவிஞரின் தனித் தமிழில் மிளிர்கிறது. இனி, புத்தகத்திலிருந்து சில முத்துக்கள்!

காவியத் தலைவன்.

பாவேந்தன்
பாரதிதாசன்
பாட்டில் வைத்துப்
பரவிய...

எதிராஜன் -
எனப்படும் ராமானுஜன்தான்...
அற்றை நாளில் -
அதுகாறும்...

தனியார் துறைக்குத்
தாரை வார்த்த முக்தியை -
பொதுத் துறைக்குப்
பெயர்த்து வந்தவன்;உய்வழி -
பேசிய மறைகளைப்
பெட்டியில் மறைக்காது -
தேசிய மயமாக்கி
தேசத்தவர்க்குத் தந்தவன் !

இவன்
இயற்றிய
சமயப் புரட்சி - ஓர்
இமயப் புரட்சி !
அரிசனம்;
அயல்சனம்; இரண்டும் -
சரிசனம் - என
சாதித்தது இவன் தராசு;
உடனே -
உறுமியது வைதிக மிராசு !

வர்ணங்கள் நான்கால்
வரையப் பெற்றிருந்த -
மன்பதை -
என்பதை...

ஒரே வர்ணத்தால் - இவன்
ஒஹோவென வரைந்தான்;
வழக்கம்போல் -
வைதிகன் இரைந்தான் !

இவன் -
கீழ்சாதிமேல் கைபோட்ட
மேல்சாதி; இதனை -
முதன் முதல் செய்த
முப்புரி நூல்சாதி !

தீண்டாமையைத் -
தீண்டியே கொன்றான்;
நிற்க -
நிழலற்ற...
சாயச் -
சுவரற்ற...

தெருக்குலத்தார் தம்மைத் -
திருக்குலத்தார் என்றான் !

இது மட்டுமா விந்தை?
இன்னும் இயற்றினான்
எந்தை !

காமக்கிரியை புரியும்
கணிகையர்குலப் பெண்ணுக்கு -
ஈமக்கிரியை புரிந்தான்;

புள்ளினம் யாவிற்கும்
பறந்திட இடங்கொடுக்கும் -
வெள்ளிவானாய் விரிந்தான் !

ஈர மனத்தவன்; ஈ எனாமலே -
ஈயும் இனத்தவன் !

இருக்கும் நீரெலாம் -
இரக்கும் நிலத்திற்கீந்து -
இறக்கும் மேகமும் -
இவனும் ஒன்று;
நரகம் வருமென -
நன்கு தெரிந்தும்...

ஓதற் கரிய
ஒரு மந்திரத்தை - ஊர் உய்ய

ஓதினான் கோபுர
உச்சியில் நின்று !

இது மட்டுமா விந்தை?
இன்னும் இயற்றினான் எந்தை !

முக்கா டிடுகின்ற -
முகமதியப் பெண்ணுக்கு -
நிக்கா முடித்தான் -
நாராயண னோடு;

அரங்கன்பால் -
அவளுக் கிருந்த...
அலுக்க வொண்ணாத
அன்பைக் கண்டு - அவளைத்
துலுக்க நாச்சியாய்த்
துதிக்கிறது நாடு !

ஆக -
ஆயிரம் ஆண்டுகட்கு முன்பே...
மதப்புரட்சி செய்த
மகான்;
இவன் கைக்குள்
இருந்தது -
சண்டித்தனம் செய்த
சனாதனக் குதிரையின் லகான் !

இருபதாம் நூற்றாண்டின் - இரு
இணையற்ற சிந்தனையாளரோடு...

உவமித்து ராமானுஜனை -
உரைக்கப் போயின்...

பூணூல் -
போட்டிருந்த -
பெரியார் எனலாம்; திருமண் -
ஆறிரண்டு -
அணிந்திருந்த -
அம்பேத்கர் எனலாம் !

---------------------------------------------

மற்ற முத்துக்களை அள்ளிக்கொள்ள நூல்கடலில் முத்துக்குளிக்கவும்!

ராமானுஜ காவியம்.
கவிஞர் வாலி.
வானதி பதிப்பகம்,
23, தீனதயாளு தெரு,
தியாகராய நகர், சென்னை - 600 017.
+91 44 24342810 / +91 44 2431 0769
விலை: 150 ரூபாய்

தமிழ் பேசும் அனைவரையும் தமிழன்னை அரவணைக்கிறாள். வாலியை மட்டும் ஆசீர்வதிக்கிறாள்! அற்புதமான தமிழில் துள்ளி விளையாடும் எதுகை, மோனைகளோடு காவியம் தந்த கவிஞருக்கு மனமார்ந்த நன்றிகள்! வாலி, நீடூழி வாழி!

Revolution 2020 - Chetan Bhagat.

2011-11-21T11:21:00.001+05:30

வணக்கம் மக்களே! தனிப்பட்ட காரணங்களால் ப்திவுலகில் நீ....ண்ட இடைவெளி. பின்னூட்டமிட்டவர்களுக்கு உடனே பதில் தர முடியவில்லை. மன்னிக்கவும்! இடைவெளியைத் தவிர்க்க முயற்சிக்கிறேன். எழுதி நிறைய மாதங்கள் ஆனதால் என்ன எழுதுவது எனத் தடுமாற்றம். Chetan Bhagat ன் Revolution 2020 நாவல் பற்றிய எனது கருத்துக்கள் உங்களுக்காக!

சேததனின் மற்றொரு சுவாரஸ்யமான நாவல். அவரது வழக்கமான சினிமாத்தனமான திருப்பங்களும், காதலும், Pre-marital sex இதிலும் உண்டு. ஆனாலும் வேகமான, எளிமையான ஆங்கிலத்தால் அவற்றை வெற்றிகரமாக மறக்க வைக்கிறார்.

மூன்று பள்ளிக்கால நண்பர்கள். மூன்று வெவேறு கனவுகள். கதைக்களம், கங்கை நதியை ஒட்டி அமைந்திருக்கும் வாரணாசி.

Gopal Mishra: தன் அறிவைப் பணமாக்க முயற்சிப்பவன்.

Raghav Kashyap: தன் அறிவைப் புரட்சிக்குப் பயன்படுத்துபவன்.

Aarti Pradhan: இவர்கள் இருவரையும் அலையவிடும் அழகி!

பள்ளியில் ஆர்த்தியின் டிஃபன் பாக்ஸை இவர்கள் திருடுவதிலிருந்து தொடங்கும் கதை, தொடர்ந்து விறுவிறுப்பாகச் செல்கிறது. வாரணாசியின் படகுப் பயணம், கோபாலின் காதல்தவிப்பு, ராகவ்வின் புரட்சியும், புத்திசாலித்தனமும், ஆர்த்தியின் அலட்சியம் எனப் பல பரிமாணங்கள்.

கோபாலின் கோணத்திலிருந்து கதை சொல்லப்படுகிறது. கோபால் ஆர்த்தியின் அன்பை அடைவதற்கான முயற்சிகளை மேற்கொள்கிறான். முயற்சிகளின் பல்வேறு கட்டத்தில் கோபால் மனதில் தோன்றும் statements or comments அற்புதம்! (திருமணமான சேத்தன் இவ்வளவு தைரியமாக எழுதியிருப்பது ஆச்சரியம்!)

Girls please excuse me and Chetan for the following statements!

If girls got to set grammar rules in this world, there would only be exclamation marks.

When girls are hiding something, they start speaking like boys and use expressions like "cool".

Girls can come up with the simplest of messages that have the most complex meanings.

Men are born to listen to girls.

Girls are the best topic-switchers.

இன்னும் இருக்கிறது. பெண்களின் கோபத்தை சந்திக்கத் தயாராக இல்லாததால், போதும். நாவலை வாசித்துத் தெரிந்துகொள்ளவும்!

இறுதியாக வாரணாசி பற்றி கோபாலின் பார்வையில்!

The world come to wash away their sins at Varanasi. Did they stop to think about Varanasi for a moment - about what it's people would do with all the sins they left behind?

Revolution 2020 என்று பெயர் வைத்தாலும் கதையின் மையம் காதல்தான்! எளிய ஆங்கிலம், இயல்பான நகைச்சுவை, இந்தியத்தன்மை இவை சேத்தனின் பலம்! வாசித்துவிட்டுச் சொல்லுங்கள்.

வலைப்பூக்களுக்குக் கட்டுப்பாடு விதிக்கப்படுமா?

2011-03-11T10:22:00.000+05:30

அரசாங்கம் வலைப்பூக்களையும் தீவிரமாகக் கண்காணிக்க முடிவு செய்திருக்கிறது. அதற்குத் தகவல் தொழில்நுட்பச் சட்டம் 2008 உதவுகிறது. Intermediary என்ற பிரிவில் வலைப்பூக்கள், Web-Hosting, Internet Service Providers, Search Engines, Online Payment, Auction Sites & Cyber Cafes இவையெல்லாம் Intermediaries! Twitter, Facebook எல்லாம் இண்டெர்மீடியரிஸ் கிடையாதா என்று கொதிக்கிறார்கள் வலையுலக மக்கள்!

Intermediary, இணையத்தில் வழங்கப்படும் சேவைகளைப் பயன்படுத்தி சேமிப்பது, தகவல் பெறுவது, தகவலைப் பரப்புவது இவையெல்லாம் என்கிறது சட்டம். வலைப்பூக்களை இதோடு சேர்த்ததால் இவ்வளவு விவாதங்கள், விமர்சனங்கள்!

வலைப்பதிவர்களின் சுதந்திரம் பாதிக்கப்படும் என்கிறார்கள். நமக்கு வரும் பின்னூட்டங்களுக்கும் நாமே பொறுப்பேற்க வேண்டும்! பின்னூட்டங்கள் threatening, abusive, objectionable, defamatory, vulgar, racial ஆக இருந்தால் அதற்கு சட்டரீதியான பொறுப்பேற்க வேண்டியது எழுதியவரின் கடமை!

ஆனால், கூகிள் இதனை விரும்பவில்லை! இணையத்தில் மக்கள் ஒருவரோடு ஒருவர் தொடர்பு கொள்வதற்கான வழிமுறைகளில் வலைப்பூக்களும் ஒன்று. யாரோ செய்யும் தவறுக்குப் பதிவர்களைப் பொறுப்பாக்குவது நியாயமில்லை என்கிறது பிளாக் சேவையில் முன்னணி வகிக்கும் நிறுவனமான கூகிள்!

வலைப்பூக்களைச் சேர்த்தது சரியா?

எனது கருத்தில் சரி. இணையம் வழங்கும் அளவற்ற சுதந்திரத்தை முறையாகப் பயன்படுத்துபவர்கள் எத்தனை சதவிகிதம்? கருத்துக்களை விட்டுவிட்டு எழுதியவரைத் தாக்குவது, ஆபாசப் பின்னூட்டங்கள், படங்கள் இவை ஒழிய வேண்டுமென்றால் கட்டுப்பாடு தேவை! அரசாங்கம் விதிப்பதற்குப் பதிலாக நமக்கு நாமே ஏற்படுத்திக் கொண்டால் இணையத்தில் யாவரும் நலம்!

கவிஞர் வாலியின் கவிதாஞ்சலி!

2011-03-08T12:09:00.003+05:30

கவியரங்கம் தொடங்குமுன் - ஒரு கண்ணீர் அஞ்சலி...
ஒரு
புலிப் போத்தை ஈன்று
புறந்தந்து-
பின் போய்ச் சேர்ந்த
பிரபாகரன் தாய்க்கு; அந்தப்
பெருமாட்டியைப் பாடுதலின்றி
பேறு வேறுண்டோ எனது வாய்க்கு?

...

மாமனிதனின்
மாதாவே! - நீ
மணமுடித்தது வேலுப்பிள்ளை;
மடி சுமந்தது நாலு பிள்ளை!
நாலில் ஒன்று - உன்
சூலில் நின்று - அன்றே
தமிழ் ஈழம்
தமிழ் ஈழம் என்றது; உன் -
பன்னீர்க் குடம்
உடைத்துவந்த பிள்ளை - ஈழத்தமிழரின்
கண்ணீர்க் குடம்
உடைத்துக் காட்டுவேன் என்று...
சூளுரைத்து - சின்னஞ்சிறு
தோளுயர்த்தி நின்றது;
நீல இரவில் - அது
நிலாச் சோறு தின்னாமல் -
உன் இடுப்பில்
உட்கார்ந்து உச்சி வெயிலில் -
சூடும் சொரணையும் வர
சூரியச் சோறு தின்றது;

அம்மா!
அதற்கு நீயும் -
அம்புலியைக் காட்டாமல்
வெம்புலியைக் காட்டினாய்; அதற்கு,தினச் சோறு கூடவே
இனச் சோறும் ஊட்டினாய்;
நாட்பட -
நாட்பட - உன்
கடைக்குட்டி புலியானது;
காடையர்க்கு கிலியானது!

...

'தம்பி!
தம்பி!’ - என
நானிலம் விளிக்க நின்றான் -
அந்த
நம்பி;
யாழ்
வாழ் -
இனம்
இருந்தது - அந்த...
நம்பியை
நம்பி;

அம்மா!
அத்தகு -
நம்பி குடியிருந்த கோயிலல்லவா -
உன்
கும்பி!

...

சோழத் தமிழர்களாம்
ஈழத் தமிழர்களை...
ஓர் அடிமைக்கு
ஒப்பாக்கி; அவர்களது
உழைப்பைத் தம் உணவுக்கு
உப்பாக்கி;
செம்பொன்னாய் இருந்தோரை -
செப்பாக்கி; அவர்கள் வாழ்வை
வெட்டவெளியினில் நிறுத்தி
வெப்பாக்கி;
மான உணர்வுகளை
மப்பாக்கி;
தரும நெறிகளைத்
தப்பாக்கி -
வைத்த காடையரை
வீழ்த்த...
தாயே உன்
தனயன் தானே -
தந்தான்
துப்பாக்கி!

...

'இருக்கிறானா?
இல்லையா?’
எனும் அய்யத்தை
எழுப்புவது இருவர்;
ஒன்று -
பரம்பொருள் ஆன பராபரன்;
இன்னொன்று
ஈழத்தமிழர்க்கு -
அரும்பொருள் ஆன
பிரபாகரன்!

...

அம்மா! இந்த
அவல நிலையில் - நீ...
சேயைப் பிரிந்த
தாயானாய்; அதனால் -
பாயைப் பிரியாத
நோயானாய்!
வியாதிக்கு மருந்து தேடி
விமானம் ஏறி -
வந்தாய் சென்னை; அது -
வரவேற்கவில்லை உன்னை!
வந்த
வழிபார்த்தே -
விமானம் திரும்பியது; விமானத்தின்
விழிகளிலும் நீர் அரும்பியது!

...

இனி
அழுது என்ன? தொழுது என்ன?
கண்ணீர்க் கலப்பைகள் - எங்கள்
கன்ன வயல்களை உழுது என்ன?
பார்வதித்தாயே! - இன்றுனைப்
புசித்துவிட்டது தீயே!
நீ -
நிரந்தரமாய்
மூடிக்கொண்டாய் விழி; உனக்குத்
தங்க இடம்தராத - எங்கள்
தமிழ்மண் -
நிரந்தரமாய்த்
தேடிக்கொண்டது பழி!

நன்றி விகடன்.

பட்ஜெட் 2011 - 2012

2011-03-01T08:16:00.002+05:30

எனக்கு என்னோட செலவுகளையே கணிக்கத் தெரியாது! இதுல நாட்டு பட்ஜெட்டப் பத்தி நானென்ன சொல்ல? பட்ஜெட்டின் முக்கிய அம்சங்கள் மட்டும். நன்றி: தினமலர்.

இன்றைய பட்ஜெட்டிற்கு பின்னர் சென்செக்ஸ் புள்ளிகள் 500 க்கும் அதிகமாக ஏறுமுகமாக சென்று 18 ஆயிரம் புள்ளிகளை தொட்டது. முன்னதாக பட்ஜெட் உரையில் பிரணாப் கூறுகையில்; நாட்டில் உணவுப்பணவீக்கம், ஊழல் பிரச்னைகள் பெரும் கவலை அளிப்பதாவும், இதனை சீர்செய்ய உரிய நடவடிக்கைள் எடுத்து வருவதாகவும் அவர் கூறினார். பணவீக்கம் மெல்ல, மெல்ல சீரடையும் என உறுதியளித்தார். நாட்டின் பொருளாதார வளர்ச்சி 9.1 சதவீதமாக இருக்கும் , வேளாண்வளர்ச்சி 5. 6 சதவீதமாகவும், தொழில்வளர்ச்சி8.1 சதவீதமாகவும் இருக்கும் என்றும் கூறினார்.

நபார்டுதிட்டத்திற்கு 3 ஆயிரம் கோடி ஒதுக்கியிருப்பதாகவும், விவசாயதுறை முன்னேற்றத்திற்கு 7 ஆயிரத்து 860 கோடி ஒதுக்கியிருப்பதாகவும், முக்கிய அம்சங்களை அறிவித்தார்.

பட்ஜெட்டின் முக்கிய அம்சங்கள்:

* 2011 ல் மொத்த பொருளாதார வளர்ச்சி8.6 சதமாக இருக்கும்.

* 2011- 2012 ல் பொருளாதார வளர்ச்சி 9.1 சதமாக இருக்கும்

* உள்கட்டமைப்பு கடனுக்கு ரூ. 3 லட்சத்து 75 ஆயிரம் கோடி ஒதுக்கீடு

* உரிய காலத்தில் கடனை திருப்பி செலுத்தும் விவசாயிகளுக்கு 3 சதம் மானியம்

* விவசாயிகளுக்கு வழங்கிவரும் கடனை அதிகரிக்க முடிவு

* நாடு முழுவதும் புதிதாக 15 உணவுப்பூங்கா திறக்க முடிவு

* மண்ணெண்ணெய், உரத்திற்கு நேரடி வரி மானியம்

* வேளாண்துறையில் தனியார் முதலீடு அதிகரிப்பு

* வீட்டுக்கடன் 20 லட்சம் முதல் 25 லட்சம் வரை உயர்த்தி வழங்கப்படும்.

* பாரத்நிர்மாண் திட்டத்திற்கு 58 ஆயிரம் கோடி ஒதுக்கீடு

* கல்வி முதலீட்டு தொகை 24 சதம் உயர்த்தி நடப்பாண்டில் 52 ஆயிரத்து 57 கோடி ஒதுக்கீடு.

* அங்கன்வாடி :ஊழியர்களுக்கு 1500 லிருந்து 3 ஆயிரமாக ஊதிய உயர்வு

* சர்வசிக்ச அபியான் ( அனைவருக்கும் கல்வி ) திட்டத்திற்கு 21 ஆயிரம் கோடி ஒதுக்கீடு

* வெளிநாட்டில் பதுக்கி வைக்கப்பட்டுள்ள கறுப்பு பணத்தை கொண்டுவர 5 அம்ச திட்டம்

* கிராமப்புற தொலை தொடர்பு வளர்ச்சிக்கு 10 ஆயிரம் கோடி ஒதுக்கீடு

* முதியோர் உதவி பென்சன் திட்டத்தில் வயது ( 65 ல் இருந்து 60 வயதாக ) வரம்பு தளர்வு

* உணவுப்பாதுகாப்பு திட்டம் நடப்பாண்டில் நிறைவேற்ற உறுதி

* தாக்குதலில் காயத்திற்குள்ளாகும் பாதுகாப்பு படை வீரர்களின் கருணைத்தொகை உயர்வு

* நதிகள் சீரமைப்பு செய்ய சிறப்பு திட்டத்திற்கு 200 கோடி ஒதுக்கீடு

* மகளிர் சுய உதவிக்குழுக்களுக்கு கூடுதல் கடனுதவி.

* நக்சல் பாதிப்பு பகுதிகளில் உள்கட்டமைப்பு மேம்படுத்த சிறப்பு ( 25 முதல் 30 கோடி வரை) திட்டம்.

* தனிநபர் வருமான வரி விலக்கு உச்ச வரம்பு உயர்த்தப்பட்டுள்ளது. ஆண்டுக்கு 1. 60 லட்சத்தில் இருந்து 1. 80 லட்சமாக உயர்வு

* 80 வயதுக்கு மேல் உள்ள முதியோருக்கு ரூ. 500 உதவித்தொகை

* அடிப்படை உணவு மற்றும் எரிபொருளுக்கு சுங்கவரி, ‌சேவை வரியில் மாற்றம் இல்லை

* மூத்த குடிமக்களுக்கு ஆண்டு வருமான வரிவிதிப்பில் ரூ. 5 லட்சம் வரை விதிவிலக்கு

* இரும்பு ,சிமெண்ட் உற்பத்தி வரியில் சலுகை

* சூரிய மின்சக்தி தயாரிப்புக்கான பலகை இறக்குமதி வரி ரத்து

* திரைப்படத்துறையினருக்கு சலுகை

* விமான கட்டண சேவை வரி உயர்வு

*ஜம்மு காஷ்மீர் மேம்பாடுக்கு கூடுதல் நிதி ஒதுக்கீடு

*கம்பெனி்களுக்கான கூடுதல் வரி குறைப்பு

*வெளிநாட்டினர் முதலீட்டுக்கு ஊக்குவிப்பு

பொருளாதார நிபுணர்களின் கருத்துக்களை எதிர்பார்க்கிறேன்.

இனிமையான பதிவர் சந்திப்பு.. (26.02.2011)

2011-02-28T16:35:00.000+05:30

6 மணிக்குப் பதிவர் சந்திப்பு. அவசரமாகப் போனால் அனைவரும் தேநீர்க் கடையில்! நண்பர் KRP செந்திலின் தேநீர் உபசரிப்பு. LK, மற்றும் சில நண்பர்கள் (பெயர் மறந்துவிட்டது.) இருந்தார்கள். உண்மையான சந்திப்பு நடந்த Discovery Book Palace க்கு சென்றோம். (பக்கத்தில் டீக்கடை இருப்பதால்தான் அடிக்கடி இங்கு சந்திப்பு என்றார் செந்தில்!)

சுரேகா சுவையாகத் தொடங்கினார். கைதட்டாதவர்கள் ரத்தம் கக்கி சாவார்கள் என்றார். (பதிவர் சந்திப்பா? சபிப்பா?) இயக்குனர் சீனு ராமசாமியை அறிமுகப்படுத்தினார். பதிவர்களின் சுய அறிமுகமும் நடந்தது. இயக்குனரின் பேச்சு அட்டகாசம். தென்மேற்குப் பருவக்காற்று படம் வெற்றி பெற்றதற்கு வலைப்பதிவர்கள் முக்கியமான காரணம் என்று தொடங்கினார் இயக்குனர் சீனு ராமசாமி. தமிழ் சினிமாவின் இன்றைய நிலையையும், தான் கடந்து வந்த கஷ்டங்களையும் தெளிவாகச் சொன்னர். குறிப்பாக, சிறிய படங்களுக்குத் தியேட்டர் கிடைப்பதில்லை என்ற போது அதன் பின்னணி அரசியலை நினைத்துப் பதிவர்கள் புன்னகைத்தனர்.

என்னால் அனைத்துக் காரணங்களையும் வெளிப்படையாகச் சொல்ல முடியாது என்று அவர் சொன்னபோதும் காரணங்கள் அனைவருக்கும் தெரிந்ததே. ரசிகர்களில் பலர் முதலில் ஒரு படத்தை இயக்குனரின் பார்வையில் அடுத்து துணை இயக்குநரின் பார்வையில் அடுத்து தயாரிப்பாளரின் பார்வையில் பார்க்கிறார்கள் என்றார். இறுதியாக வலைப்பதிவர்கள் எழுத்தாளர்களாக மாற வேண்டும் என்றார். மொத்தத்தில் தரமான பேச்சு.

கேள்வி நேரத்தில், குறைந்த பட்ஜெட்டில் படமெடுக்க முடியுமா என்ற கேள்விக்கு தற்கால சினிமாவில் சாத்தியமில்லை என்றார் சீனு ராமசாமி. (கல்யாண வீடியோவிற்கே 3 லட்சம் செலவாகிறது என்றார் பதிவர் ஒருவர்!).

அடுத்து பேசியவர் சிங்கப்பூர் பதிவர் ஜோசஃப். இருதய மாற்று அறுவை சிகிச்சைக்குப் பதிவர்கள் தந்த பல லட்சங்களைப் பற்றிப் பேசினார். பெருமையும், நெகிழ்ச்சியுமாக இருந்தது. குழுமத்தின் அவசியத்தை வலியுறுத்தும் போது சிங்கப்பூரில் பதிவர்களின் கருத்தைத்தான் தாக்குவோமே தவிர, பதிவர்களை அல்ல என்றார். ஆழமான கருத்து.

குழுமம் தேவை என்பதைப் பரவலாக அனைவரும் ஒத்துக் கொண்டது நிறைவாக இருந்தது. அவசரத்தில் நண்பர்களிடம் சொல்லாமலே புறப்பட நேர்ந்தது வருத்தம். மொத்தத்தில் ஒரு இனிமையான பதிவர் சந்திப்பு.

டிஸ்கி: Discovery Book Palace ன் உரிமையாளர் நண்பர் வேடியப்பன், தனது தளத்தின் Online Book Purchase Link ஐத் தங்கள் வலைப்பூவில் இணைத்து ஆதரவைத் தருமாறு கேட்டுக் கொண்டார். விரைவில் இணைக்கிறேன். நிகழ்ச்சிக்கு ஏற்பாடு செய்த அனைவருக்கும் மனமார்ந்த நன்றி!!!

இன்று பதிவர் சந்திப்பு..!

2011-02-26T09:09:00.002+05:30

நண்பர் கே.ஆர்.பி.செந்தில் வெளியிட்ட அறிவிப்பு. மற்ற பதிவர்களுக்காக.

அன்பான பதிவர் பெருமக்களே.. நாமெல்லாம் ஆங்காங்கே புத்தக கண்காட்சியிலும், புத்தக வெளியீட்டிலுமாய் தொடர்ந்து டிசம்பர், ஜனவரி மாதங்களில் சந்தித்துக் கொண்டாலும், எல்லோரும் ஒட்டு மொத்தமாய் சந்தித்து பல காலமாகிவிட்டது என்பதால், ஏன் ஒரு பதிவர் சந்திப்பை நடத்தக் கூடாது? என்று பல புதிய பதிவர்கள் கேட்டுக் கொண்டேயிருந்தார்கள். மேற்ச்சொன்ன காரணத்தினாலும், சிங்கையிலிருந்து பதிவர் ஜோசப் பால்ராஜ் அவர்கள் வந்திருப்பதாலும், இவ்வளவு காலம் தள்ளிப் போய்க் கொண்டேயிருந்த நமது சந்திப்பு இன்று சனிக்கிழமை நடைபெற இருக்கிறது.

இன்று சனிக்கிழமை மாலை ஆறு மணிக்கு, டிஸ்கவரி புக் பேலஸில் நம் பதிவர் சந்திப்பு நடைபெறவிருக்கிறது. நம் சந்திப்பினூடே நம்முடன் வந்திருந்து கலந்துரையாட தென்மேற்கு பருவக்காற்று இயக்குனர் திரு. சீனு ராமசாமி வருகிறார். புதிய, பழைய,வாசக பெருமக்கள் அனைவரும் வந்திருந்து சந்திப்பை சிறப்பிக்க வேண்டுமாய் எல்லா பதிவர்கள் சார்பாய் வேண்டுகிறோம்.

இந்தப் பதிவர் சந்திப்பில் ’சென்னை வலைப்பதிவாளர் குழுமம்’ துவங்குவது பற்றிய கலந்துரையாடல் இடம்பெற இருப்பதால் சென்னைப் பதிவர்கள் அனைவரும் தவறாது கலந்து கொள்ளவேண்டுகிறோம்.

இடம் : டிஸ்கவரி புக் பேலஸ்
6, முனுசாமி சாலை,
முதல் மாடி, கே.கே.நகர் (பாண்டிச்சேரி ஹவுஸ் அருகில்)
நேரம் : மாலை 6 மணி
தேதி : 26/02/11
கிழமை: சனிக்கிழமை

சிறப்பு விருந்தினர் : இயக்குனர் திரு. சீனு ராமசாமி.

பதிவர்கள் அனைவரும் தங்களது பதிவில் இந்நிகழ்வை தெரிவித்து ஒரு பதிவிட்டு சக பதிவுலக அன்பர்களுக்கு தெரியப்படுத்துமாறு கேட்டுக் கொள்கிறோம்.

அனைவரும் வருக..வருக.. வருக..

நன்றி..

கண்டிப்பா ஸ்டேடியத்துலதான் மேட்ச் பார்க்கணுமா...?

2011-02-25T16:35:00.003+05:30

கிரிக்கெட் பற்றிய மற்றொரு வயிற்றெரிச்சல் கலந்த இடுகை. பெங்களூர் சின்னசாமி ஸ்டேடியத்தில் விழுந்த ஒவ்வொரு அடியும் கிரிக்கெட் ரசிகர்கள் அனைவரின் மீதும் விழுந்ததாகக் கருதுகிறேன். மிகவும் சுமூகமாகத் தீர்க்கப்பட்டிருக்க வேண்டிய விவகாரம். இவ்வளவு ரத்தம் சிந்தியிருக்க வேண்டியதில்லை!

சொந்த நாட்டில் நடக்கும் போட்டிக்கு டிக்கெட் வாங்க வந்தவர்கள் மீது லத்தி அடி. நடந்த வன்முறையைச் சிதறிக் கிடந்த செருப்புகள் சொல்கின்றன. முதல்நாள் இரவிலிருந்து காத்துக் கொண்டிருந்தவர்களுக்குக் கிடைத்தது டிக்கெட் அல்ல; கொடுமையான தண்டனை!

விற்பனை தொடங்கிய போது ஒருவருக்கு ஒரு டிக்கெட் கொடுத்திருக்கிறார்கள். கொஞ்ச நேரத்தில் ஒருவருக்கு இரண்டு டிக்கெட்! காத்திருந்தவர்களின் ஏமாற்றம் கோபமாக மாறியதில் வியப்பில்லை. எவ்வளவு டிக்கெட் எந்த விகிதத்தில் விற்க வேண்டும் என்பதைக் கூடத் திட்டமிடாமல் என்னதான் செய்தார்களோ??

ரசிகர்களுக்கு ஒரே ஒரு வார்த்தை. இடுகையின் தலைப்பை வாசிக்கவும். சிந்திக்கவும்.

நங்கநல்லூரில் புத்தகக் கண்காட்சி..!

2011-02-24T14:21:00.000+05:30

கிழக்குப் பதிப்பகத்தின் மற்றொரு இனிப்பு அறிவிப்பு! தி.நகரில் வெற்றிகரமாக நடைபெற்ற கண்காட்சியைத் தொடர்ந்து இப்போது நங்கநல்லூரில்! முக்கியமான நூல்கள் குறைந்த, மிகக் குறைந்த விலையில் கிடைக்கின்றன. புத்தகக் காதலர்கள் வாய்ப்பைத் தவறவிட வேண்டாம்!

இடம்: த்ரிசக்தி சமூக நலக்கூடம் (ஸ்பென்ஸர் மாடியில்)

முகவரி: ரமணாஸ் என்க்லேவ், எண் 28, 4வது மெயின் ரோடு, நங்கநல்லூர், சென்னை - 61

நேரம்: காலை 10.00 முதல் இரவு 8.30 மணி வரை

நாள்கள்: பிப்ரவரி 28 முதல் மார்ச் 3 வரை (நான்கு நாள்கள்)

தினமும் 6.00 மணிக்கு மாணவர்களுக்கான சிறப்பு வினாடி வினா எழுத்துத் தேர்வு நடைபெறும்.

சிறப்புத் தள்ளுபடி உண்டு.

===

இனி வரும் வார இறுதிகளில் சென்னையின் பிற பகுதிகளிலும் இதுபோன்ற புத்தக விற்பனை நடைபெறும்.

கிழக்குப் பதிப்பகத்துக்கு நன்றி!

சர்வதேசக் கிரிக்கெட் போலீஸ் அல்லது ICC...!

2011-02-22T10:45:00.002+05:30

சிறிய நாடுகளை அல்லது டெஸ்ட் அங்கீகாரம் பெறாத நாடுகளை [Associate Countries] உலகக் கோப்பையில் சேர்ப்பதால் போட்டிகளின் சுவாரசியம் குறைகிறது என்கிறது ICC. மிக மோசமான முடிவு.

இப்போது வெற்றிகரமாகத் திகழும் அனைத்து நாடுகளுமே ஒருகாலத்தில் மரணஅடி வாங்கியவர்கள். சிறுகச் சிறுக முன்னேறி இன்று கிடைத்திருக்கும் புகழுக்குத் தங்களைத் தகுதிப்படுத்திக் கொண்டவர்கள். கண்ணாடி வீட்டுக்குள்ளிருந்து எல்லா பக்கமும் கல்லெறிகிறது ICC!

ரிக்கி பாண்டிங், ”என்னதான் துரத்தி துரத்தி அடித்தாலும் சிறிய அணிகள் கற்றுக் கொள்வதில்லை” என்று ICC க்கு ஆதரவாகக் “கவலை” தெரிவித்திருக்கிறார். அபாயமான கருத்து. வளர விரும்பும் அணிகளுக்கு வாய்ப்பு தரக் கூடாது என்பது எந்த விதத்திலும் நியாயமில்லை! (ஒருவேளை புதுப்புது அணிகளிடமும் ஆஸ்திரேலியா தோற்கலாம் என்ற பயமோ?).

மீண்டும் ICC அறிவாளிகளைப் பற்றிப் பேசுவோம். Associate Countries பெரும்பாலும் பெரிய அணிகளுடன் விளையாடுவதில்லை. இதற்கும் ICC யின் முட்டாள்தனமான போட்டி அட்டவணைகளே காரணம். உலகக்கோப்பையிலும் இல்லை என்றால், எதற்காக அவர்களுக்கு Associate Countries என்ற அங்கீகாரம்???

கிரிக்கெட்டைப் பணம் இயக்குகிறது என்பது சில வருடங்களாக விமர்சகர்களின் கருத்து. அதை மெய்ப்பிக்கும் வகையில் இருக்கிறது ICC யின் அணுகுமுறை. உலகக்கோப்பை விறுவிறுப்பாக இருக்க வேண்டுமாம்! 2003 ல் கென்யா Semifinal, 2007 ல் அயர்லாந்து, பங்களாதேஷ் அடுத்த சுற்றுக்கு முன்னேற்றம் என சிறிய அணிகளும் இயன்றவரை தங்கள் திறமையை வெளிப்படுத்துகிறது.

ICC க்கு என்ன நஷ்டம்? சிறிய அணிகள் ஆடுவதால் அதிகப் போட்டிகள், விளம்பரங்கள், ஒளிபரப்பு உரிமை எனக் கூடுதலாகப் பணம் சேர்க்கவாவது இந்த அணிகள் உதவாதா? கிரிக்கெட்டை உண்மையாக நேசிக்கும் யாரும் இந்த முட்டாள்தனத்திற்குச் சம்மதிக்கமாட்டார்கள்! ICC, தனது முடிவை மறுபரிசீலனை செய்யும் என்று நம்புவோம்!

பதிவர்களுக்கு ஒரு வேண்டுகோள்...!

2011-02-21T15:15:00.002+05:30

தமிழக மீனவர்கள் இலங்கைக் கடற்படையால் தொடர்ந்து கொல்லப்படுவது/தாக்கப்படுவது குறித்து, இணையத்தில் இணையப் பயனாளர்களால் முன்னெடுக்கப்பட்ட #tnfisherman campaign, இணையம் கடந்து மற்ற வழிமுறைகளையும் மேற்கொள்கின்றது.

30/01/2011 அன்று சென்னை கடற்கரையில் நடந்த முதல் சந்திப்புக்குப் பிறகு அரசியல் தலைவர்களையும், மீனவர் பிரதிநிதிகளையும் சந்திக்கும் பணி சிறப்பாக நடந்து வருகிறது. சந்திப்பில் பேசப்பட்டதாக பதிவான முக்கியமான நடவடிக்கை, நாகப்பட்டினம், ராமேஸ்வரம் பகுதிகளுக்கு இணையப் பயனர்கள் நேரில் சென்று மீனவ கிராமங்களில் பாதிக்கப்பட்டவர்களுடன் பேசி தகவல்களை ஆவணப்படுத்துவது.

கணிசமான எண்ணிக்கையில் இணையப் பயனர்கள் நேரில் சென்று நிலவரங்களை அறிந்து

    * வலைப்பதிவுகளாகவும்
    * டுவீட்டுகளாகவும்
    * ஃபேஸ்புக்கிலும் தகவல்களாகவும்
    * கூகுள் பஸ் உரையாடல்களாகவும்
    * யூடியூப் காணொலிகளாகவும்
    * ஒளிப்படங்களாகவும்

இணையத்தின் மூலம் தகவல்களை ஆவணப்படுத்துவதோடு குறிப்பிடத்தக்க தாக்கத்தையும் நாம் ஏற்படுத்த முடியும். இது தொடர்பாக ஒரு குழுவாக நாகப்பட்டிணம், வேதாரண்யம், ராமேஸ்வரம் ஆகிய பகுதிகளுக்குச் செல்வதென முடிவெடுக்கப்பட்டுள்ளது.

நாட்கள் : மார்ச் 4, 5, 6 மற்றும் 7

நான்கு நாட்களும் பங்கெடுக்க இயன்றவர்கள் பங்கெடுக்கலாம். ஓரிரு நாட்கள் மட்டும் பங்கெடுக்க இயன்றவர்களும் பங்கெடுக்கலாம். முதல் இரண்டு நாட்கள் நாகப்பட்டிணம்/வேதாரண்யம் பகுதிகளிலும், அடுத்த இரண்டு நாட்கள் ராமேஸ்வரம் பகுதியிலும் பயணமிடத் திட்டமிடப்பட்டுள்ளது.

முதல் இரண்டு நாட்களில் காரைக்கால், மயிலாடுதுறை, திருவாரூர், திருத்துறைப்பூண்டி, முத்துப்பேட்டை போன்ற நாகை/வேதை பகுதிகளிலிருந்து ஒரு மணி நேர பயண தூரத்தில் இருக்கும் பதிவர்கள் கலந்து கொள்வது மிகவும் பயனளிக்கும். அடுத்த இரண்டு நாட்களில் ராமநாதபுரம் மற்றும் அதைச் சுற்றியுள்ள பகுதிகளில் இருக்கும் பதிவர்கள் பங்கெடுக்கலாம்.

இந்தப் பயணத் திட்டத்தில் இன்னும் பலர் கலந்து கொள்ளச் செய்ய, பயணத்திட்டத்தை நமது வலைப்பதிவுகள், டுவிட்டர், ஃபேஸ்புக் மற்றும்தொடர்புகளுக்கு மின்னஞ்சல் மூலம் இன்னும் பரவலாக்கும் படி கேட்டுக்கொள்கின்றோம்.

தமிழக மீனவர்கள் தொடர்பான கருத்துகள் பகிரப்படும் கூகிள் மின்குழுமத்தில் இணைவதன் மூலம் மேலும் பல தகவல்களை அறிய முடியும்.

மீனவர் பிரச்னைக்கு அதரவு அளித்தவர்களின் பேட்டிகள், இப்பிரச்னை தொடர்பாக வெளிவரும் சிறப்பான கட்டுரைகள் யாவும் www.savetnfishermen.org தளத்தில் பதிவு செய்யப்பட்டு வருகின்றன.

--------------------------------------------------------------------------------------------------------------

நண்பர் பதிவனின் தளத்திலிருந்து கிடைத்த தகவல்கள். அலுவலக நிலவரத்தைப் பொறுத்தது நான் கலந்து கொள்வதும் / கொள்ளாததும். மிகச் சிறந்த முயற்சியை மேற்கொண்டிருக்கும் நண்பர்கள் அனைவருக்கும் மனமார்ந்த வாழ்த்துக்கள். வாசிக்கும் நண்பர்கள் தங்கள் வலைப்பக்கத்திலும் இந்தச் செய்திகளை வெளியிடுவது பயனுள்ள உதவியாக இருக்கும் என்று கருதுகிறேன். இயன்றவரை நானும் கலந்து கொள்ள முயற்சிக்கிறேன்.

மலேசியா வாசுதேவன்!

2011-02-21T10:40:00.003+05:30

மலேசியா வாசுதேவன் மரணம். ஸ்வர்ணலதா இறந்த சோகம் மறைவதற்குள் தமிழ்த் திரை இசைக்கு இன்னுமொரு இழப்பு. எஸ்.பி.பி, யேசுதாஸ் உச்சத்தில் இருந்த நாட்களிலும் தனது தனித்துவமான குரலால் ரசிகர்களின் நெஞ்சை அள்ளியவர் மலேசியா.அவருக்கு இந்த ரசிகனின் அஞ்சலி.

மலேசியாவில் பிறந்தவர் என்பதால் வாசுதேவனுக்கு முன்னால் மலேசியா ஒட்டிக்கொண்டது. தமிழ்நாட்டிற்கு இடம்பெயர்ந்து மேடை நாடகங்களில் நடிக்கும் போது பின்னணி பாடும் வாய்ப்பு. 16 வயதினிலேவின் ”ஆட்டுக்குட்டி முட்டையிட்டு” பாடல் ரசிகர்களை ஈர்த்தது. தமிழில் கிட்டத்தட்ட 8,000 பாடல்கள். பிற மொழிகளில் 4,000 பாடல்கள்.

85 படங்களில் நடிகர் அவதாரம். முதல் வசந்தம், ஒரு கைதியின் டைரி, கதாநாயகன் படங்களில் இவரின் முத்திரைகளில் சில!

சில மாதங்களுக்கு முன்னால் ஆனந்த விகடனில் இவரது நீண்ட பேட்டி. வாசித்த போது வருத்தமாக இருந்தது. திரையுலகம் தன்னைப் புறக்கணித்தது குறித்து சாதாரணமாகச் சொல்லியிருந்தாலும் அவரை எவ்வளவு பாதித்திருக்கும் என்பதை அறிய முடிந்தது. மலேசியா வாசுதேவனின் சோதனைக் காலகட்டத்தில் அவரை அடிக்கடி சந்தித்து ஆறுதல் அளித்தவர், எஸ்.பி.பாலசுப்ரமணியம்!

உடலுக்கு மட்டுமே மறைவு, தகனம் எல்லாம். இவரது குரல் தமிழ்ப்பாடல்கள் உள்ளவரை வாழும். பூங்காற்று திரும்புமா?

உலகக் கோப்பை 2011. (எனது உலகக்கோப்பைகள்!)

2011-02-18T13:29:00.007+05:30

2011. திருவிழா தொடங்கப் போகிறது. உலகக் கோப்பை குறித்த எனது நினைவுகள் உங்களுக்காக!

1987. நான் முதலில் பார்த்த உலககோப்பை. (LBW ன்னா என்னன்னு தெரியாது!) சீனியர்கள் ஆச்சரியப்படும் போது ஆச்சரியப்பட்டு, பயப்படும் போது பயம் எனக் குழப்பக் கோப்பை. ஸ்ரீகாந்த்தும், கவாஸ்கரும் நியூஸிலாந்தைத் துவைத்தது மட்டும் நினைவில் இருக்கிறது! (கவாஸ்கரின் ஒரே ஒருநாள் போட்டி சதம், சேட்டன் ஷர்மாவின் ஹாட்ரிக் போட்டியின் சுவாரசியங்கள்!).

1992. Coloured Uniform, Day-Night Matches, White Ball எனப் புதுமைக் கோப்பையாக மிளிர்ந்தது. பல வருடத் தடைக்குப் பிறகு தென்னாப்பிரிக்கா பங்கேற்று சிறப்பாக விளையாடியது, (Duckworth-Lewis தென்னாப்பிரிக்காவை வென்றனர்!) பாகிஸ்தானைத் தவிர எந்த அணியோடும் தோற்காத நியூஸிலாந்து, (Mark Greatbatch Opening ல் முழு சுதந்திரத்தோடு பவுலர்களை நொறுக்கியது, Deepak Patel முதல் ஓவர் ஆஃப் ஸ்பின்) பாகிஸ்தானையும், ஸிம்பாபேயையும் மட்டும் வீழ்த்திய பெருமையோடு இந்தியா, வழக்கம் போல் ஃபைனலில் தோற்ற இங்கிலாந்து, அதிர்ஷ்டக்கார பாகிஸ்தான் என Colourful நினைவுகள்!

1996: இந்தியா, பாகிஸ்தான், இலங்கை இணைந்து நடத்தியது. தென்னாப்பிரிக்காவோடு லாரா சொல்லி அடித்த சதம், வெஸ்ட் இண்டீஸ் கென்யாவோடு தோற்ற அதிர்ச்சி, சச்சின், மார்க் வாஹின் சதங்கள், கும்ப்ளேவின் விக்கெட்டுகள், பாகிஸ்தான் போட்டியில் ஜடேஜாவின் எக்ஸ்பிரஸ் இன்னிங்ஸ், அமீர்சோஹைலின் திமிருக்கு வெங்கடேஷ் பிரசாத்தின் பதிலடி, ஜெயசூர்யா - கலுவிதரானா இணைந்து மிரட்டியது, கல்கத்தா கலவரம் (Semi Final), இறுதிப் போட்டியில் அரவிந்த டி சில்வாவின் அற்புதமான சதம். இவை 96 கோப்பையின் முத்துக்கள். (போட்டியை நடத்தும் நாடு கோப்பையை வெல்லாது என்ற மூடநம்பிக்கையைத் தகர்த்தது இலங்கை!)

1999. இங்கிலாந்தில் நடந்தது. லான்ஸ் க்ளூஸ்னர் என்ற தென்னாப்பிரிக்க இளைஞரைப் பற்றித் தெரியாதவர்கள் 1999 கோப்பையில் தெரிந்து கொண்டார்கள். All-rounder ன் முக்கியத்துவத்தை உணர்த்தினார் லான்ஸ். தந்தையின் இறுதிச் சடங்கு முடிந்து கென்யாவோடு சச்சினின் 140 Not Out கோப்பையின் மிகச்சிறந்த இன்னிங்ஸ்! கங்குலியின் 183 Not Out இலங்கையைச் சிதறடித்தது. பாகிஸ்தானை இந்தக் கோப்பையிலும் எளிதாக வென்றது இந்தியா. 1999 ன் மிகச்சிறந்த போட்டி, ஆஸ்திரேலியா -தென்னாப்பிரிக்கா Semifinal! வார்னே யார் என மீண்டும் அழுத்தமாக நிரூபித்த ஆட்டம். ஃபைனலிலும் கலக்கினார் ஷேன். பாகிஸ்தானை மிக எளிதாக ஊதித்தள்ளியது ஆஸ்திரேலியா!

2003. தென்னாப்பிரிக்காவில்! ஆஸ்திரேலியாவைத் தவிர இந்தியா யாரிடமும் தோற்கவில்லை! பாகிஸ்தானுடல் சச்சினின் 98, கோப்பையின் சிறந்த இன்னிங்ஸில் ஒன்று! (தொடர் நாயகன் சச்சின் - 673 ரன்கள்!) சச்சின் சேவாக்கின் அதிரடியும், இந்தியப் பந்துவீச்சும் வெற்றிக்குக் காரணங்கள். ஆஸ்திரேலியா எந்தப் போட்டியிலும் தோற்கவில்லை! முதல் போட்டியில் லாராவின் சதம் (மீண்டும் தென்னாப்பிரிக்கா!), சமிந்தா வாஸ் ஒரே ஓவரில் நான்கு விக்கெட், John Davison ன் அதிரடி சதமும், வெஸ்ட் இண்டீஸின் பதிலடியும், ஃபைனலில் பாண்டிங் சதமும் கோப்பையின் முக்கிய நிகழ்வுகள். வழக்கம் போல் ஆஸ்திரேலியா Champions!

2007. முதன்முதலாய் மேற்கிந்தியத்தீவுகளில்! அயர்லாந்து, பங்களாதேஷின் எழுச்சியும், இந்தியா, பாகிஸ்தான் வீழ்ச்சியும் ஒரே நாளில் நடந்தது. உலகக் கோப்பை, இந்த அணிகளின் வெளியேற்றத்தில் காலிக்கோப்பையானது. ஃபைனலில் ஆடம் கில்கிறிஸ்டின் 149 மறக்கமுடியாதது. (பாதிப் போட்டிகளை நான் பார்க்கவில்லை!)

2011. இந்தியா வெல்லும், வெல்லும் என்று தோனியின் ரத்த அழுத்தத்தை ஏற்றுகிறது மீடியா. 2011, ஏகப்பட்ட ஆச்சரியங்களைத் தரும் என்று அதிக நம்பிக்கையோடு இருக்கிறேன். 2007 ல் கற்ற பாடத்தால் ஒவ்வொரு அணிக்கும் முதல்சுற்றில் ஆறு ஆட்டங்கள்! Well done ICC! வெல்க இந்தியா!!!!

கிரிக்கெட் ஜுரம்ம்ம்ம்ம்ம்!

IT நண்பர்களுக்கு நன்றி....!

2011-02-14T09:32:00.000+05:30

எல்லாப் பிரச்சனைக்கும் IT காரனுங்கதான் காரணம்னு பொதுவா ஒரு கருத்து இருக்கு! (அரசியல் காரணமில்லையா?) சமூக அக்கறை கெடையாது. பார்ட்டிலதான் நாட்டமெல்லாம்! இனி, இந்த மாதிரி விமர்சனத்துக்கு வேலையில்லை! IT நண்பர்கள், 500 க்கும் மேற்பட்ட தமிழக மீனவர்கள் படுகொலை செய்யப்பட்டதை எதிர்த்து உண்ணாவிரதம் இருக்கப் போகிறார்கள்.

பிப்ரவரி 19, 2011 காலை 8:30 மணி முதல் தகவல் தொழில்நுட்பச் சாலை, சோழிங்கநல்லூர் சந்திப்பு அருகில் உண்ணாவிரதம் நடைபெறும். ஆதரவைத் தெரிவிக்க விரும்பும் நண்பர்கள் வரவேற்கப்படுகிறார்கள். படித்த மக்களின் போராட்டம் நிச்சயமாக அரசைச் சிந்திக்க வைக்கும் என்று நம்புவோம்! நண்பர்களின் முயற்சிக்கு Royal salute...!

படம், மற்றும் தகவல் நண்பர் ஜாக்கி சேகர் இணையதளத்திலிருந்து பெறப்பட்டது. அவருக்கு நன்றி!

கிழக்கு பதிப்பகம் வழங்கும் அதிரடி புத்தகத் திருவிழா !

2011-02-10T17:16:00.002+05:30

அறிவிப்பு ஸ்பெஷலாக என் வலைப்பூ மாறும் அபாயம் தெரிகிறது. இருநதாலும், கிழக்குப் பதிப்பகத்தின் அறிவிப்பை வெளியிடாமல் இருக்கமுடியவில்லை! புத்தகங்கள், வரலாறு காணாத தள்ளுபடியில்! மற்றவை, கிழக்குப் பதிப்பகத்தின் பத்ரி சேஷாத்ரி மொழியில்!

நினைத்து பார்க்கமுடியாத விலையில், ரூபாய் 5 தொடங்கி கிழக்கு, பிராடிஜி, வரம், நலம் புத்தகங்கள் விற்பனைக்குக் கிடைக்கின்றன. வரலாறு, வாழ்க்கை, அரசியல், புதினம், வர்த்தகம், சுய முன்னேற்றம், அறிவியல், மொழிபெயர்ப்பு என்று பல துறைகளைச் சேர்ந்த நூல்கள் கண்காட்சியில் கிடைக்கும்.

சில புத்தகங்களுக்கு 80% வரை (ஆம், எண்பது சதவிகிதம் வரை!) தள்ளுபடி உள்ளது.

இடம் 1:

மைலாப்பூர் குளம் எதிரில்.

தொலைபேசி எண் : 9500045643

இடம் 2:

L.R. சுவாமி ஹால்

சிவா விஷ்ணு கோயில் எதிரில்

சங்கர பாண்டியன் ஸ்டோர் அருகில்

தி. நகர்,சென்னை

தொலைபேசி எண் : 9500045608

தேதி:

பிப்ரவரி 5 முதல் பிப்ரவரி 13 வரை.

விரைந்து சென்று பயனடையவும்....!

சுஜாதா விருதுகள் - 2011

2011-02-09T12:10:00.012+05:30

சுஜாதா அறக்கட்டளை - உயிர்மை இணைந்து வழங்கும் சுஜாதா விருதுகள் 2011.

தமிழின் நவீனத்துவத்திற்குப் பெரும் பங்காற்றிய அமரர் சுஜாதாவின் நினைவாக அவரது பிறந்த தினமான மே 3-ம் தேதி இலக்கியம் மற்றும் இணையம் சார்ந்து 6 விருதுகள் வழங்கப்படுகின்றன.

ஒவ்வொரு விருதும் 10 ஆயிரம் ரூபாய் பரிசும் பாராட்டுப் பத்திரமும் கொண்டது.

பரிசுக்குரிய தேர்வுகள் போக ஒவ்வொரு பிரிவிலும் 5 விண்ணப்பங்கள் பாராட்டிற்குரியதாக தேர்ந்தெடுக்கப்பட்டு சான்றிதழ் வழங்கப்படும்.

1. சுஜாதா சிறுகதை விருது: சிறந்த சிறுகதைத் தொகுப்பிற்கு

2. சுஜாதா நாவல் விருது: சிறந்த நாவலுக்கு

3. சுஜாதா கவிதை விருது: சிறந்த கவிதைத் தொகுப்பிற்கு

4. சுஜாதா உரைநடை விருது: சிறந்த கட்டுரைத் தொகுப்பிற்கு

5. சுஜாதா இணைய விருது: சிறந்த வலைப்பதிவு (blog) அல்லது இணைய இதழுக்கு (website)

6. சுஜாதா சிற்றிதழ் விருது: சிறந்த சிறுபத்திரிகைக்கு

விதிமுறைகள் :

1. முதல் நான்கு பிரிவுகளில் 2009 டிசம்பர் முதல் 2010 டிசம்பர் வரையிலான காலகட்டத்தில் வெளிவந்த நூல்களில் 3 பிரதிகள் அனுப்பப்படவேண்டும். எழுத்தாளரோ, பதிப்பாளரோ அல்லது வாசகர்களோகூட நூல்களை அனுப்பலாம். எழுத்தாளரைப் பற்றிய தகவல்கள் மற்றும் முகவரி தனித்தாளில் எழுதி நூல்களுடன் அனுப்பவும். நூல்களில் எதுவும் குறிக்கப்படவேண்டியதில்லை.

2. 5-வது பிரிவில் தமிழின் சிறந்த வலைப்பதிவு அல்லது இணையதளத்திற்கு வழங்கப்படும். அந்த இணையதளத்தை அல்லது வலைப்பதிவை நடத்துபவர்கள் தம்மையும் தமது இணையப் பக்கங்களையும் பற்றிய சிறு குறிப்புடன் அதில் வெளிவந்த முக்கியமான ஆக்கங்களின் பத்து சுட்டி(link)களையும் அனுப்ப வேண்டும். அனுப்ப வேண்டிய முகவரி: sujathaawards@gmail.com

3. 6-வது பிரிவில் தமிழில் 2010-ம் ஆண்டு வெளிவந்த சிற்றிதழ்களிலிருந்து பிரதிகள் அனுப்பப்படவேண்டும். அந்த ஆண்டில் குறைந்தபட்சம் மூன்று இதழ்களாவது வெளியிடப்பட்டிருக்க வேண்டும். அந்த ஆண்டில் வெளிவந்த ஒவ்வொரு இதழிலிருந்தும் 3 பிரதிகள் வீதம் அனுப்ப வேண்டும்.

4. விருதுக்குரிய தேர்வுகள் தமிழின் முன்னணி எழுத்தாளர்கள் மற்றும் பத்திரிகையாளர்களால் மேற்கொள்ளப்படும்.

5. தேர்வுக்கான விண்ணப்பங்கள் வந்து சேரவேண்டிய கடைசித் தேதி: மார்ச் 20, 2011.

6. விருதுகள் மே. 3, 2011-ம் தேதி சுஜாதாவின் பிறந்த தினத்தில் வழங்கப்படும்.

விண்ணப்பங்கள் அனுப்ப வேண்டிய முகவரி :

சுஜாதா விருதுகள், உயிர்மை,
11/29 சுப்பிரமணியம் தெரு, அபிராமபுரம், சென்னை-600018,
மின்னஞ்சல் sujathaawards@gmail.com தொலைபேசி: 91-44-24993448.

பங்கேற்பவர்களுக்கு மனமார்ந்த வாழ்த்துக்கள்!

இணையத்தில் புத்தகக் கண்காட்சி!

2011-02-03T12:48:00.000+05:30

நாகரத்னா பதிப்பகம் இணைய நூல் கண்காட்சி, சிறப்பான முயற்சி. எனக்கு மெயிலில் வந்த தகவலைப் பகிர்ந்து கொள்கிறேன். பதிப்பகத்தின் முயற்சிக்கு மனமார்ந்த வாழ்த்துக்கள்!

பதிப்பகத்தின் மெயில்!

வணக்கம்,

சென்ற வருடத்தில் நாகரத்னா பதிப்பகத்தை தொடங்கி இரண்டு மாதத்தில் ‘We Can Books distributors’ தொடங்கினோம். எங்கள் இரண்டாம் ஆண்டு தொடக்கத்தை கொண்டாடும் விதமாக இணையத்தில் புத்தகக் கண்காட்சி நடத்த திட்டமிட்டுள்ளோம்.

இணையத்தில் புத்தக்க் கண்காட்சி நடத்துவது எளிதில்லை. தள்ளுபடி தருவது கடினம். தபால் செலவு ரூ.25 முதல் ரூ.50 வரை வாய்ப்புள்ளது. ஆனால், இந்த இணைய கண்காட்சியில் இரண்டும் வாசகர்களுக்கு நாங்கள் தருவதாக இருக்கிறோம்.

10% தள்ளுபடி மற்றும் தபால் செலவு இலவசம்.

இந்த புத்தகக் கண்காட்சியில் மற்ற பதிப்பக புத்தகங்கள் இடம் பெறுவதால் ரூ.150க்கு மேல் வரும் ஆர்டருக்கு மட்டும் தபால் செலவு இலவசமாக வழங்கும் நிலையில் இருக்கிறோம்.

அதற்கு கீழ் (ரூ.150) ஆர்டர் தருபவர்கள், 50% கொரியர் பணம் செலுத்தினால் போதுமானது.

இந்த இணைய புத்தகக் கண்காட்சியில் இடம் பெறும் புத்தக பட்டியல் கீழே !!

சிறுகதை
1. நடைபாதை (குகன்) - ரூ.40 (பக்.112)
2. என்னை எழுதிய தேவதைக்கு (குகன்) - ரூ.55 (பக்.96)
3. லெமன் ட்ரீயும் இரண்டு ஷாட் டக்கீலாவும் (சங்கர் நாராயண்) – ரூ.50 (பக்:80)
4. டைரி குறிப்பும் காதல் மறுப்பும் (பரிசல் கிருஷ்ணா) – ரூ.50 (பக்.80)
5. வைரஸ் புன்னகை (தமிழினியன்) – ரூ.40
6. வசீகர பொய்கள் (எஸ்.ஷங்கர்நாராயணன்) – ரூ.60
7. இரத்த ஆறு (எஸ்.ஷங்கர்நாராயணன்) – ரூ.60
8. தகப்பன்சாமி (பத்ரிநாத்) ரூ.25
9. துணிலும் இல்லை துரும்பிலும் இல்லை (ம.ந.ராமசாமி) – ரூ.25
10. சலாம் இஸ்லாம் (களந்தை பீர்முகமுது) – ரூ.50
11. மீண்டும் ஒரு காதல் கதை (சங்கர் நாராயண்) – ரூ.90

கவிதை
12. காந்தி வாழ்ந்த தேசம் (கவிதை தொகுப்பு) – ரூ.45 (பக்.80)
13. கவிதை உலகம் (கவிதை தொகுப்பு) – ரூ.35 (பக்.64)
14. நிஜமற்றுப் போன நம் கனவுகள் (ஈழ கவிதைகள்) – ரூ.25 (பக்.48)
15. SMS ஹைக்கூ ( ஹைக்கூ தொகுப்பு) – ரூ.10 (பக்.32)
16. நெல்மணி (ஹைக்கூ) - ரூ.10 (பக்.32)
17. நீ...நான்..நிலா (இளையபாரதி) –ரூ.40

நாவல்
18. நீர்வலை (எஸ்.ஷங்கர்நாராயணன்) - ரூ.70 – (தமிழக அரசு விருது பெற்றது)
19. மில் (ம.காமுத்திரை) - ரூ.150 – ( ஆனந்த விகடன், சுஜாதா நினைவு 2010 விருது பெற்றது)

மாணவர்களுக்கான புத்தகங்கள்

20. உள்ளங்கையில் வாழ்க்கைக்கு வழி (கனியன் செல்வராஜ்) – ரூ.10 (பக்.22)
21. கம்ப்யூட்டர் கையேடு ( என்.சொக்கன்) – ரூ.100
22. VAO : மாதிரி வினா விடை – ரூ.99
23. நினைவுத் திறன் வளர்த்தல் – ரூ.25 (பக்.64)
24. வள்ளுவர் காட்டும் தனி மனித நிர்வாகம் – ரூ.30 (பக்.80)
25. எம் மாணவனையும் பொன்னாக்கலாம் – ரூ.40 (பக்.96)
26. சிந்திக்க வைக்கும் சிறப்பான விடுகதைகள் – ரூ.40 (பக்.96)
27. படித்தவுடன் மனபாடம் - ரூ.40 (பக்.96)
28. மாணவர்களுக்கான யோகாசங்கள் - ரூ.50 (பக்.96)
29. புத்தி தரும் பஞ்சதந்திர கதைகள் - ரூ.40 (பக்.96)
30. கட்டுரை களஞ்சியம் (கட்டுரை தொகுப்பு) – ரூ.60
31. தைவான் நானோடிக் கதைகள் (மதுமிதா) – ரூ.40

சுயமுன்னேற்றம்

32. எனது கீதை (குகன்) – ரூ.40 (பக்.112)
33. நீங்கதான் சாவி (சுரேகா) – ரூ.50 (பக்.80)
34. வளமுடன் வாழ்வோம் வா (துருவன்) – ரூ.40 (பக்.112)
35. வரம் தரும் வாழ்வு (துருவன்) – ரூ.75 (பக்.160)
36. சூரியனுக்கு சுபிரபாதம் (ஜெயந்தி சங்கர்) – ரூ.35

அரசியல்

37. ராஜீவ் கொலை வழக்கு (ரகோத்மன்) – ரூ.130
38. மாவோயிஸ்ட் ( பா.ராகவன்) – ரூ.70
39. இலங்கை இறுதி யுத்தம் ( Nitin A.Gokhale) – ரூ.120
40. இந்திரா Vs ஜெ.பி : எமர்ஜன்ஸி – ரூ.150
41. அகதி வாழ்க்கை (கலையரசன்) - ரூ.100
42. போபால்: அழிவின் அரசியல் ( மருதன்) – ரூ.135
43. ஆர்.எஸ்.எஸ் : மதம், மதம் மற்றும் மதம் (பா.ராகவன்) – ரூ.75
44. மகாத்மா கொலை வழக்கு (என்.சொக்கன்) – ரூ.130
45. ஸ்பெக்ட்ரம் சர்ச்சை ( பத்ரி ) – ரூ.40
46. இந்திய வரலாறு (ராமச்சந்திர குஹா) பாகம் 1 & 11 –ரூ.250 & ரூ.350
47. வஞ்சக உளவாளி ( நந்திதா ஹக்சர்) – ரூ.170
48. தமிழ்நாடு எல்லைப் போராட்டம் (அ.பெரியார்) – ரூ.100

வாழ்க்கை வரலாறு

49. தேவர் : ஒரு வாழ்க்கை ( பாலு சத்யா ) – ரூ.75
50. கிளியோபாட்ரா ( முகில்) – ரூ.90
51. கலீலியோ கலீலி (குகன்) – ரூ.25
52. ஐரோம் ஷர்மிளா (தீப்தி ப்ரியா மேஹரோத்ரா) – ரூ.110

பிற

53. ஆர்ய சமாஜம் (மலர்மன்னன்) – ரூ.65
54. யூத மதம் (முகில்) – ரூ.25
55. பிரியாணி வகைகள் – ரூ.25
56. செட்டி நாடு அசைவ சமையல் – ரூ.25
57. இந்துத்துவம் : எளிய அறிமுகம் (அரவிந்தன்) – ரூ.25
58. ஓஷோ :ஹைக்கூ புரிதல் (செல்லம்மாள் கண்ணன்) – ரூ.30
59. என் வானம் நான் மேகம் (மா.அன்பழகன்) – ரூ.200
60. அரவாணிகள்: பன்முக அடையாளங்கள்(வெ.முனிஷ்)-ரூ.125

நாகரத்னா பதிப்பகம் சிறப்பு தள்ளுபடி

நாகரத்னா பதிப்பகத்தின் ரூ.375 மதிப்புள்ள 9 நூல் = ரூ.300 + தபால் செலவு இல்லை. (20% தள்ளுபடி)

நாகரத்னா பதிப்பகத்தின் ரூ.195 மதிப்புள்ள 4 சிறுகதை நூல் = ரூ.175 + தபால் செலவு இல்லை.

கேபிள் சங்கர் (சங்கர் நாராயண்) ன் ரூ.230 மதிப்புள்ள 3 நூல்கள் = ரூ.200 + தபால் செலவு இல்லை.

லெமன் ட்ரீயும் இரண்டு ஷாட் டக்கீலாவும்
சினிமா வியாபாரம்
மீண்டும் ஒரு காதல் கதை

தாங்கள் விரும்பும் புத்தகப்பட்டியலை 'Book Order' என்று Subject ல் குறிப்பிட்டு, nagarathna_publication@yahoo.in மற்றும் tmguhan@yahoo.co.in மின்னஞ்சல் முகவரிக்கு தங்கள் முகவரி மற்றும் அலைபேசி விபரங்களுடன் அனுப்பவும்.

தாங்கள் கேட்கும் புத்தகங்கள் எங்களிடம் இருப்பதை உறுதி செய்த பின்னர் உங்களை தொடர்பு கொண்டு பணம் செலுத்தும் விபரங்களை தெரிவிக்கிறோம்.

நீங்கள் ஆர்டர் செய்யும் எல்லா புத்தகங்களுக்கும் 10% தள்ளுபடி உண்டு.
வெளி மாநிலத்தில் இருப்பவர்கள் தயவு செய்து புத்தகம் அனுப்ப தமிழக முகவரி கொடுக்கவும்.

இந்த அறிவிப்பை தங்கள் பதிவிலோ, இணையத்திலோ வெளியிடுபவர்களுக்கு அட்வான்ஸ் நன்றிகள் !!

இந்த கண்காட்சி பிப்ரவரி 2 முதல் 28 வரை மட்டுமே !!

அன்புடன்,
குகன்,
guhankatturai.blogspot.com

தமிழக மீனவர்களைக் காக்க...!

2011-01-28T16:44:00.000+05:30

பல வருடங்களாகவே மிகவும் மலிவானது தமிழக மீனவர்களின் உயிர்தான்! சிங்களக் கடற்படையினரிடம் அவர்கள் படும்பாடு, எழுத்தில் ஏற்ற முடியாத அளவுக்குக் கொடூரமும், வக்கிரமும் நிறைந்தது. தமிழ்நாட்டு மீனவர்களுக்காக ட்விட்டர் நண்பர்கள் இணையதளத்தை உருவாக்கி உணர்வுகளைப் பிரதிபலித்து வருகிறார்கள். அவர்களுக்கு மனமார்ந்த நன்றி.

தளத்திற்குச் செல்ல!

உங்கள் உணர்வுகளையும் வெளிப்படுத்தவும்!

சென்னையில் புத்தகமழை...!

2011-01-03T16:42:00.000+05:30

”படிக்க வேண்டிய புத்தகங்களின் பட்டியல் எப்போதும் வைத்திருக்க வேண்டும்” என்பார் வசீகர எழுத்தாளர் சுஜாதா. உங்கள் பட்டியல் மெய்ப்பட சிறந்த வாய்ப்பு சென்னையின் 34 ஆவது புத்தகக் காட்சி! ஜனவரிதோறும் தவறாமல் சென்னையில் பிரமாண்டமாய்ப் பெய்யும் புத்தகமழை! இந்த வருடமும் சிறப்பாகப் பெய்யப்போகிறது.

காட்சியின் முதல்நாளில் ஒரு கடையையும் விடாமல் புத்தகப்பட்டியல் சேகரிப்பது வழக்கம். சில கடைகளுக்குப் பட்டியலே வந்து சேர்ந்திருக்காது. ஆயாசத்தோடு இல்லை என்பார்கள். இம்முறை அதுபோல் நடக்காமல் இருக்க வேண்டும்!

எனது வாங்க வேண்டிய பட்டியல் மிகக் குறைவு. (காரணம், ஞாபக மறதி!) பட்டியல் பார்க்கும்போதுதான் எவ்வளவு சிறந்த நூல்களைப் பதிப்பகம் தெரியாமல் இழந்திருக்கிறோம் என்று புரியும். இணையமும், வலைப்பூக்களும் நிறைய நூல்களை உடனுக்குடன் அறிமுகம் செய்கின்றன. இப்போது இழப்பு குறைவு!

குழந்தைகளோடு சென்று நூல்களை வாங்குங்கள். வாசிப்பதில் உங்களுக்கு இருக்கும் ஈடுபாட்டை குழந்தைகளுக்குத் தெளிவாகத் தெரிவிக்கலாம். இதனால் விளையப்போகும் நன்மைகள் ஏராளம். நிச்சயம் ஆர்வம் தூண்டப்பட்டு புத்தகத்தின் மீது காதல் ஏற்படும்!

புத்தகச் சந்தைக்கு வரவிருக்கும் பதிவர்களைச் சந்திக்க ஆர்வம். என்று, எத்தனை மணிக்கு என்பதை முன்கூட்டியே இடுகையில் தெரிவித்தால் சந்திக்க வசதியாக இருக்கும்! சென்னையின் மிகச்சிறந்த திருவிழா வெற்றிகரமாய் நடைபெற மனமார்ந்த வாழ்த்துக்கள்!

அனைவருக்கும் உளமார்ந்த புத்தாண்டு நல்வாழ்த்துக்கள்...!

2011-01-01T11:51:00.003+05:30

2010 எனது சிறந்த வருடங்களில் ஒன்று. (சச்சினைப் போலவே!) முதல்பகுதி வழக்கம் போல் இருந்தாலும், பிற்பகுதி சிறப்பாய் அமைந்தது. தொழில்ரீதியான பாராட்டுக்கள் மறக்கமுடியாதது.

மகிழ்ச்சிகள்:

சச்சினின் அத்தனை சதங்களும், சாதனைகளும்!

ஊழலையும் மீறி 100 க்கும் மேல் தங்கம் வென்ற காமன்வெல்த் தங்கங்கள்.

அனைவராலும் சுவைக்கப்பட்ட தலைவர் ரஜினியின் எந்திரன் என்னும் மின்சார மிட்டாய்!

சாய்னாவின் சாதனைகள்.

ஆஸ்திரேலியாவின் வீழ்ச்சியும், இங்கிலாந்தின் எழுச்சியும்.

வருத்தங்கள்:

வெங்காய விலையும், ஊழல் தொகையும்.

பதிவுலகின் சண்டைகள். (2011 லிருந்து இருக்காது என நம்புவோம்!)

சில மரணங்கள்.

மொத்தத்தில் சம்பவங்கள் நிறைந்த வருடமாய் 2010. நேர்மையான கனவுகள் வெல்லும் வருடமாய் 2011 திகழட்டும். (இந்தியாவிற்கு உலகக்கோப்பை!)

பணிகளால் முன்புபோல் பதிவுலகில் தீவிரமாய் இயங்க முடியவில்லை. பின்னூட்டங்களுக்குப் பதில்சொல்லவில்லை. நண்பர்களின் நல்ல இடுகைகளை அவசரமாய் வாசிப்பதோடு சரி! பின்னூட்டம்! ம்ஹூம். அனைவருக்கும் புத்தாண்டு வாழ்த்துக்களைத் தெரிவிக்கும் அதே நேரத்தில், மன்னிப்பும் கேட்டுக் கொள்கிறேன். மீண்டும், மீண்டும் வாழ்த்துக்கள்!

கிறிஸ்துமஸ் வாழ்த்துக்கள்....!

2010-12-25T11:43:00.000+05:30

இயேசுவின் பிறந்த தினம் கிறிஸ்துமஸ் திருநாளாக உலகெங்கும் சிறப்பாகக் கொண்டாடப்படுகிறது. பரிசுகள், வாழ்த்துக்கள், பாடல்கள், மரத்தை அலங்கரித்தல் என உலகமே உற்சாகமாக இருக்கும் நாள். அனைவருக்கும் என் மனமார்ந்த கிறிஸ்துமஸ் தின நல்வாழ்த்துக்கள்!

இயேசு பிறப்பு குறித்த கவிஞர் வைரமுத்துவின் அற்புதமான பாடல்:

அன்பென்ற மழையிலே அகிலங்கள் நனையவே அதிரூபன் தோன்றினானே

வைக்கோலின் மேலொரு வைரமாய் வைரமாய் வந்தவன் மின்னினானே

விண்மீன்கள் கண்பார்க்க சூரியன் தோன்றுமோ புகழ்மைந்தன் தோன்றினானே

கண்ணீரின் காயத்தை செந்நீரில் ஆற்றவே சிசுபாலன் தோன்றினானே

போர்கொண்ட பூமியில் பூக்காடு காணவே புகழ்மைந்தன் தோன்றினானே

கல்வாரி மலையிலே கல்லொன்று பூக்கவும் கருணைமகன் தோன்றினானே

நூற்றாண்டு இரவினை நொடியோடு போக்கிடும் ஒளியாகத் தோன்றினானே

இரும்பான நெஞ்சிலும் ஈரங்கள் கசியவே இறைபாலன் தோன்றினானே

முட்காடு எங்கிலும் பூக்காடு பூக்கவே புவிராஜன் தோன்றினானே.

அனைவருக்கும் மீண்டும் வாழ்த்துக்கள்...!

எம்.ஜி.ஆர் - 25 !

2010-12-24T10:00:00.001+05:30

சினிமா, அரசியல் தாண்டி ஓர் ஆளுமையாக எம்.ஜி.ஆர். அனைவருக்குமான ரோல் மாடல். இன்னமும் அவரைப் பற்றி சிலாகித்துச் சொல்ல ஆயிரம் சங்கதிகள் இருந்தாலும்... 25 மட்டும் இங்கே !

எம்.ஜி.ஆர் நடித்த மொத்தப் படங்கள் 136. முதல் படம் சதிலீலாவதி(1936). கடைசிப் படம் மதுரையை மீட்ட சுந்தர பாண்டியன் (1977).

பெரும்பாலும் (60 படங்கள்) தெலுங்குப் படங்களைத்தான் ரீ-மேக் செய்வார் எம்.ஜி.ஆர். அத்தனையும் என்.டி.ஆர். நடித்ததாகவே இருக்கும். ‘உரிமைக்குரல்’ மட்டும் விதிவிலக்கு. அது நாகேஸ்வர ராவ் நடித்த தெலுங்குப் படம் !

எம்.ஜி.ஆரின் முதல் மனைவி தங்கமணி. இரண்டாவதாக சதானந்தவதியைத் திருமணம் செய்தார். அவரது மறைவுக்குப் பிறகு வி.என்.ஜானகி !

எம்.ஜி.ஆர்.நடித்த 50 படங்களுக்குப் பாடல்கள் எழுதியவர் கண்ணதாசன். அவரின் ‘அச்சம் என்பது மடமையடா... அஞ்சாமை திராவிட உடைமையடா’ பாட்டு எம்.ஜி.ஆரின் காரில் எப்போதும் ஒலிக்கும் !

விடுதலைப் புலிகளின் தலைவர் பிரபாகரனுக்கு 6 கோடியே 37 லட்சம் ரூபாய் பணம் கொடுத்து உதவியவர் எம்.ஜி.ஆர். அவருக்கு ஏ.கே.47 ரக துப்பாக்கியைப் பரிசாக அளித்தார் பிரபாகரன் !

சிகரெட் பிடிப்பது மாதிரி நடிப்பதைத் தவிர்த்தார். ‘நினைத்ததை முடிப்பவன் ’படத்தில் சிகரெட்டை வாயில் வைப்பார். இழுக்க மாட்டார். மலைக்கள்ளனில் ‘ஹீக்கா’ பிடித்தது மாதிரி வருவார். இந்தக் காட்சியை வைப்பதா, வேண்டாமா என்ற குழப்பத்திலேயே படம் ரிலீஸ் ஆவதில் தாமதம் ஏற்பட்டதாம் !

முதலமைச்சர் பதவியை ஏற்றுக்கொண்டால் ஷீட்டிங் போக முடியாது என்பதால், பதவியேற்பு விழாவையே 10 நாட்கள் தள்ளிப்போட்டு ‘மதுரையை மீட்ட சுந்தரபாண்டியன்’ படத்தை முடித்துக் கொடுத்தார் !

‘கர்ணன்’ படத்தில் சிவாஜிக்கு முன்னதாக எம்.ஜி.ஆரைத்தான் கேட்டார்கள். ‘புராணப் படம் பண்ண வேண்டாம் ’ என்று அண்ணா சொன்னதால் மறுத்துவிட்டார் எம்.ஜி.ஆர் !

நம்பியாரும் அசோகனும்தான் எம்.ஜி.ஆருக்குப் பிடித்த வில்லன்கள். பி.எஸ்.வீரப்பாவும், ஜஸ்டினும் இருந்தால் சண்டைக் காட்சிகளில் குஷியாக நடிப்பார் !

எம்.ஜி.ஆருடன் அதிக படங்களில் ஜோடியாக நடித்தவர் சரோஜா தேவி. அடுத்தது ஜெயலலிதா !

எம்.ஜி.ஆர் - கருணாநிதி இணைந்து வெற்றி பெற்ற படம் ‘மலைக்கள்ளன்’. ஜனாதிபதி விருது வாங்கிய முதல் தமிழ் சினிமா. இந்தியாவில் உள்ள பெரும்பாலான மொழிகளில் எடுக்கப்பட்ட படம் இது !

காஞ்சித் தலைவனில் இருந்து தனது கட்டுமஸ்தான உடம்பைக் காண்பித்து நடிக்கத் தொடங்கினார்.எண்ணெய் தேய்த்துக் குளிக்கும் ‘உரிமைக் குரல்’ காட்சி பெண்களை அவர் பக்கம் ஈர்ப்பதில் பெரும் பங்கு வகித்தது !

நாடோடி மன்னன், உலகம் சுற்றும் வாலிபன்,மதுரையை மீட்ட சுந்தரபாண்டியன் - மூன்றும் எம்.ஜி.ஆர் டைரக்ஷ்ன் செய்த படங்கள் !

சினிமாவில் அதுவரை கட்சிக் கருத்துக்களைப் புகுத்துவார்கள்.ஆனால் எம்.ஜி.ஆர் காட்சிகளையே புகுத்தினார். தி.மு.க கொடி, உதயசூரியன் சின்னம், அண்ணா படம் இல்லாத படமே இல்லை என்ற அளவுக்கு வைத்தார் !

எம்.ஜி.ஆர் எத்தனையோ குழந்தைகளுக்குப் பாதுகாவலராக இருந்து படிக்கவைத்தார். அதில் முக்கியமான இரண்டு பேர், அரசியலைக் கலக்கிய துரைமுருகன். சினிமாவில் வலம் வந்த கோவை சரளா !

தமிழ் சினிமா ரசிகர்கள் பற்றி 1970 - ம் ஆண்டு எம்.ஜி.ஆர். அடித்த கமென்ட் இதுதான்....‘அந்தக் காலத்து ரசிகர்கள் மாதிரி இப்ப உள்ளவங்க இல்லை. 10 நிமிஷங்களுக்கு ஒரு க்ளைமாக்ஸ் கேட்குறாங்க. அப்படி வெச்சாத்தான் படம் ஓடும் !’

‘பொன்னியின் செல்வன்’ கதையைத் தமிழிலும் ஆங்கிலத்திலும் எடுக்க நினைத்தார் எம்.ஜி.ஆர். ஆங்கில வசனத்தை அண்ணாவை எழுதவும் கேட்டுக் கொண்டார். ஆனால், ஆசை நிறைவேறவில்லை !

அறிமுகம் இல்லாதவராக இருந்தால், உடனே கை கொடுத்து ‘நான் எம்.ஜி.ராமச்சந்திரன் - சினிமா நடிகர்’ என்று அறிமுகம் செய்துகொள்வார் !

ராமாவரம் தோட்டத்தில் ஆடு, மாடு, கோழி, நாயுடன் ஒரு கரடியும், சிங்கமும் வளர்த்தார் எம்.ஜி.ஆர். இவற்றைக் கவனிக்க தனி டாக்டர் வைத்திருந்தார் !

ரொம்பவும் நெருக்கமானவர்களை ‘ஆண்டவனே !’ என்றுதான் அழைப்பார் !

அடிமைப் பெண் பட ஷீட்டிங்குக்காக ஜெய்ப்பூர் போன எம்.ஜி.ஆர்.குளிருக்காக வெள்ளைத் தொப்பி வைக்க ஆரம்பித்தார். பிடித்துப்போகவே அதைத் தொடர்ந்து பயன்படுத்த ஆரம்பித்தார் !

எம்.ஜி.ஆர்.பகிரங்கமாகக் காலில் விழுந்து வணங்கிய பெருமை இரண்டு பேருக்கு உண்டு. ஒருவர், நடிகர் எம்.கே.ராதா. கத்திச் சண்டை, இரட்டை வேடங்களுக்கு இவர்தான் எம்.ஜி.ஆரூக்கு இன்ஸ்பிரேஷன். இரண்டாமவர், ஹிந்தி டைரக்டர் சாந்தாராம். இவரது படங்களைத்தான் நிறையப் பின்பற்றினார் எம்.ஜி.ஆர் !

முழுக்கை சில்க் சட்டை, லுங்கியுடன் தொப்பி, கண்ணாடி இல்லாமல் தன் காரை தானே டிரைவ் செய்து எப்போதாவது சென்னையை வலம் வருவது எம்.ஜி.ஆரின் வழக்கம். ‘யாருக்கும் என்னைத் தெரியலை. தொப்பி, கண்ணாடி இருந்தாதான் கண்டு பிடிப்பாங்க போல’ என்பாராம் !

அன்னை சத்யாவை வணங்க ராமாவரம் தோட்டத்துக்குள்ளேயே கோயில் வைத்திருந்தார் !

‘நான் ஏன் பிறந்தேன்?’ - ஆனந்த விகடனில் எம்.ஜி.ஆர் எழுதிய சுயசரிதைத் தொடர்.அதை அவர் முழுமையாக எழுதி முடிக்கவில்லை. அடுத்ததாகத் தொடங்கிய ‘எனது வாழ்க்கை பாதையிலே’ தொடரும் முற்றுப் பெறவில்லை. இன்றும் அவர் வாழ்ந்து கொண்டு இருப்பதாகவே நினைக்கும் ரசிகர்கள் இருக்கிறார்கள். முற்றும் பெறவில்லை அவர் பெருமைகள் !

முன்னாள் முதல்வர், திரு.எம்.ஜி.ராமச்சந்திரனின் நினைவு நாள் இன்று.

மகாகவி பாரதியார் - 25 ! (நன்றி - ஆனந்த விகடன்!)

2010-12-11T10:00:00.002+05:30

தமிழ் நிலத்தில் ஈரம் பாய்ச்சி வீரம் விதைத்த சொல் உழவன். மண்ணுள்ள காலம் வரை மறக்க முடியாத கவிஞன். மக்கள் மனங்களில் வாழும் ஒருவன். அழகிய தமிழ் மகன் இவன்!

சுப்பிரமணியன் – பெற்றோர் வைத்த பெயர். சுப்பையா என்பது செல்லப் பெயர். புலமையும் திறமையும் பாரதி என்ற பட்டத்தைச் சூட்டியது. மகாகவி, முறுக்கு மீசைக்காரன், முண்டாசுக் கவி. பாட்டுக்கொரு புலவன், சிந்துக்குத் தந்தை என ஏராளமான அடைமொழிகளுக்கு அர்த்தம் தந்த அண்ணன்!

எட்டயபுரம், பிறந்த ஊர், சென்னை, வாழ வந்த ஊர். புதுச்சேரி, 13 ஆண்டுகள் பதுங்கி இருந்த ஊர், மூன்று வீடுகளும் இன்று நினைவுச் சின்னங்கள்!

சுதேசமித்திரன், சக்ரவர்த்தினி, இந்தியா, விஜயா, சூரியோதயம், கர்மயோகி, தர்மம் ஆகிய தமிழ்ப் பத்திரிகைகளிலும் பால பாரதா என்ற ஆங்கில இதழிலும் தொடர்ந்து பணியாற்றியவர். வாழ்நாள் முழுவதும் பத்திரிகையாளன்!

எட்டயபுரம் ஜமீனைவிட்டு விலகியதும் மதுரை சேதுபதி பள்ளியில் தமிழாசிரியராக இரண்டு மாதங்கள் பணியாற்றினார். அன்று அவருக்கு 17 ½ ரூபாய் மாதச் சம்பளம். இன்றும் அந்தப் பள்ளி,'பாரதியார் பணியாற்றிய பெருமையுடைத்து!’

ஏழு வயதிலேயே பாடல்கள் புனையம் ஆற்றல் பெற்றார். 11 வயதில் போட்டிவைத்து பாரதி என்று பட்டம் கொடுத்தார்கள் பாரதி என்றால் சரஸ்வதி!

இளசை சுப்பிரமணியம் என்று ஆரம்ப காலத்தில் எழுத ஆரம்பித்த இவர், வேதாந்தி நித்திய தீரர், உத்தம தேசாபிமானி, ஷெல்லிதாஸ், ராமதாஸன், காளிதாசன், சக்தி தாசன், சாவித்திரி ஆகிய புனைபெயர்களிலும் எழுதினார்!

14 ½ வயதில் ஏழு வயது செல்லம்மாவை மணந்துகொண்டார். இந்தத் தம்பதியருக்கு தங்கம்மாள், சகுந்தலா என்று இரண்டு மகள்கள்!

காலம்னிஸ்ட் எனப்படும் பத்தி எழுத்துக்களை முதன் முதலாகத் தமிழுக்கு இவர்தான் அறிமுகப்படுத்தினார். உலக விநோதங்கள், பட்டணத்துச் செய்திகள், ரஸத்திரட்டு, தராசு ஆகிய தலைப்புக்களில் நடைச் சித்திரங்களாகத் தொடர் கட்டுரைகள் எழுதினார்!

முதன் முதலாக அரசியல் கார்ட்டூன்களைப் பயன்படுத்திய வரும் பாரதியே, `சித்ராவளி’ என்ற பெயரில் கார்ட்டூன் இதழ் நடத்த அவர் எடுத்த முயற்சி மட்டும் நிறைவேறவில்லை!

பாரதிக்கு பத்திரிகை குரு `தி இந்து’ ஜி சுப்பிரமணிய ஐயர், அரசியல் ஆசான், திலகர், ஆன்மிக வழிகாட்டி அரவிந்தர், பெண்ணியம் போதித்தவர், நிவேதிதா தேவி!

தனிமையிரக்கம் என்பது பாரதி பாடிய முதல் பாடலாகவும். `பாரத சமுதாயம் வாழ்கவே’ என்பது கடைசிப் பாடலாகவும் சொல்லப்படுகிறது. `ஸ்வதேச கீதங்கள்’ இவரது முதல் புத்தகம்!

மணியாச்சி சந்திப்பில் கலெக்டர் ஆஷ் கொலை செய்யப்பட்ட நிகழ்வின்போது பாரதியின் மீதும் சந்தேக ரேகை விழுந்தது. வழக்கில் இவரும் விசாரிக்கப்பட்டார்!

பாரதியும் பாரதிதாசனும் சேர்ந்து ஒருநாள் அடுப்பு பற்ற வைத்தார்கள். அடுப்பு பற்றவே இல்லையாம். சமையல் செய்யப் பெண்கள் எவ்வளவு சிரம்ப்படுவார்கள் என்பதை உணர்ந்து `பெண்கள் வாழ்கவென்று கூத்திடுவோமடா’ என்ற பாட்டை அன்று தான் எழுதினார் பாரதி. மனைவியைத் திட்டுவதையும் நிறுத்தினாராம்!

அந்தக் காலத்தில் ஆசாரத்துக்கு விரோதமானது எதுவோ அனைத்தையும் செய்தார். `என் பெண் தாழ்ந்த சாதிப் பையனுடன் ரங்கூனுக்கு ஓட வேண்டும். அவரைத்தான் திருமணம் செய்யப்போவதாக எழுத வேண்டும். நான் ஆனந்தப்பட வேண்டும்’ என்று சொன்னவர்!

லட்சுமி, சரஸ்வதி, கிருஷ்ணன் ஆகிய மூன்று தெய்வங்களின் படங்களும் வைத்திருப்பார். கிருஷ்ணர் படத்துக்குக் கீழே பிச்சுவா கத்தி இருக்கும். அதில் பெரிய பொட்டும் இருக்கும். தினமும் இதை வணங்கிய பிறகுதான் வழக்கமான வேலைகள் தொடங்கும்!

கனகலிங்கம், நாகலிங்கம் ஆகிய இருவருக்கும் காயத்ரி மந்திரம் சொல்லிக் கொடுத்து பூணூல் அணிய மாட்டார். பூணூல் அணிய மாட்டார். `பூணுலை எடுத்துவிட்டவர்’ என்று போலீஸ் கொடுத்த விளம்பரம் சொல்கிறது!

கறுப்பு கோட் தலைப்பாகை தான் அவரது அடையாளம் வேட்டி, சட்டையில் அழுக்கு இருந்தாலும் பார்க்க மாட்டார். இருந்தாலும் பார்க்க மாட்டார். கிழிசல் இருந்தாலும் கவலை இல்லை ஆனால், சட்டையில் ரோஜா, மல்லிகை என ஒரு பூவைச் சொருகிவைத்திருப்பார்!

"மிஸ்டர் காந்தி! கடற்கரையில் நாளை பேசுகிறேன். நீங்கள் தலைமை வகிக்க வர வேண்டும்" என்று இவர் சொன்னபோது, "கூட்டத்தை மறு நாளுக்கு மாற்ற முடியுமா?" என்று கேட்டார் காந்தி. ``அது முடியாது ஆனால், நீங்கள் ஆரம்பிக்கப்போகும் இயக்கத்துக்கு என்னுடைய ஆசி’’ என்று சொல்லிவிட்டு வெளியேறிய பாரதியைப் பார்த்துக்கொண்டே இருந்தார் காந்தி.`` இவரைப் பத்திரமாகப் பாதுகாக்க வேண்டும்’’ என்று அருகில் இருந்தவர்களிடம் கவலைப்பட்டார் காந்தி!

தன்னுடைய எழுத்துக்களை 40 தொகுதிகளாகப் பிரித்து புத்தகங்கள் வெளியிடத் திட்டமிட்டார். ஆளுக்கு 100 ரூபாய் அனுப்பக் கோரிக்கைவைத்தார். யாரும் பணம் அனுப்பவில்லை!

எப்போதும் மனைவி செல்லம்மாளின் தோளில் கையைப் போட்டுத்தான் சாலையில் அழைத்துச் செல்வார். `பைத்தியங்கள் உலவப் போகின்றன’ என்று ஊரார் கிண்டலடிக்க, இவர் பாடியதுதான், `நிமிர்ந்த நன்னடை நேர்கொண்ட பார்வை’ பாட்டு!

தமிழ், ஆங்கிலம், சம்ஸ்கிருதம், பிரெஞ்சு, தெலுங்கு ஆகிய மொழிகள் தெரியும் போலீஸ் விசாரணையின் போது ``நீங்கள் லண்டனில் படித்தவரா? உச்சரிப்பு இவ்வளவு துல்லியமாக இருக்கிறதே?” என்று ஆச்சர்யப்பட்டாராம் அதிகாரி!

தமிழ், தமிழ்நாட்டின் சிறப்பு குறித்துப் பாட்டு எழுதி அனுப்ப மதுரைத் தமிழ்ச் சங்கம் சார்பில் அறிவிப்பு வெளியானபோது, இவர் எழுதி அனுப்பிய கவிதைதான், `செந்தமிழ் நாடெனும் போதினிலே’ அதற்கு அன்று 100 ரூபாய் சன்மானம் கிடைத்தது!

விவேகானந்தரின் கிஷ்யையான நிவேதிதா தேவி இவருக்கு ஒரு ஆல மர இலையைக் கொடுத்திருந்தார். இமயமலையில் இருந்து எடுத்து வந்ததாம் அது தான் மரணிக்கும் வரையில் அந்த இலையைப் பொக்கிஷமாக வைத்திருந்தார் பாரதி!

திருவல்லிக்கேணி பார்த்தசாரதி கோயில் யானைக்கு வெல்லத்தை இவர் கொடுக்க.... அது தும்பிக்கையால் தள்ளிவிட்டதில் தலையிலும் மார்பிலும் பலத்த காயம் ஏற்பட்டது. அதில் இருந்து மீண்டவர் `கோயில் யானை என்ற கட்டுரையைக் கொடுத்தார்!

'ஆப்கன் மன்னன் அமரனுல்லா கானைப்பத்தி நாளை காலையில எழுதி எடுத்துட்டுப் போகணும்’ என்று சொல்லிவிட்டுப் படுத்தார். தூக்கத்தில் உயிர் பிரிந்தது. அவரது உடல் புதைக்கப்பட்ட இடம், சென்னை கிருஷ்ணாம்பேட்டைச் சுடுகாடு. அன்றைய தினம் இருந்தவர்கள் 20 –க்கும் குறைவானவர்களே!

இன்று மகாகவி பாரதியாரின் பிறந்த நாள்!

என்.எஸ்.கிருஷ்ணன் - 25 ! (நன்றி - ஆனந்த விகடன்!)

2010-11-29T10:00:00.002+05:30

என்.எஸ். கிருஷ்ணன்... தமிழ் சினிமாவின் நாகரிகக் கோமாளி சிரிப்பு மொழியில் சீர்திருத்த விதை தூவியவர். நூற்றாண்டைக் கடந்து வாழும் கலைவாணர்!...

· நாகர்கோவில் அருகே உள்ள ஒழுகினசேரி கிராமத்தில் 1908-ல் ஆண்டு நவம்பர் மாதம் 29-ம் நாள் பிறந்தவர். தந்தை சுடலைமுத்துப் பிள்ளை. தாயார் இசக்கி அம்மாள். நாகர்கோவில் சுடலைமுத்து கிருஷ்ணன் என்பதன் சுருக்கமே என்.எஸ்.கே!

· வறுமையின் காரணமாக நான்காம் வகுப்புடன் கலைவாணரின் பள்ளிக்கூடப் படிப்பு நிறுத்தப்பட்டது. பிறகு நாடகக் கொட்டகையில் சோடா, கலர் விற்கத் தொடங்கினார். அப்படித்தான் நாடக ஆர்வம் ஆரம்பம்!

· ஆனந்த விகடனில் தான் எழுதிய `சதிலீலாவதி’ தொடரை அதே பெயரில் படமாக்கினார் என்.எஸ்.வாசன். அதுதான் கலைவாணரின் முதல் படம் ஆனால், `சதி லீலாவதி’யை முந்திக்கொண்டு என்.எஸ்.கே. அடுத்து நடித்த `மேனகா’ படமே முதலில் திரைக்கு வந்தது. மொத்தம் 122 படங்களில் நடித்திருக்கிறார்!

· `வசந்தசேனா’ படப்பிடிப்புக்காக கலைவாணர் அடங்கிய குழு ரயிலில் புனே சென்றது. அப்போது படத்தின் தயாரிப்பாளர் ரயிலைத் தவறிவிடவே. வழிச்செலவுக்கு மதுரத்தின் நகைகளை விற்றே குழுவினரின் பசி போக்கினார் என்.எஸ்.கே. அந்தச் சமயம்தான் இருவருக்கும் காதம் பூத்தது!

· தனக்கு ஏற்கெனவே திருமணம் நடந்ததை மறைத்தே டி.ஏ.மதுரத்தை மணந்தார் என்.எஸ்.கே கலைவாணருக்கு ஏற்கெனவே திருணமான விஷயத்தை அவரது குழுவில் இருந்த புளிமூட்டை ராமசாமி என்பவர் மதுரத்திடம் போட்டு உடைக்க, இதனால் சில நாட்கள் கலைவாணரிடம் மதுரம் பேசாமல் இருந்திருக்கிறார். பிறகு இருவரும் சமரசம் ஆனார்கள்!

· என்.எஸ்.கே-யின் கிந்தனார் கதா காலட்சேபம் பிரபலம். நந்தனாரை கிந்தனார் ஆக்கியதற்கு மதுரம் கோபிக்கவே, `பாரதியார் சாப்பிட வராமல் நந்தனாரை எழுதிக்கொண்டு இருந்தபோது, `நந்தனாரும் வேண்டாம் கிந்தனாரும் வேண்டாம். சாப்பிட வாங்க!’ என்று சலித்துக்கொண்டாராம் அவர் மனைவி செல்லம்மா. அதில் இருந்து உருவியதுதான் இந்த கிந்தனார்!’ என்று மதுரத்தைச் சமாளித்திருக்கிறார்.

· என்.எஸ்.கே – மதுரம் தம்பதிக்கு ஒரு பெண் குழந்தை (கலைச்செல்வி) பிறந்து நான்கே மாதங்களில் இறந்துவிட்டது. அதன் பிறகு, அவர்களுக்குக் குழந்தை இல்லை. அதனால், மதுரம் தன் தங்கை டி.ஏ.வேம்பு அம்மாளை கலைவாணருக்கு மூன்றாவது தாரமாகத் திருமணம் செய்துவைத்தார். அவர்களுக்கு ஏழு பிள்ளைகள் பிறந்தனர்!

· `மணமகள்’ படத்தில் பத்மினியை அறிமுகப்படுத்தி அவர் `நாட்டியப் பேரொளி’ பட்டம் பெறக் காரணமாக இருந்தார். அந்தப் படத்தில் பாலையாவின் நடிப்பை பாராட்டி, தனது விலை உயர்ந்த காரை அவருக்குப் பரிசளித்தார்!

· உடுமலை நாராயணகவியைத் தமிழகத்துக்கு அறிமுகப்படுத்தியவர். `உடுமலைக்கவியை’ கலைவாணர் வாத்தியாரே என்று தான் அழைப்பார்.

· 1957 –ம் ஆண்டு தமிழக சட்டசபைத் தேர்தல் காஞ்சிபுரத்தில் அண்ணாவை எதிர்த்து நின்றவர்.ஒரு டாக்டர். அண்ணாவுக்குப் பிரசாரத்துக்கு வந்த கலைவாணர், ஆரம்பத்தில் இருந்து கடைசி வரை அந்த டாக்டரை புகழ்ந்து பேசினார். `இவ்வளவு நல்ல நீங்கள் சட்டசபைக்கு அனுப்பினால் உங்களுக்கு இங்கு வைத்தியம் பார்ப்பது யார்? இவரை உங்கள் ஊரிலேயே வைத்துக்கொள்ள வேண்டும். அதனால், டாக்டருக்கு யாரும் ஓட்டுப் போடாதீர்கள். அண்ணாவையே தேர்ந்தெடுங்கள்’ என்றார். அண்ணா உட்பட அனைவரும் கைதட்டி ரசித்தனர்!

· `இந்து நேசன் ‘ பத்திரிகை ஆசிரியர் லட்சுமி காந்தன் கொலை வழக்கில், கலைவாணருக்கும் தியாகராஜ பாகவதருக்கும் மறைமுகத் தொடர்பு இருப்பதாகச் சந்தேகத்தின் பேரில் இருவரும் கைதானார்கள் லண்டன் நீதிமன்றத்தில் மேல்முறையீடு செய்ததில் கலைவாணர் விடுவிக்கப்பட்டார். `உங்க அப்பா எப்படி ரிலீஸ் ஆனார்னு தெரியுமா? கொலை நடந்து அன்று கோவையில் காருக்கு பெட்ரோல் போட்டதுக்கான ரசீது அவரிடம் இருந்தது. அதை வைத்துத்தான் அவர் விடுதலை ஆனார்!’ – கலைவாணர் குடும்பத்தினரைப் பார்க்கும்போது எல்லாம் நீதிபதி கற்பகவிநாயகம் இப்படி சொல்லிச் சிரிப்பார்!

· சிறையில் இருந்து விடுதலையான என்.எஸ்.கே-வுக்கு நடந்த பாராட்டு விழாவில் தான் அவருக்கு `கலைவாணர்’ என்று பட்டம் சூட்டப்பட்டது. பட்டம் சூட்டியவர் பம்மல் கே. சம்பந்தம் முதலியார்!

· சிறையில் இருந்து வெளிவந்த பிறகு தியாகராஜ பாகவதர் நடித்த `ராஜமுக்தி’ படத்தில் என்.எஸ்.கே. தம்பதியரின் நகைச்சுவை இல்லை. `என்.எஸ்.கே- பாகவதர் ஜோடி பிரிந்துவிட்டதாக’ பரபரப்பாக எழுதினார்கள். அப்போது நடைபெற்ற மதுரத்தின் தம்பி திருமணத்துக்கு வந்த பாகவதர், `எங்களை யாரும் பிரிக்க முடியாது. எம்.என்றால் மதுரம், கே.என்றால் கிருஷ்ணன், டி.என்றால் தியாகராஜ பாகவதர். இதுதான் எம்.கே.டி.!’ என்று சொல்லி உணர்ச்சிவசப்பட்டார்!

· ``என்னைச் சிலர் தமிழ்நாட்டு சார்லி சாப்ளினை ஆயிரம் துண்டுகள் ஆக்கினால் கிடைக்கும் ஒரு துண்டுக்குக்கூட நான் ஈடாக மாட்டேன்!’’ என்பார் என்.எஸ்.கே. தன்டைக்கமாக!

· கலைவாணர் தீராத வயிற்று வலியால் மருந்துவமனையில் அனுமதிக்கப்பட்டார். எம்.ஜி.ஆர். வெளியூரில் இருந்ததால் அவரால் உடனே வந்து பார்க்க முடியவில்லை. என்.எஸ்.கே-வே எம்.ஜி.ஆருக்கு இப்படித் தகவல் அனுப்பினார், `நீ என்னைக் காணவராவிட்டால், பத்திரிகைகள் உன்னைப்பற்றித் தவறாக எழுதும். நீ எனக்கு செய்த உதவியை நான் அறிவேன்.

· ஒரு கட்டத்தில் கொடுத்துக் கொடுத்தே இல்லாமல் ஆகிப்போனார். அப்போது அவரிடம் வேலை செய்த ஒருவர், `எனக்குத் திருமணம்’ என்று வந்து நிற்கிறார். சுற்றும்முற்றும் பார்த்தபோது கண்ணில்பட்டது. ஒரு வெள்ளி கூஜா. அதை எடுத்துக் கொடுத்து, `இதை விற்றுத் திருமணச் செலவுக்கு வைத்துக்கொள்’ என்றார்!

· `தம்பி எவரேனும் என்னிடம் உதவி கேட்டு, நான் இல்லை என்றும் கூறும் நிலை வந்தால், நான் இல்லாமல் இருக்க வேண்டும்!’ என்று அடிக்கடி கூறுவார். யார் எவர் என்று கணக்குப் பார்க்காமல் வாரி வழங்கிய வள்ளல்!

· தினமும் ஒரு பிச்சைக்காரன் கலைவாணர் வீட்டு வாசலில் வந்து நிற்பாராம். இவரும் பணம் கொடுப்பார். `அவன் உங்களை ஏமாற்றுக்கிறான்’ என்று வீட்டில் உள்ளவர்கல் சொல்லவே, `அவன் ஏமாத்தி என்ன மாடி வீடா கட்டப்போறான். வயித்துக்குத்தானே சாப்பிடப்போறான். ஏமாத்திட்டுப் போகட்டுமே’ என்பாராம்!

· கலைவாணர், காந்தி பக்தர் நாகர்கோவிலில் காந்திக்குத் தன் சொந்தப் பணத்தில் தூண் எழுப்பினார்.

· சென்னையில் `சந்திரோதயம்’ நாடகம் பெரியார் தலைமையில் நடந்தது. `நாடகம். சினிமாவால்தான் மக்கள் பாழாகிறார்கள்!’ என்று அடித்துப் பேசி அமர்ந்தார் பெரியார். அடுத்துப் பேசிய என்.எஸ்.கே.`பெரியார் சொன்னவை அனைத்தும் சரியே. நாங்கள் கொள்ளை அடிக்கிறோம். எங்களால் நன்மையைவிட கேடுகளே அதிகம்!’ என்றார். அந்த நேர்மையும் துணிச்சலும் கலைவாணர் கைவண்ணம்!

· சேலம் அருகே தாரமங்கலம் பஞ்சாயத்தில் நடைபெற்ற அண்ணாவின் படத் திறப்பு விழாதான் கலைவாணர் கலந்துகொண்ட கடைசி நிகழ்ச்சி. அதே போல் அண்ணா கலந்துகொண்ட கடைசி நிகழ்ச்சி, கலைவாணரின் சிலை திறப்பு விழா!

· கலைவாணர் நோய்வாய்ப்பட்டு மருத்துவமனையில் இருந்த சமயம், அவர் இறந்துவிட்டதாக அடிக்கடி வதந்திகள் பரவின, `மதுரம், நான் சாகலேன்னா இவங்க விட மாட்டாங்கபோல. இவங்க திருப்திக்காகவாவது ஒரு தரம் நான் அவசியம் சாகணும் போலிருக்கே என்றாராம்!

· ஒரு கட்டத்தில் என்.எஸ்.கே-வின் உடல்நிலை மோசமானது. மருத்துவர்கள் கைவிரித்துவிட்டனர். மருந்து உண்பதை நிறுத்திவிட்டார். 1957 –ம் ஆண்டு ஆகஸ்டு 30- ம் தேதி காலமானார். தமிழகத்தின் ஒவ்வொரு வீடும் துக்கத்தில் மூழ்கிய தினம் அது!

இன்று கலைவாணரின் பிறந்தநாள்!

2011 ல் வெல்லப்போகும் தொழில்நுட்பம்...!

2010-10-22T10:01:00.003+05:30

கிட்டத்தட்ட இது Technology ஜோசியம்! நடக்கலாம், நடக்காமல் போகலாம். 2011 ல் சில தொழில்நுட்பங்கள் உலகை ஆளப்போகிறது என்று கணித்திருக்கிறார்கள். Times of India வோடு சேர்ந்து நாமும் சிந்திக்கலாம்!

நன்றி: Times of India

Cloud Computing: 80 களிலிருந்து பிரபலமான தொழில்நுட்பம். மின்சார இணைப்பைப் போல கணினிகள் இணையத்தில் இணைந்து பணியாற்றுவது Cloud Computing. அடுத்த மூன்று வருடம் இந்தத் தொழில்நுட்பத்தின் ஆட்சிதான்!

Mobile Applications and Media Tablets: கைபேசி இல்லாத 20 நிமிடங்களைக் கற்பனை செய்யவே பயமாக இருக்கிறது! இன்றைய செல்ஃபோன்கள் பாதிக் கணினிகள். இன்னும் பல இணையம் சார்ந்த வசதிகளை மேம்படுத்தும் இந்தத் தொழில்நுட்பம் 2011 ல் முக்கியமானது.

Next-Gen Analytics: வர்த்தகத்தின் எதிர்காலத்தைக் கணித்துச் செயலாற்றும் தொழில்நுட்பம். வர்த்தகத்தின் ஒவ்வொரு சிறிய நடவடிகைக்கும் பயனுள்ளதாக இருக்கும் என்கிறார்கள்.

Fabric-based Infrastructure and Computers: கணினிகளை இணைக்க உதவும் வழிமுறை. மற்ற கணினிகளின் செயல்பாட்டைக் கட்டுப்பாட்டில் வைக்க முடியும். மென்பொருளில் சில திருத்தங்களைச் செய்வதன் மூலம் மற்ற கணினிகளைக் கண்காணிக்கலாம்!

Context-Aware Computing: கணினியைப் பயன்படுத்துபவர்கள் யாராக இருந்தாலும் (End user, Specialist etc.,) இந்தத் தொழில்நுட்பம் தகவல் தொடர்பு, பரிமாற்றம் இவற்றை சிறப்பாக மேற்கொள்ள உதவுகிறது.

Storage Class Memory: நமது செல்ஃபோன்களிலேயே 16 GB Memory வசதி வந்துவிட்டது. Memory சார்ந்த தொழில்நுட்பம். வருங்காலத்தில் இதன் தேவை அதிகரித்துக் கொண்டே இருக்கும்!

Social Analytics: சமூக வலைத்தளங்களில் மக்களின் ஈடுபாடு, என்ன பேசுகிறார்கள், இவற்றையெல்லாம் ஆராய்வதற்கான மென்பொருள். எதற்காக ஆராய வேண்டும்? மக்களின் தேவைக்கேற்ற சேவையை வழங்க!

Ubiquitous computing: “Ubiquitous” எனக்கும் பயமாக இருந்தது வாசிக்கும்போது! இதன் அர்த்தம் ”எங்கும் கிடைக்கும்”. நேரடியாக, மறைமுகமாக இயங்கும் கணினிகளை ஒருங்கிணைக்கும் வசதி.

Social communication and collaboration: உலக மக்களோடு நாம் கொள்ளும் இணையத் தொடர்பு. Facebook, Orkut தளங்கள் இன்று 6 வயதுச் சிறுவனுக்குப் பரிச்சயம்! இணையத் தொடர்பைக் கண்காணித்து நிர்வகிக்கும் தொழில்நுட்பம். Social Communication பார்த்தோம். Collaboration ???? இணையத்தில் மக்களோடு ஒருங்கிணைந்து செயலாற்றும் முறை. உதாரணம்? நமது வலைப்பூக்கள்தான்!

Video: வேலை தேடுபவர்கள் தங்களைப் பற்றிப் பதிவுசெய்து வீடியோவாகத் தரும் அளவுக்கு விரைவாக முன்னேறிவிட்டோம்! அடுத்த மூன்று வருடங்களில் வீடியோ தகவல்தொடர்புக்கு முக்கியமானதாக இருக்கும்! 2013 வரை நமது தினவாழ்வின் பெரும்பகுதியை வீடியோக்கள் தின்றுவிடும்!!!

கூகிள் - சில குறிப்புகள்!

2010-10-21T10:00:00.002+05:30

இணையத்தில் திரும்பிய பக்கமெல்லாம் கூகிளைப் பற்றி ஏதாவது ஒரு செய்தி! இந்த மாதத்தில் மிகவும் அதிகம். என் கண்ணில் பட்டதைப் பகிர்ந்து கொள்கிறேன்.

கூகிள் தனிப்பட்ட தகவல்களைத் திரட்டுகிறது:

வாடிக்கையாளர்களின் Email, Mobile Number, இன்னும் முக்கியமான தகவல்களைக் கூகிள் திரட்டியிருப்பதாகக் குற்றச்சாட்டு. நடந்தது கனடாவில்! கனடா மக்களின் அந்தரங்கத்தில் கூகிள் தலையிடுவதாக அலறுகிறார்கள். கிட்டத்தட்ட ஆயிரக்கணக்கான மக்களின் முக்கியத் தகவல்கள் கூகிள் வசம். கூகிள் என்ன சொல்லப் போகிறது?

சைனாவுடன் விளம்பர ஒப்பந்தம் ரத்து:

வரும் அக்டோபர் 27 முதல் 7 பெரிய விளம்பர நிறுவனங்களுடன் கூகிள் தந்து ஒப்பந்தத்தை ரத்து செய்கிறது. கடந்த சில மாதங்களாகவே சைனாவுக்கும், கூகிளுக்கும் உரசல்கள் இருந்து வருகிறது. இப்போது வெளிப்படையாகத் தெரிகிறது. கிட்டத்தட்ட 40 % விளம்பர வருவாய் கூகிளுக்கு சைனா மூலம் கிடைக்கும் நிலையில் இந்த முடிவு கூகிளுக்குப் பாதகமாக அமையும் என்கிறார்கள் நிபுணர்கள்.

சமூக வலைத்தளத்தை மேம்படுத்துகிறது:

கூகிள் சமூக வலைத்தள மேம்பாட்டில் கவனம் செலுத்துகிறது. Orkut??? இல்லை! ஆர்குட், இந்தியாவிலும், பிரேசிலிலும் மட்டுமே மிகப் பிரபலமாக இருக்கிறது. இதர நாடுகளில் சுமாரான வரவேற்புதான்! கடந்த வருடம் வெளியான Google Wing ம் பெரிய வெற்றியைப் பெறவில்லை. தனது முயற்சியில் சற்றும் மனம்தளராத கூகிள், Google ME என்னும் சமூக வலைத்தளத்தை விரைவில் வெளியிடும். Facebook க்குக் கடும் சவாலாக இருக்கும் என்று கணிக்கிறார்கள்.

கூகிள் சுற்றுலா:

உலகின் புகழ்மிக்க இடங்களை அமர்ந்த இடத்திலிருந்து பார்வையிடலாம். Google தனது தொழில்நுட்பங்களைப் பயன்படுத்திப் பல்வேறு புகைப்ப்டங்களைச் சேர்த்திருக்கிறது. உலகை வலம்வரும் போது படங்களுடன் குறிப்புகளும் கிடைக்கும்!

கூகிள் - கனவு நிறுவனம்:

IT பணியாளர்களிடையே நடத்திய கருத்துக் கணிப்பில் கூகிள் கனவு நிறுவனமாகத் (Dream Company) தேர்ந்தெடுக்கப்பட்டிருக்கிறது. கூகிளின் மனிதவளக் கொள்கைகளும் (HR Policies), நட்பான பணிச்சூழலும் (Friendly Wok Environment) கூகிள்மீது இந்திய இளைஞர்களைக் காதல் கொள்ளச் செய்கிறது! கூகிள் அலுவலகத்தின் புகைப்படத்தைப் பார்த்துவிட்டு நீங்களே முடிவு செய்யுங்கள்!!!

ஸ்ரீரங்கத்து சிற்பங்கள்...!

2010-10-20T09:30:00.003+05:30

ஸ்ரீரங்கம் கோயிலில் ஆயிரங்கால் மண்டபத்தில் உள்ள சிற்பங்கள். ஒருவன் உடலில் புகுந்த வாள் மறுபக்கம் வெளிவருவதைக் கல்லில் வடித்திருப்பது மிகப்பெரிய ஆச்சரியம்!

சிலைகள் ஒரே மாதிரியாக இருப்பது போலத் தோன்றும். கவனமாகப் பார்க்கவும்! சிற்பங்கள் ஏராளம் உள்ளன. பெருமைகளை இனி சிற்பங்களே சொல்லும்!

10 ரூபாய் கட்டணத்தில் ஆலயத்தின் மேல்தளத்தைப் பார்க்க முடிகிறது. அனைத்து கோபுரங்களையும் காணலாம். அங்கிருந்து எடுத்தது! தமிழகக் கட்டிட மேம்பாட்டினை ரசித்து மகிழ்ந்த மற்றொரு தினம்!

டாக்டர் அப்துல் கலாமின் பிறந்த நாள்...!

2010-10-15T19:05:00.002+05:30

டாக்டர் கலாம் குடியரசுத் தலைவரானபோது கவிஞர் வைரமுத்து “ அன்று இந்தியாவிற்குள் உனது வீடு இருந்தது. இன்று உனது வீட்டிற்குள் இந்தியா இருக்கிறது. உனக்கு முதல் குடிமகனாக ஆளவும் தெரியும்; கடைசிக் குடிமகனாக வாழவும் முடியும்” என்று வாழ்த்தினார். இன்று பிறந்த நாள் கொண்டாடும் முன்னாள் குடியரசுத் தலைவர், டாக்டர்.அப்துல் கலாம் அவர்களை நாமும் வாழ்த்துவோம்!

இந்தியா முழுவதும் இதுவரை ஒரு கோடி மாணவர்களுக்கு மேல் சந்தித்து ஊக்கமும், உற்சாகமும் அளித்த அவரது பிறந்த தினத்தை ஐக்கிய நாடுகள் சபை மாணவர் தினமாகக் கொண்டாட அழைப்பு விடுத்திருக்கிறது. ஐ.நா.சபைக்கு எனது நன்றிகள்!

இன்றைய இளைய தலைமுறைக்கு மிகப்பெரிய Inspiration திரு. கலாம் அவர்கள். அறிவியல், மொழி, நாட்டுப்பற்று, கடின உழைப்பு அனைத்திற்கும் மேலாக இந்தியாவின் முதல் குடிமகனாக உயர்ந்த போதும் கடைபிடித்த ஒழுக்கமும், எளிமையும் மாணவர்கள் விரும்பும் மனிதனாக்கியிருக்கிறது. அவரின் பிறந்த நாள் மாணவர் தினமாகக் கொண்டாடப்படுவது எத்தனை பொருத்தம்! வாழ்த்துக்கள் திரு.கலாம் அவர்களே! நீடூழி வாழ்க!

மீண்டும் IT யில் வேலைவாய்ப்புகள்....!

2010-10-15T16:18:00.000+05:30

சம்பளக் குறைப்பு, ஆட்குறைப்பு எனப் பல குறைப்புகளைக் கண்ட IT நண்பர்களே! நல்ல செய்தி! நல்ல செய்தி! இப்போது IT நிறுவனங்கள் மீண்டும் புதிய திறமைகளைத் தேடுகின்றன.

இந்தியாவின் TCS, Infosys, Wipro உள்ளிட்ட முக்கியமான நிறுவனங்கள் இந்த வருடத்தில் 90,000 இளைஞர்களைப் பணியில் அமர்த்தப் போகிறார்கள். கடந்த வருடம் இந்த நிறுவனங்கள் வேலைக்கு அமர்த்தியது 20,000 மட்டுமே! கிட்டத்தட்ட 300% அதிகமான வேலைவாய்ப்பு இந்த வருடம். வருங்காலத்தில் இன்னும் அதிகரிக்கலாம்.

IT நிபுணர்கள் சொல்வதைக் கேளுங்கள்!

கடந்த ஏப்ரல் முதல் நிறுவனங்கள் 0 முதல் 8 வருடத்திற்கும் மேல் அனுபவம் உள்ள ஆட்களை வேலைக்கு எடுக்கிறார்கள்.

இன்னும் 6 மாதத்திற்கு இப்போதுள்ள நிலையைப் போல் வேலைவாய்ப்புகள் அதிகரிக்கும்.

தகவல் தொழில்நுட்பத்துறையின் வளர்ச்சி சீராகவும், சமமாகவும் இருக்கும்.

இப்போதுள்ள வளர்ச்சி நிலை குறைந்தது ஒரு வருடத்துக்கு நீடிக்கும்.

நிறுவனங்கள் தங்களின் எதிர்கால வருவாயைக் கணித்து அதற்கேற்பக் கூடுதல் பணியாளர்களை நியமிக்கின்றன.

நண்பர்களே! வாய்ப்புகள் அதிகரிக்கும் வேளையில் வேலையைக் கைப்பற்றுங்கள். வேலைவாய்ப்பு குறித்த தகவல்களைத் தீவிரமாகத் தேடுங்கள். வேலையிலிருக்கும் நண்பர்களிடம் சொல்லிவையுங்கள். மனமார்ந்த வாழ்த்துக்கள்!

இது சச்சின் டெண்டுல்கர் வாரம்...!

2010-10-12T09:30:00.005+05:30

கடந்த வாரம் கண்டிப்பாக சச்சின் வாரம்! இதோ! இந்த இடுகை எழுதும் சமயத்திலும் சச்சின் ஆட்டமிழக்காமல் 191 ரன்கள். ICC விருது, முதல் டெஸ்டில் 98, 38. டெஸ்ட் போட்டிகளில் 14,000 ரன்களைக் கடந்த முதல் வீரர். இடுகையை நீங்கள் வாசிக்கும் நேரத்தில் சச்சின் 200 ரன்களை கடந்திருக்கலாம்!

49 ஆவது சதம்! இரண்டு சிக்ஸர் அடித்து சதத்தை நிறைவு செய்தார் சச்சின். சிக்ஸரால் சச்சின் சதமடிப்பது 5 ஆவது முறை. ஆஸ்திரேலியாவுக்கு எதிராக 11 ஆவது சதம் மற்றும் ஆறாவது முறை 150 ரன்களுக்கு மேல்! 20 ஆவது முறையாக 150 ரன்களுக்கு அதிகமாகப் பெற்று லாராவின் சாதனையை (19 முறை) முறியடித்திருக்கிறார்.

சச்சின் வாங்காத விருது அனேகமாக ICC Cricketer of the Year விருது மட்டுமே. அந்தக் குறையும் ரசிகர்களுக்குத் தீர்ந்தது. Cricketer of the Year மற்றும் People's Choice Award என இரண்டு விருதுகள்! ICC க்கு நன்றிகள். இன்னும் பல விருதுகள் காத்திருக்கின்றன!

20 வருடங்களுக்கும் மேலாக கிரிக்கெட்டின் மீதுள்ள நேசமும், அர்ப்பணிப்பும் சச்சினுக்கு மேலும், மேலும் புகழ் சேர்க்கிறது. இன்னும் பல சாதனைகளை சச்சின் நிகழ்த்துவார். தனது சாதனைகளுக்காக விளையாடுபவர் என்ற அரைவேக்காட்டு விமர்சனங்களுக்கு சச்சின் தனது ஈடற்ற திறமையால் எப்போதோ பதில் சொல்லிவிட்டார். வாழ்த்துக்கள் சச்சின்!

அமிதாப் - 25 (நன்றி - ஆனந்த விகடன்!)

2010-10-11T18:36:00.001+05:30

அமிதாப்பச்சன்... இந்திய சினிமாவின் ஐகான்! பாலிவுட்டின் பிக் பி. கோபக்கார இளைஞனாகத் திரையுலகில் கால்பதித்து, 40 வருடங்களைக் கடந்த நாயகனின் போர்ட்ஃபோலியோ பயணம்...

பிறந்த நாள், 1942 அக்டோபர் 11, அப்பா ஹரிவன்ஷ் ராய் பச்சன், இந்தியில் பிரபலமான கவிஞர். அம்மா தேஜி பச்சன், அலகாபாத் பல்கலைக்கழகத்தில் உளவியல் பேராசிரியராக இருந்தவர். அப்போதைய பிரதமர் இந்திரா காந்தியின் நம்பிக்கைக்குப் பாத்திரமாக இருந்தவரும் கூட!.

இன்குலாப் என்பதுதான் அமிதாப்பின் இயற்பெயர், சுதந்திரப் போராட்ட காலத்தில் `இன்குலாப் ஜிந்தாபாத்’ என்ற வார்த்தைகள் ஹரிவன்ஷ் ராய் பச்சனை ஈர்க்க, அந்த பெயர் சூட்டினார். அதுவே பிறகு அமிதாப் ஆனது. அதன் பொருள் `அணையாத ஒளி’!

1969 –ல் வெளிவந்த `ஸாத் ஹிந்துஸ்தானி’, இவரின் அறிமுகப் படம். படம் வெற்றி பெறவில்லை. ஆனால், சிறந்த புதுமுக நடிகருக்கான முதல் தேசிய விருதை வாங்கினார் அமிதாப்!

1973-ல் `சாஞ்சீர்’ படத்தில் நடித்த போது ஜெயபாதுரியுடன் காதல். அதே ஆண்டு ஜீன் 2-ல் திருமணம் நடைபெற்றது. அப்போது அமிதாப் அவ்வளவு பெரிய ஹீரோ அல்ல. ஆனால், ஜெயா.... சூப்பர் ஹிட் ஹீரோயின், ஜெயாவைத் திருமணம் செய்துகொண்ட பிறகு தான் சினிமாவில் தனக்கு ஏற்றம் கிடைத்தது என்று இன்றும் நம்புபவர் அமிதாப்!

அமிதாப் ஜெயாபச்சன் இருவரும் கணவன் மனைவியாகவே பல படங்களில் நடித்திருக்கிறார்கள். அவற்றில் `அபிமான்’, சுப்கே சுப்கே’, `ஷோலே’ ஆகியவை பெரும் வரவேற்பைப் பெற்ற படங்கள்!

யாஷ் சோப்ரா இயக்கி, அமிதாப் நடித்த `தீவார்’ படம், இந்தியா டைம்ஸ் வெளியிட்ட `கட்டாயமாகப் பார்க்க வேண்டிய டாப் 25 பாலிவுட் படங்களின்’ பட்டியலில் இன்று வரை முதல் இடத்தில் உள்ளது!

1975 ஆகஸ்ட் 15 அன்று வெளியான `ஷோலே’ இன்று வரை இந்திய சினிமாவின் `ஆல் டைம் ரெக்கார்ட்’ சுமார், 160 மில்லியன் அமெரிக்க டாலர் கணக்கில் இதன் வசூல் ஒரு மெகா சாதனை. `இந்த நூற்றாண்டின் படம்’ என்று பி.பி.சி. பாராட்டியது!

1973 முதல் 1983 வரை அமிதாப் நடித்து வெளியான அனைத்துப் படங்களும் எகிடுதகிடு ஹிட் தொடர்ந்து ஹிட் கொடுத்ததால், பிரான்ஸ் நாட்டின் புகழ் பெற்ற இயக்குநர் ஃப்ராங்க்காய்ஸ் ட்ரூஃபாட் இவரை `ஒன் மேன் இண்டஸ்ட்ரி’ என்று வர்ணித்தார்!

அமிதாப், சிறந்த பாடகரும்கூட 1979 –ல் வெளியான `மிஸ்டர் நடவர்லால்’ படத்தில் இவர் சொந்தக் குரலில் பாடல்களைப் பாடினார். இதனால் அந்த ஆண்டு ஃபிலிம் ஃபேர் சிறந்த பின்னணிப் பாடகர் விருது கிடைத்தது!

1982 –ல் `கூலி’ படப்பிடிப்பின் போது ஒரு சண்டைக் காட்சியில் இவருக்குக் காயம் ஏற்பட்டது. இவர் குணமடைய உலகம் முழுக்க, சிறப்பு வழிபாடுகளை நடத்தினார்கள். ரசிகர்கள். பல மாதங்கள் மருத்துவ மனையில் இருந்து, அதன் பிறகு மீண்டும் நடித்தார். இவருக்கு ஏற்பட்ட விபத்தினால் உண்டான விளம்பரமே இந்தப் படத்தை `பாக்ஸ் ஆபீஸ் ஹிட்’ அடிக்கச் செய்தது!

1984 –ல் அமிதாப்பின் அரசியல் வருகை ஆரம்பித்தது. அலகாபாத் தொகுதியில், உத்திரப்பிரதேசத்தின் முன்னாள் முதல்வர் பஹீகுணாவை எதிர்த்துப் போட்டியிட்டு மிக அதிக வாக்கு வித்தியாசத்தில் (68.2%) வெற்றி பெற்றார். நாடாளுமன்ற உறுப்பினராக மூன்று வருடங்கள் இருந்தவர். தன் பதவிகளை ராஜினாமா செய்தார்!

`அமிதாப் பச்சன் கார்ப்பரேஷன் லிமிடெட்’ (ஏபிசிஎல்) வியாபாரத்தில் தோல்வி அடைந்த சமயம். நண்பர் அமர்சிங் உதவி செய்தார். அந்த கைமாறுக்காக அமர் சிங்கின் சமாஜ்வாடி கட்சியை ஆதரித்தார். இவர் மனைவி ஜெயா பச்சன் சமாஜ்வாடி கட்சியில் சேர்ந்து ராஜ்ய சபா உறுப்பினராகவும் ஆனார்.!

தொடர்ந்து படங்கள் தயாரித்து அவை தோல்வி அடைந்த நிலையில் கனரா வங்கிக் கடனைத் திருப்பித் தர முடியாமல், தன் `ப்ரதீக்‌ஷா’ வீட்டை அடமானம் வைக்கும் நிலைக்கு தள்ளப்பட்டார். அதில் இருந்து மீள இவருக்குக் கைகொடுத்தது. `கெளன்பனேகா க்ரோர்பதி’ டிவி. தொடர்!

4 தேசிய விருதுகள், 13 ஃபிலிம் ஃபேர் விருதுகள் இவர் கிரெடிட்டில் ஃபிலிம் ஃபேர் சிறந்த நடிகர் விருதுக்கு இதுவரை அதிகம் உச்சரிக்கப்பட்ட பெயர் இவருடையது தான். இவர் பெற்ற விருதுகள், அங்கீகாராங்களை வைத்தே தனியாக ஒரு 25 பட்டியல் போடலாம், அவ்வளவு விருதுகள்!

லண்டனில் `மேடம் டுஸாட்ஸ்’ மெழுகு மியூஸியத்தில் இவரின் மெழுகுச் சிலை வைக்கப்பட்டு இருக்கிறது. இந்தப் பெருமைக்கு உரிய முதல் ஆசிய நடிகர் இவர்!

`விஜய்’ என்பது இவருக்கு மிகப் பிடித்த கேரக்டர் பெயர், இந்தப் பெயரில் இதுவரை 20 படங்களில் நடித்திருக்கிறார்!

இவர் ஒரு `ஐஸோமேனியாக்’, தினமும் அதிகாலை 3 முதல் 5 மணி வரைதான் தூங்குகிறார். இரண்டு மணி நேரம் மட்டுமே தூங்கி எப்படி இவ்வளவு உழைக்கிறார் என்று அனைவரும் அதிசயிப்பார்கள்!

குர்தா பைஜாமா இவர் விரும்பி அணிகிற ஆடைகள், ஒவ்வொரு பிறந்த நாளின் போதும் `மோன்ட் பிளாங்க்’ என்ற பேனா நிறுவனம். இவருக்கு என்றே தனியாக பேனா தயாரித்துப் பரிசு அளிக்கும்!

கார்கள் மீது இவருக்கு ஆர்வம் 11 கார்கள் வரிசை கட்டி நிற்கின்றன போர்டிகோவில், `லெக்சஸ்’ என்ற புல்லட்ப்ரூஃப் கார்தான் இவர் விரும்புவது. `நான்தான் கார் ஓட்டுவேன்’ என்று அடம்பிடிப்பார்!

ஒரு நிமிடத்துக்கு 7,000 ரூபாய் சம்பாதிக்கிறார். பிளான்ட் ஹாலிவுட் ரெஸ்டாரன்ட்டைத் திறந்து வைத்தபோது ஹாலிவுட் நடிகர் ஃப்ரூஸ் வில்லீஸ் இப்படி கமென்ட் அடித்தார். `ஹாலிவுட் ஸ்டார்களைக் காட்டிலும் பெரியவர் அமிதாப்!

ஷீட் அவுட் லோக்கன்ட்வாலா’ படத்துக்காக 5 மணி நேரத்தில் 23 ஸீன்களுக்கு டப்பிங் பேசியது ஒரு சாதனையாகவே கருதப்படுகிறது!

பிப்ரவரி 2010-ல் அமிதாப்பை குஜராத்தின் பிராண்ட அம்பாசிடராக நியமித்தார். நரேந்திரமோடி. `அமிதாப் ஒரு மகா நாயகன், நான் ஒரு சாதாரண மனிதன்’ என மோடி `வித்தை’ செய்தது அப்போது பா.ஜ.க-வினர் இடையே பெரும் சலசலப்பை உணடு பண்ணியது!

அமிதாப்புக்கு ஸ்வேத்தா, அபிஷேக்பச்சன் என்று இரண்டு குழந்தைகள். ஸ்வேத்தாவின் கணவர் நிகில் நந்தா. இவர் எவர்கிரீன் `ஷோமேன்’ ராஜ் கபூரின் மகள் வழிப் பேரன். அபிஷேக் பச்சன் ஜஸ்வர்யா ராயைக் கைப்பிடித்து உலகறிந்த விஷயம் இந்தியாவின் மிகப் பிரபலமான நட்சத்திரக் குடும்பம்!

ராஜீவ்- சோனியா திருமணத்தின்போது சோனியாவைக் கன்னிகாதானம் செய்துவைத்தே அமிதாப்பின் அன்னைதான். அந்த அளவுக்கு இரண்டு குடும்பங்களும் நெருக்கம். ராஜீவ் காந்தியால் தான் அமிதாப் அரசியலுக்கு வந்தார். ஆனால், போஃபர்ஸ் ஊழலில் ராஜீவின் பெயர் அடிபடவே, அவரைவிட்டு விலகினார். அந்தக் கடுப்பை இன்று வரையிலும் வைத்திருக்கிறது ராஜீவ் குடும்பம்!

`நீ நினைப்பது எல்லாமே நிகழ்ந்துவிட்டால் அது நல்லது. அப்படி நடக்காவிட்டால், அது சிறந்தது!’ அமிதாப் தன் நண்பர்களுக்கு உதிர்க்கும் தத்துவம் இது!.

V.V.S.லக்‌ஷ்மண்....!

2010-10-11T09:30:00.000+05:30

ஒரு விக்கெட் வித்தியாசத்தில் இந்தியா வென்றுள்ள முதல் டெஸ்ட். சச்சினின் விக்கெட் பெரிய திருப்புமுனை. தோனியும், ரெய்னாவும் சீக்கிரம் அவுட்டானதும் ஆஸ்திரேலியா வெற்றிக்கனவில் மிதந்திருப்பார்கள். குறிப்பாக ரிக்கி. இவர் தலைமையில் ஆஸ்திரேலியா இந்தியாவில் டெஸ்ட் வென்றதில்லை!

முதுகுப் பிடிப்போடு லக்‌ஷ்மண். ரன்னர் வைக்க வேண்டிய நிலை. அசராமல் ஒருபக்கம் பவுண்டரிகள் அடிக்கிறார். மறுபக்கம் கைகொடுக்க ஆளில்லை. போட்டியின் கடைசி 20 நிமிடங்கள் டெஸ்ட் என்றால் என்னவென்று உணர்த்தியது. டெஸ்ட் கிரிக்கெட்டின் தேவையும், முக்கியத்துவமும் மீண்டும் அழுத்தமாக நிரூபிக்கப்பட்டிருக்கிறது.

இஷாந்த் ஷர்மாவின் பங்கு முக்கியமானது. 81 முக்கியமான ரன்களை லக்‌ஷ்மண் ஷர்மா கூட்டணி பெற்றது. வெற்றிக்குக் கொஞ்சம் கூட வாய்ப்பில்லாத நிலையிலிருந்து வெற்றி பெறவைத்த லக்‌ஷ்மண் நிச்சயம் ரிக்கியின் தூக்கத்தைக் கெடுத்திருப்பார்!

2001 கல்கத்தா போட்டியில் லக்‌ஷ்மணின் 281 மிகச்சிறந்த இன்னிங்ஸாக இன்றும் கருதப்படுகிறது. வெற்றிக்கு மிக அருகில் வந்த ஆஸ்திரேலிய அணியை மீண்டும் "லக்‌ஷ்மண ரேகை" தடுத்து நிறுத்தியிருக்கிறது. நன்றி V.V.S!

மகாத்மா காந்தி - 25 (நன்றி - ஆனந்த விகடன்!)

2010-10-02T10:03:00.002+05:30

காந்தி, அரிச்சந்திரனின் ரசிகர். சத்திய சோதனையாளர். அரையாடைப் பக்கிரி, அகிம்சைப் போராளி!

மோகன்தாஸ் கரம்சந்த் காந்தியாக 1869 அக்டோபர் 2-ல் பிறந்தார். மகாத்மா காந்தியாக 1948 ஜனவரி 30-ல் மறைந்தார். காந்தியின் பிறந்தநாள் உலகம் எங்கும் சர்வதேச அகிம்சை தினமாகக் கடைப்பிடிக்கப்படுகிறது!

காந்தி பிறந்த அக்டோபர் 2-ம் தேதி நாட்டின் மூன்றாவது மற்றும் இறுதி தேசிய விடுமுறை, குடியரசு தினம், சுதந்திரம் தினம் ஆகியவை மற்ற இரண்டு விடுமுறைகள்!

முதன்முதலில் `தேசத் தந்தை’ என்று காந்தியை அழைத்தவர் நேதாஜி சுபாஷ் சந்திரபோஸ், `மகாத்மா’ என்று அழைத்தவர் ரவீந்திரநாத் தாகூர்!

காந்தி தொடங்கிய `இந்தியன் ஒப்பீனியன்’ குஜராத்தி. இந்தி, தமிழ் மற்றும் ஆங்கிலம் என நான்கு மொழிகளில் வெளியானது!

தாழ்த்தப்பட்ட மக்களுக்கு இவர் வைத்த பெயர்தான் `ஹரிஜன்’ என்பது , அதன் பொருள், `கடவுளின் குழந்தைள்’!

`உடற் பயிற்சியின் அரசன் நடைப் பயிற்சி’ என்று சொன்ன காந்தி, லண்டனில் சட்டம் பயிலும்போது, ஒரு நாளைக்கு 10 மைல்கள் நடந்தே சென்று காசை மிச்சப்படுத்திப் படித்தார்!

காந்தி ஒரு துறவியைப் போன்றவர்தான், அனால், அவரிடம் நகைச்சுவை உணர்வுக்குப் பஞ்சமே இருந்தது இல்லை. 1931-ல் லண்டனுக்குச் சென்றபோது, பிரிட்டிஷ் அரசரை முதலும் கடைசியுமாகச் சந்தித்தார் காந்தி. ஆறாம் ஜார்ஜ் மன்னரைச் சந்தித்துவிட்டு பக்கிங்ஹாம் அரண்மனையைவிட்டு அவர் வெளியில் வந்தபோது, அவரைப் பத்திரிகையாளர்கள் சூழ்ந்துகொண்டனர். அதில் ஒருவர், இவ்வளவு குறைவான ஆடையுடன் வந்திருக்கிறீர்களே குளிரவில்லையா’ என்று கேட்டார். `எங்கள் இருவருக்கும் தேவையான அளவு ஆடைகளையும் சேர்த்து மன்னரே அணிந்திருந்தார்’ என்று பதில் அளித்தார் காந்தி!

வெள்ளையனே வெளியேறு போராட்டத்தின் போது, காந்தி சொன்ன வாக்கியம்தான்..... `செய் அல்லது செத்து மடி!’

கொள்கை இல்லாத அரசியல் வேலை செய்யாமல் வரும் செல்வம், மனசாட்சியை ஏமாற்றி வரும் இன்பம், பண்பு இல்லாத அறிவு, நியாயம் இல்லாத வணிகம், மனிதம் மறந்த அறிவியல், தியாகம் இல்லாத வழிபாடு’. இவை காந்தி குறிப்பிட்ட ஏழு சமூகப் பாவச் செயல்கள்!

தபால் அட்டைகள்தான் உள்ளதிலேயே மிகவும் சிக்கனமான தகவல் தொடர்புச் சாதனம் என்று கருதியவர் காந்தி’!

கடிதங்கள் மிக நேர்த்தியாக மடிக்கப்பட்ட பின்பே உறையில் இட வேண்டும் என்பதில் உறுதியுடன் இருப்பார். காரணம், கடிதம் மடிக்கப்பட்டு இருக்கும் முறையிலேயே உங்களைப்பற்றிய அபிப்ராயம் தோன்றிவிடும் என்பார்!’

யாருக்குக் கடிதம் எழுதினாலும் `தங்களின் கீழ்ப்படிந்த சேவகன்’ என்று எழுதியே கடிதத்தை முடிப்பார்!

கிழிந்த துணிகளைத் தானே தைத்துக்கொள்வார். எவ்வளவுதான் வறுமையில் ஒருவர் இருந்தாலும், உடுத்துகின்ற உடைகள் மிகத் தூய்மையாக இருக்க வேண்டும் என்பார். அதை அவரும் கடைப்பிடித்தார்!

ஒவ்வொரு இரவும் நாட்குறிப்பு எழுதும் பழக்கம்கொண்டவராக இருந்தார். அதுதான் பின்னாளில் அவரின் சுயசரிதையாகவும் மலர்ந்தது!.

`சட்ட மறுப்பு இயக்கப் போராட்டத்தைக் கைவிடுங்கள்’ என்று வெள்ளையர்கள் சொன்னபோது, அதற்கு காந்தி, தன் 11 அம்சத் திட்டத்தை ஏற்றுக்கொண்டால், போராட்டத்தைக் கைவிடுவதாக அறிவித்தார். அதில் 11-வதாக இருந்த திட்டம், `சுய பாதுகாப்புக்குத் தேவையான வெடி பொருட்களையும் ஆயுதங்களையும் தயாரித்துக்கொள்வதற்கான உரிமம் வழங்குதல்.’ அகிம்சையைப் போதித்தவருக்குள் எப்படி இந்த எண்ணம் உதித்தது என்பது இன்று வரை பலரின் கேள்வி!

எந்த நிலையிலும் ஆங்கிலேயரை உடல் அளவில் காயப்படுத்துவதை அவர் அனுமதிக்கவில்லை. `நாம் அவர்களை எதிர்த்துப் போராடவில்லை. அவர்கள் நம் மீது திணிக்கும் அதிகாரத்தைத்தான் எதிர்க்கிறோம்’ என்று அதற்கு விளக்கமும் அளித்தார்!.

தான் தவறு செய்தால், அதற்காக மெளன விரதம் ஏற்பதும்... பிறர் தவறு செய்தால், அந்தத் தவறு செய்தவர் அதை உணர தான் உண்ணாவிரதம் இருப்பதையும் வாடிக்கையாகக்கொண்டு இருந்தார். இந்த குணம், அவர் தாய் புத்தலிபாயிடம் இருந்து வந்ததாகும்!.

ஆரம்ப காலங்களில், ஆசிரமத்தில் நடக்கும் தினசரி பிராத்தனைக் கூட்டங்களில், `கடவுள் உண்மையானவர்!’ என்று சொல்லிவந்தார். விடுதலைப் போராட்டம் உச்சத்தில் இருந்தபோது, `உண்மையே கடவுள்’ என்று மாற்றிக்கொண்டார்!.

இந்தியாவுக்கு வெளியே முதன்முதலில் காந்தியின் தபால் தலையை வெளியிட்ட நாடு எது தெரியுமா? அவர் தன் வாழ்நாளியில் மிதிக்காத நாடான அமெரிக்காதான் அது. இது நடந்தது 1961 ஜனவரி 26-ல்!.

ராட்டைச் சக்கரத்துக்கு முன் காந்தி அமர்ந்து இருப்பதுபோல இருக்கும் புகழ்பெற்ற புகைப்படம், மார்கேட் பூர்க் ஒயிட் என்பவரால் பிரபல லைஃப் இதழுக்காக எடுக்கப்பட்டது!.

`என்னிடம் சீடனாக வந்து சேர்ந்த குரு’ என்று காந்தி அழைத்து வினோபா பாவேவைத்தான்!.

மார்டின் லூதர்கிங், தலாய் லாமா, ஆங் சான் சூகி, நெல்சன் மண்டேலா,அடால்ஃபோ பெரேஸ் எஸ்க்யூவெல் ஆகிய ஐந்து உலகத் தலைவர்கள் நோபல் பரிசு பெற்றதற்கு முக்கியக் காரணம், காந்திய வழியைப் பின்பற்றியதுதான் என்று ஒப்புதல் அளித்திருக்கிறார்கள்.ஆனால், காந்திக்கு நோபல் பரிசு தரவில்லை!.

இந்தியா சுகந்திரம் அடைந்தபோது, அதைக் கொண்டாட மறுத்தவர்கள் இரண்டு பேர். ஒருவர் காந்தி, இன்னொருவர் தந்தை பெரியார்!.

போர்பந்தரில் பிறந்த காந்தி ஆரம்பித்த சபர்மதி ஆஸ்ரமத்தின் நினைவாகத்தான் `சபர்மதி எக்ஸ்பிரஸ்’ ரயில் விடப்பட்டது.ஆனால், 2002-ம் ஆண்டு கோத்ரா சம்பவத்தில் இந்த ரயில் எரிக்கப்பட்டு, குஜராத் கலவரத்துக்கு வித்திடப்பட்டது.காலத்தின் முரண்களில் இதுவும் ஒன்று!.

`கனவில் இருந்து நிஜத்துக்கு, இருளில் இருந்து வெளிச்சத்துக்கு, மரணத்தில் இருந்து அமரத்துவத்துக்கு!’- காந்தி நினைவு மண்டபத்தில் எழுதிவைக்கப்பட்டு இருக்கும் வாசகம் இது!.

சிவாஜி கணேசன் - 25 ! (நன்றி - ஆனந்த விகடன்!)

2010-10-01T11:46:00.002+05:30

நடிகர் திலகத்தின் பிறந்த நாள் இன்று!

சிவாஜி கணேசன்... இந்திய சினிமாவின் திறந்தவெளிபல்கலைக்கடிதம்.எல்லா நடிகர்களுக்கும் ரசிகர்கள் இருப்பார்கள்.ஆனால்,அனைத்து நடிகர்களும் இவருக்கு ரசிகர்கள். அந்தக் கலைச் சமுத்திரத்திலிருந்து சில துளிகள்....

சத்ரபதி சிவாஜி வேடத்தில் நடித்த வி.சி.கணேசனை மேடைக்குக் கீழ் இருந்து பார்த்த தந்தை பெரியார்,`இனி இவர்தான் சிவாஜி!’ என்று சொன்னார். அதுவே காலம் சொல்லும் பெயரானது!

நடிகர் திலகம் முதன்முதலில் போட்டவேடம் பெண் வேடம் தான். உப்பரிகையில் நின்றுகொண்டு ராமனைப் பார்க்கும் சீதை வேடம்தான் சிவாஜி ஏற்ற முதல் பாத்திரம்!

1952 -ல் நேஷனல் பிக்சர்ஸ் தயாரித்த `பராசக்தி’யில் `குணசேகரன்’ பாத்திரத்தில் சிவாஜியைக் கதாநாயகனாக்க படத் தயாரிப்பாளர் பி.ஏ.பெருமாள் முடிவு செய்தபோது. பலரும் எதிர்ப்புத் தெரிவித்தனர். எதையும் காதில் வாங்கிக்கொள்ளாமல் சிவாஜியை ஹீரோவாக்கிய பெருமை பெருமாளுக்கே உண்டு!

சின்சியாரிட்டி,ஒழுங்கு நேரந் தவறாமைக்கு சிவாஜி ஒர் உதாரணம், ஏழரை மணிக்கு ஷீட்டிங் என்றால்,ஆறே முக்கால் மணிக்கே செட்டில் ஆஜராகிவிடுவார். தனது வாழ்நாளில் ஒரு நாள்கூடத் தாமதமாக் ஷீட்டிங்குக்குச் சென்றது இல்லை!

கலைஞரை `மூனா கானா’, எம்.ஜி.ஆரை `அண்ணன்’, ஜெயலலிதாவை `அம்மு’, என்றுதான் அழைப்பார்!

வீரபாண்டிய கட்டபொம்மன்,பாரதியார்,வ.உ.சி., பகத்சிங் திருப்பூர் குமரன் போன்ற சுதந்திரப் போராட்ட வீரர்களின் பாத்திரங்கள் அனைத்தையும் ஏற்று நடித்தவர் சிவாஜி ஒருவரே!

தன்னை `பராசக்தி’ படத்தில் அறிமுகம் செய்த தயாரிப்பாளர் பி.ஏ.பெருமாள் வீட்டுக்கு ஒவ்வொரு பொங்கல் அன்றும் சென்று, அவரிடம் ஆசி பெறுவதை வழக்கமாகவே வைத்திருந்தார் சிவாஜி!

திருப்பதி,திருவானைக்கா,தஞ்சை மாரியம்மன் கோயில்களுக்கு யானைகளைப் பரிசளித்துள்ளார்!

தமிழ் சினிமா உலகில் முதன்முதலாக மிகப்பெரிய கட் –அவுட் வைக்கப்பட்டது.சிவாஜிக்குத்தான். 1957 ல் வெளிவந்த அந்தப் படம் `வணங்காமுடி’!.

சிவாஜி தனது நடிப்புக்காக வாங்கிய முதல் பரிசு ஒரு வெள்ளித்தட்டு,`மனோகரா’ நாடகத்தைப் பார்த்த கேரளா கொல்லங்காடு மகாராஜா கொடுத்த பரிசு அது!

தனது அண்ணன் தங்கவேலு, தம்பி சண்முகம் போன்றவர்களுடன் ஒரே கூட்டுக் குடும்பமாக இறுதிவரை வாழ்ந்தார்.சிவாஜியின் கால்ஷீட், நிர்வாகம் அனைத்தையும் கவனித்துகொண்டவர் அவரது தம்பி சண்முகம்தான்!

சிவாஜி நடித்த மொத்தப் படங்கள் 301. இதில் தமிழ்ப் படங்கள் 270. தெலுங்கில் 9, ஹிந்தி2,மலையாளம் 1,கெளரவத் தோற்றம் 19 படங்கள்!

ஒவ்வொரு வருடமும் குடும்பத்துடன் தனது சொந்த ஊரான் சூரக்கோட்டையில் பொங்கல் விழா கொண்டாடுவதை வழக்கமாகவே வைத்திருந்தார். அன்றைக்குப் பல சினிமா பிரபலங்கள் சிறப்பு விருந்தினராகக் கலந்துகொள்வார்கள்!

விநாயகர் மீது மிகுந்த பக்திகொண்டவர் சிவாஜி,சிறு வெள்ளியிலான பிள்ளையார் விக்கிரகத்தை எப்போதும் கூடவே வைத்திருப்பார்!

சிவாஜிக்கு சிகரெட் பிடிக்கும் பழக்கம் இருந்தது.`பராசக்தி’ படத்தை இயக்கிய,இயக்குநர்கள் கிருஷ்ணன் –பஞ்சு முன்னிலையில் மட்டும் சிகரெட் பிடிக்கமாட்டார்!

`ரத்தத் திலகம்’ படத்தில் இவரது நடிப்பைப் பாராட்டி சென்னை சினிமா ரசிகர் சங்கம் கொடுத்த பரிசு ஒரு துப்பாக்கி!

படப்பிடிப்பின்போது அவர் சம்பந்தப்பட்ட காட்சிகள் எடுக்காத நேரங்களில் மற்றவர்கள் நடிப்பதை உற்றுக் கவனிப்பார். ஆர்வமாகக் கேட்டால் மற்றவர்களுக்கு டிபஸ் கொடுப்பார்!

சிவாஜியும் எம்.ஜி.ஆரும் இணைந்து நடித்த ஒரே படம் கூண்டுக்கிளி!

விதவிதமான கடிகாரங்களை அணிவதில் இவருக்கு அலாதி பிரியம். ஒமேகா,ரோலக்ஸ் போன்ற வாட்சுகளை ஏராளமாக வாங்கி வைத்திருந்தார்!

தன் தாய் ராஜாமணி அம்மையாருக்கு சிவாஜி கார்டனில் சிலை ஒன்றை அமைத்தார் சிவாஜி. அந்தச் சிலையைத் திறந்துவைத்தவர் எம்.ஜி.ஆர்!

`ஸ்டேனிஸ் லா வோஸ்கி தியர்’ என்கிற நடிப்புக் கல்லூரி மாணவர்களுக்கான பாடப் புத்தகத்தில் 64 வகையான முகபாவங்களைப் பிரதிபலிக்கும் திறமை பெற்றவர் என்று குறிப்பிட்டு.சிவாஜியின் புகைப்படங்கள் இடம் பெற்றுள்ளன!

அவரது தீவிரமான ஆசைகளில் ஒன்று தந்தை பெரியார் வேடத்தில் நடிப்பது கடைசி வரை அது நிறைவேறவே இல்லை!

பிரபலதவில் கலைஞர் வலையப்பட்டி. `தமிழ் சினிமாவில் நீங்கள்தான் எல்லோருக்கும் ரோல் மாடல்’ என்று சிவாஜியிடம் சொன்னபோது, `டி.எஸ்.பாலையா,எம்.ஆர்.ராதா வரிசையில் மூன்றாவதாகத்தான் நான்’ என்றாராம் தன்னடக்கமாக!

பெருந்தலைவர் காமராஜரின் மீது அளவிட முடியாத அன்புகொண்டவர் இவர்.`அந்த சிவகாமியின் செல்வனின் அன்புத் தொண்டன் இந்த் ராஜாமணியின் மகன் –என்பதுதான் தன்னைப்பற்றி சிவாஜி செய்துகொள்ளும் அடக்கமான அறிமுகம்!

கிரிக்கெட்,கேரம்போர்டு இரண்டும் இவருக்குப் பிடித்தமான விளையாட்டுகள்!.

அமைதி வாழ்க!

2010-09-30T09:35:00.001+05:30

போர்பந்தர் போதித்த
அகிம்சை மறந்துவிட்டோம்!

மதங்களின் பெயரால்
மனிதம் துறந்துவிட்டோம்!

எத்தனை வருடங்கள்
ரத்தம் சிந்த யுத்தேசம்?

எந்த மதமும்
ஆயுதத்தை ஆதரிக்கவில்லை!
அன்பைத்தான் யாசிக்கிறது.

எந்தத் தத்துவத்திலும்
ரத்தத்துளிகள் இல்லை!

வேற்றுமையும் வஞ்சகமும்
கயமையும் கொலைவெறியும்
வேதங்களிலும் பேதங்கள்
தேடுபவர்களிடம் உண்டு!

மதங்களால் மனம்பிரிக்க
அனுமதியோம்!
தீர்ப்புகளுக்காகத் தீ வையோம்!

ஆகவே இந்து முஸ்லீம் நண்பர்களே!
மதங்கள் வாழ்க! மனிதரும் வாழ்க!
ஆண்டவனும் வாழ்க! அமைதி வாழ்க!

இந்திய நண்பர்களுக்காக...!

2010-09-23T11:10:00.000+05:30

வழக்கின் தீர்ப்பு வெளியாவதற்கு முன், யூகத்தின் அடிப்படையில் செய்திகள் வெளியிட வேண்டாம். பாபர் மசூதி இடிக்கப்பட்ட காட்சிகளையும் ஒளிபரப்ப வேண்டாம்” என்று டி.வி. சேனல்களுக்கு ‘நியூஸ் பிராட்காஸ்டர்ஸ் அசோசியேஷன்’ விதிமுறைகளை வெளியிட்டுள்ளது.

நாட்டின் மதச்சார்பின்மை பாதிக்காத வகையில், அயோத்தி வழக்கின் தீர்ப்பு செய்தியை வெளியிட வேண்டும். பல்வேறு மதம், மொழி, இனம் நிறைந்த நமது நாட்டின் ஒற்றுமையை சீர்குலைக்கும் வகையில் செய்திகளோ, காட்சிகளோ வெளியிட வேண்டாம்.

அயோத்தி இடம் தொடர்பான வழக்கில், தீர்ப்பு வெளியாவதற்கு முன்பே யூகச் செய்திகளை வெளியிட வேண்டாம்.

கடந்த 1992ம் ஆண்டு பாபர் மசூதி இடிக்கப்பட்ட காட்சிகளை ஒளிபரப்ப கூடாது.

தீர்ப்புக்கு பின்னர் எதிர்ப்பு போராட்டங்கள் அல்லது மகிழ்ச்சியில் கொண்டாட்டங்கள் நடந்தால் அவற்றையும் ஒளிபரப்பக் கூடாது.

சரியான தகவல்களை மட்டும் நன்கு உறுதி செய்து வெளியிட வேண்டும்.

பாபர் மசூதி வழக்கில் தீர்ப்பு வரப்போகிறது. தீ வைக்கக் கிளம்பவேண்டாம். இன்னும் மசூதியின் பெயராலும், ஆலயத்தின் பெயராலும் சர்ச்சைகளும், சேதங்களும் தேவையா? சில அரசியல் கட்சிகளின் ஆதாயத்துக்கு அப்பாவி இந்தியன் பலியானது போதும்!

தேச ஒருமைப்பாடு வெல்லுமா?

காமன்வெல்த் தேவையா...?

2010-09-22T11:27:00.004+05:30

ஏகப்பட்ட குளறுபடிகள், குழப்பங்கள், ஊழல்கள். டெல்லியில் நடைபெறப் போகும் காமன்வெல்த் போட்டிகள் தவறான காரணங்களுக்காகப் பிரபலமடைந்திருக்கிறது. பொதுவாக, நமது நாட்டில் போட்டிகள் நடைபெற்று சில மாதங்கள் கழித்துத்தான் ஊழல் குற்றச்சாட்டுகள் வைக்கப்படும். காமன்வெல்த் இதில் முன்னோடியாகத் திகழ்கிறது.

நியூசிலாந்து, ஸ்காட்லாந்து, அயர்லாந்து, கனடா நாட்டுப் பிரதிநிதிகள் தங்கும் வசதிகள் திருப்தியாக இல்லை என்கிறார்கள். 24 மணிநேரத்தில் மாற்றித் தர வேண்டும் என்கிறார்கள். விருந்தோம்பலுக்குப் புகழ் பெற்றவர்கள் நாம். இப்போது...?

போட்டி நடைபெறும் ஜவஹர்லால் விளையாட்டு மைதானத்தின் தெற்கு வாயிலில் அமைக்கப்பட்ட நடை மேம்பாலம் இடிந்து விழுந்திருக்கிறது. சில வெளிநாட்டு வீரர்கள் பாதுகாப்பு கருதிப் போட்டிகளில் கலந்து கொள்ளப் போவதில்லை என்கிறார்கள். நடத்தும் அமைப்பு வெட்கித் தலைகுனிய இந்தக் காரணங்களே போதும்!

எந்த ஊழலிலும் தொடர்பில்லாத நாம் இந்தியன் என்ற ஒரே காரணத்துக்காகத் தலைகுனிய வேண்டியிருக்கிறது. சிலரது பேராசை நமது நாட்டின் மரியாதையையும், கலாச்சாரத்தையும் கேலிக்குள்ளாக்குகிறது. வீரர்கள் அச்சத்துடன் போட்டிகளில் பங்கேற்பது நடத்தும் நாட்டுக்குப் பெருமை சேர்க்காது!

பாலத்தில்; ஆயுதங்களில்; சவப்பெட்டிகளில் எதையும் விட்டுவைக்காமல் ஊழல் புரிந்தீர்கள். விளையாட்டுப் போட்டிகளிலுமா? ஊழல் இல்லாத நிகழ்ச்சிகள் இல்லை என்ற அளவுக்கு வளர்ந்திருக்கிறோம். மகிழ்ச்சி! பாலம் இடிந்துவிழும் அளவுக்குப் பகிரங்கமாகவா?

காயமடைந்த 30 க்கும் மேற்பட்ட தொழிலாளிகளுக்கு என்ன நஷ்டஈடு வழங்கப்போகிறோம் காமன்வெல்த் கனவான்களே? இழப்பீட்டையாவது முறைகேடுகளில்லாமல் வழங்குமாறு கேட்டுக் கொள்கிறேன். மற்றபடி, போட்டிகள் சிறப்பாக நடைபெற வாழ்த்துக்கள்!

டி.எம்.சௌந்தரராஜன் - 25 ( நன்றி - ஆனந்த விகடன்!)

2010-09-21T09:37:00.000+05:30

டி.எம்.சௌந்தரராஜன் பற்றி சுவையான சிறு குறிப்புகள்:

டி.எம்.எஸ்....! தமிழ் மக்களைத் தனது காந்தர்வக் குரலால் கட்டிப்போட்ட எழிலிசை வேந்தன்: தமிழ் மொழியை அதற்கே உரிய அழகோடு தெள்ளத் தெளிவாக உச்சரித்துப் பாடிய பாட்டுத் தலைவன்!

· டி.எம்.எஸ். என்பதில் உள்ள `எஸ்’ என்றால், செளந்தரராஜன்: `எம்’ என்பது அவரின் தந்தை மீனாட்சி அய்யங்கார்: `டி’ என்பது அவரின் குடும்பப் பெயர் `தொகுளுவா’, கர்ப்பம் தரித்திருக்கும் பெண்களுக்கு சத்து மாவு தயாரித்துத் தருவதில் பிரபலமான குடும்பம் அவருடையது!

· டி.எம்.எஸ்- ஸீக்கு டி.எம்.எஸ்ஸே சொல்லும் வேறு சில விளக்கங்கள் சுவையானவை. தியாகராஜ பாகவதர் (டி), மதுரை சோமு (எம்), கே.பி.சுந்தராம்பாள் (எஸ்) ஆகிய மூவரையும் தன் மானசீக குருமார்களாக வைத்திருப்பதையே இது குறிக்கிறது என்பார். தவிர, தியாகைய்யர் (டி), முத்துசாமி தீட்சிதர் (எம்), சியாமா சாஸ்திரிகள் (எஸ்) ஆகிய இசை மும்மூர்த்திகளின் அனுக்கிரகமும் தனக்குக் கிடைத்துள்ளதையே இது குறிப்பிடுகிறது என்று மகிழ்வார்!

· மதுரை வரதராஜப் பெருமாள் கோயிலில் பூசாரியாகப் பணியாற்றியவர் டி.எம்.எஸ்ஸின் தந்தை மீனாட்சி அய்யங்கார்.

· டி.எம்.எஸ்ஸின் முதல் பாடல் `ராதே என்னை விட்டு ஓடாதேடி’ ஒலிப்பதிவான இடம் கோவை சென்ட்ரல் ஸ்டுடியோ 60 ஆண்டுகளுக்குப் பிறகு, ஒரு தொலைக்காட்சித் தொடருக்காக, மீண்டும் அங்கே போய், இடிபாடாகக்கிடந்த அதே பழைய ஒலிப்பதிவு அறையில் நின்று மீண்டும் அதே பாடலைப் பாடி மகிழ்ந்திருக்கிறார்!

· மதுரை, வரதராஜப் பெருமாள் கோயில் வளாகத்திலேயே ஓர் ஓரமாக பெஞ்சுகள் போட்டு, இந்தி வகுப்புகள் நடத்தியது தவிர வேறு ஏதும் வேலை பார்த்தது இல்லை. மற்றபடி எல்லாக் கோயில் விஷேங்களுக்கும் சென்று, பஜனைப் பாடல்கள் பாடி, கிடைக்கும் ஐந்து ரூபாய், பத்து ரூபாய், வெற்றிலை பாக்கு, பழத்தில்தான் அவரின் ஜீவனம் ஒடியது!

· டி.எம்.எஸ்ஸின் முருக பக்தி அனைவருக்கும் தெரியும் `கற்பனை என்றாலும் கற்சிலை என்றாலும்....’ `உள்ளம் உருகுதய்யா முருகா’, `சொல்லாத நாளில்லை சுடர்மிகு வடிவேலா’, `மண்ணானாலும் திருச்செந்தூரில் மண்ணாவேன் போன்ற உள்ளம் உருக்கும் பலப்பல முருகன் பாடல்களுக்கு இசையமைத்துப் பாடியவர்!

· டி.எம்.எஸ். இசையமைத்துப் பாடிய `கற்பகவல்லி நின் பொற்பதங்கள் பிடித்தேன்’ இன்றளவிலும் நேயர்களால் விரும்பிக் கேட்கப்படும் பக்திப் பாடல். இந்திப் பாடலில் ஒவ்வொரு பாராவிலும் ஒரு குறிப்பிட்ட ராகத்தின் பெயர் இடம் பெறும். அந்தந்தப் பாராவை அந்தந்த ராகத்திலேயே இசையமைத்துச் சாதனை செய்தார்!

· `அடிமைப் பெண்’ படத்தின் போதுதான் டி.எம்.எஸ்ஸின் மகளுக்குத் திருமணம். `பாடி முடித்துவிட்டுத்தான் போக வேண்டும்’ என்று எம்.ஜி.ஆர். உத்தரவிட்டும் கோபத்தில் கிளம்பிச் சென்றுவிட்டார் டி.எம்.எஸ். அந்தப் பாடல் வாய்ப்பு. அப்போதுதான் திரையுலகில் இளம் பின்னணிப் பாடகராக நுழைந்திருந்த எஸ்.பி. பாலசுப்பிரமணியனுக்குக் கிடைத்தது. அந்தப் பாடல்தான். `ஆயிரம் நிலவே வா!’

· பொது நிகழ்ச்சிகளுக்குத் தங்க நகைகள் அணிந்து செல்வதில் விருப்பம் உள்ளவர். `இல்லாட்ட ஒருத்தனும் மதிக்க மாட்டான்யா! `பாவம், டி.எம்.எஸ்ஸீக்கு என்ன கஷ்டமோ!’ன்னு உச்சுக் கொட்டுவான். அதனால, இந்த வெளிவேஷம் தேவையா இருக்கு’ என்பார்!

· கவிஞர் வாலியை த் திரை உலகுக்கு அழைத்து வந்தது டி.எம்.எஸ். அந்த நன்றியை இன்று வரையிலும் மறவாமல்.`இப்போ நான் சாப்பிடுற சாப்பாடு டி.எம்.எஸ் போட்டது’ என்று சந்தர்ப்பம் கிடைக்கும் போதெல்லாம் நெகிழ்வார் வாலி!

· `நீராரும் கடலுடுத்த..’ என்னும் தமிழ்த் தாய் வாழ்த்துப் பாடலையும், `ஜன கண மன’ என்னும் தேசிய கீதத்தையும் யாரும் பாட முன் வராத நிலையில் டி.எம்.எஸ்ஸீம் பி.சுசீலாவும் இணைந்து பாடித் தந்தது அந்நாளில் பரபரப்புச் செய்தியாக இருந்தது!

· தனலட்சுமி என்ற பெண்ணைக் காதலித்தார். அவர்கள் சற்று வசதியான குடும்பம் என்பதால், டி.எம்.எஸ்ஸீக்குப் பெண் தர மறுத்துவிட்டார்கள். காதல் தோல்வி பாடலைப் பாட நேரும்போதெல்லாம், அந்த தனலட்சுமியின் முகம் தன் மனக் கண்ணில் தோன்றுவதாகச் சொல்வார் டி.எம்.எஸ்!

· `வசந்தமாளிகை’ படத்தில் வரும் `யாருக்காக’ பாடலை பாடும்போது, அதற்கு எக்கோ எஃபெக்ட் (எதிரொலி) வைக்கச் சொன்னார். `அதெல்லாம் வீண் வேலை’ என்று தயாரிப்பாளர் மறுத்துவிட `எக்கோ எஃபெக்ட்’ வைத்தால்தான் பாடுவேன் என்றார் தீர்மானமாக. தியேட்டரில் எக்கோ எஃபெக்ட்டுடன் அந்தப் பாடல் பிரமாண்டமாக ஒலித்தபோது ரசிகர்களிடையே எழுந்த கைத்தட்டலைக் கண்டு வியந்தார் தயாரிப்பாளர்!

· வெஸ்டர்ன் டைப்பில் விஸ்வநாதன் இசையமைத்த பாடல் `யாரந்த நிலவு... ஏன் இந்தக் கனவு’. கனத்த குரலுடைய டி.எம்.எஸ்ஸால் இதைப் பாட முடியுமா என்று தயாரிப்பாளருக்குச் சந்தேகம். எதிர்பார்த்தை விட அற்புதமாகப் பாடி அத்தனை பேரையும் அசத்திவிட்டார் டி.எம்.எஸ்!

· காஞ்சிப் பெரியவர். புட்டபர்த்தி சாய்பாபா இருவரிடமும் மிகுந்த பக்திகொண்டவர் டி.எம்.எஸ். இவரது வீட்டுக்கு சாய்பாபா ஒரு முறை வருகை தந்திருக்கிறார். காஞ்சிப் பெரியவர், டி.எம்.எஸ்ஸை `கற்பகவல்லி’ பாடச் சொல்லிக் கேட்டு மகிழ்ந்து, தான் போர்த்தியிருந்த சிவப்புச் சால்வையைப் பரிசாக அளித்ததைத் தனது பாக்கியமாகச் சொல்லி மகிழ்வார்!

· கடவுள் பக்தி அதிகம் உள்ளவர் டி.எம்.எஸ். கண்ணதாசன் எழுதிய `கடவுள் மனிதனாகப் பிறக்க வேண்டும்: அவன் காதலித்து வேதனையில் `சாக வேண்டும்’என்ற வரிகளைப் பாட மறுத்துவிட்டார். பின்னர், கவிஞர் `சாகவேண்டும்’ என்பதை `வாடவேண்டும்’ என்று மாற்றித் தந்த பிறகே பாடினார்!

· நீளமான குடுமியும் வடகலை நாமமும் டி.எம்.எஸ்ஸின் ஆதி நாளைய அடையவாளங்கள். சினிமாவில் வாய்ப்புத் தேடும் பொருட்டு கோயம்புத்தூர் வருவதற்கு முன்பாக இதே கோலத்தில் தன்னை ஒரு புகைப்படம் எடுத்துக்கொண்டு விட்டு. பின்பு குடுமியை எடுத்துவிட்டுக் கிராப் வைத்துக்கொண்டார். நாமம் அகன்று, பட்டையாக விபூதி பூசியதும் அப்போது தான்!

· எம்.ஜி.ஆர்., சிவாஜி, கருணாநிதி ஜெயலலிதா என அனைவைரிடமும் நெருங்கிப் பழகியிருந்தாலும், இன்று வரையில் தனக்காக எந்த ஒரு விஷயத்துக்கும், யாரிடமும் சிபாரிசுக்காக அணுகாதவர்!

· `பாகப் பிரிவினை’ படத்தின் 100- வது நாள் விழாவில் இயக்குநர், நடிகர் எனப் பலருக்கும் விருது வழங்கப்பட பாடகர்களுக்கு மட்டும் விருது இல்லை. இது பாரபட்சமானது என்று கருதிய டி.எம்.எஸ். விழாவில் `கடவுள் வாழ்த்து’ பாட மறுத்துவிட்டார். அதன் பின்னர்தான் பட விழாக்களில் பாடகர்களுக்கும் விருதுகள் வழங்கப்பட்டன!

· `நவராத்திரி’ படத்தில் சிவாஜி கணேசனின் ஒன்பது வித்தியாச வேடங்களுக்கு ஏற்ப தன் குரலை வித்தியாசப்படுத்திப் பாடியிருப்பார் டி.எம்.எஸ்!

· `பட்டினத்தார், `அருணகிரிநாதர்’ என இரண்டு படங்களில் கதாநாயகனாக நடித்திருக்கிறார்!

· மத்திய அமைச்சர் மு.க அழகிரி, டி.எம்.எஸ்ஸின் பரம ரசிகர். காரில் பயணம் செய்யும்போதெல்லாம், டி.எம்.எஸ் பாடிய ஏதாவதொரு பாட்டு ஒலித்துக்கொண்டே இருக்கும்!

· தமிழில் மட்டும் 10,000-க்கும் மேற்பட்ட சினிமா பாடல்களைப் பாடியுள்ளார். தவிர, தெலுங்கு, மலையாளம் ஆகிய மொழி படங்களிலும் சில பாடல்களைப் பாடியுள்ளார்.(அவரே இசையமைத்துப் பாடிய பக்திப் பாடல்கள் மேலும் சில ஆயிரங்கள் இருக்கும்.)

· சக பாடகர்கள், தொழிலோடு தொடர்புடையவர்கள் தவிர தனிப்பட்ட நண்பர்கள் வட்டாராம் என்று டி.எம்.எஸ்ஸீக்கு எதுவும் இல்லை.

· எம்.ஜி.ஆர்., சிவாஜி இருவருக்கும் ஏராளமான பாடல்களைப் பாடியிருந்தாலும், அவர்களோடு ஒட்டாமல் தனித்தே கடைசி வரை இருந்தார் டி.எம்.எஸ் சொல்லப்போனால், இருவருக்கும் பலப்பல பாடல்களைப் பாடிய பின்புதான், அவர்களை ஏதேனும் விழாக்களில் நேரிலேயே சந்தித்திருக்கிறார்!

இசைஞானிக்கு இன்னுமொரு விருது!

2010-09-19T13:27:00.004+05:30

இசைஞானியின் ரசிகர்களுக்கு இன்னொரு நல்ல செய்தி. ஒரிஸ்ஸாவின் பெருமைக்குரிய அக்‌ஷய சம்மான் விருது இளையராஜாவுக்கு வழங்கப்படுகிறது. இசைத்துறையில் சிறந்து விளங்கிக் கொண்டிருப்பவர்களுக்குத் தரப்படும் விருது இது!

அக்‌ஷய மொகந்தி ஃபவுண்டேஷன் வழங்குகிறது. 2007 ஆம் ஆண்டிலிருந்து விருதுகள் வழங்கப்படுகிறது. இந்த வருடம் நமது இசைஞானிக்கு! பாராட்டுப் பட்டயத்துடன் ஒரு லட்சம் ரொக்கமும் வழங்கப்படும். இதற்குமுன் பிரபல இசையமைப்பாளர்கள் மன்னா டே, குல்சார் மற்றும் பண்டிட் ஹரி பிரசாத் சவுராசியா ஆகியோருக்கு வழங்கப்பட்டுள்ளது.

அடுத்த மாதம் புவனேஷ்வரில் விழா நடக்கும். சிம்பொனி மற்றும் ஆரட்டோரியோ போன்ற உயர்ந்த இசைக் கோர்வைகளை அமைத்த முதல் இந்திய இசையமைப்பாளரான இசைஞானியை நாம் இன்னும் பெருமைப்படுத்த வேண்டியிருக்கிறது. விருது வழங்கும் அமைப்புக்கு எனது நன்றிகள்.

கண்ணதாசன் - 25 (நன்றி - ஆனந்த விகடன்)

2010-09-18T09:25:00.001+05:30

காட்டுக்கு ராஜா, சிங்கம். கவிதைக்கு ராஜா, கண்ணதாசன்!’ பெருந்தலைவர் காமராஜரின் வாக்கு இது `நான் நிரந்தரமானவன், அழிவதில்லை. எந்த நிலையிலும் எனக்கு மரணமில்லை’ என்று கண்ணதாசனே அறிவித்தார். கவிரசத்தின் சில துளிகள்...

` கண்ணதாசன் என்றால் கண்ணனுக்கு தாசன் என்று அர்த்தம் அல்ல. `அழகான கண்களைப்பற்றி வர்ணிப்பதிலும், வர்ணிக்கப்பட்டதைப் படப்பதிலும் ஆசை அதிகம். அதனால் இந்தப் பெயரை வைத்துக்கொண்டேன்’ என்பது அவரே அளித்த விளக்கம். பெற்றோர் வைத்த பெயர் முத்தையா.

` சிறு வயதில் இன்னொரு குடும்பத்துக்கு 7,000 ரூபாய்க்குத் தத்துக் கொடுக்கப்பட்டவர் கண்ணதாசன். அந்த வீட்டில் அவர் பெயர், நாராயணன்.

`கலங்காதிரு மனமே, உன் கனவெல்லாம் நனவாகும் ஒரு தினமே’ என்று `கன்னியின் காதலியில்’ எழுதியது முதல் பாட்டு. மூன்றாம் பிறையில் வந்த, `கண்ணே கலைமானே’ கவிஞரின் கடைசிப் பாட்டு.

எப்போதும் மஞ்சள் பட்டுச் சட்டை, வேட்டி அணிந்திருப்பார். திடீரென்று கழுத்து, கைகளில் நகைகள் மின்னும் திடீரென்று காணாமல் போய்விடும். `பள்ளிக்கூடத்துக்குப் போயிருக்கு’ என்று அவை அடகுவைக்கப்பட்டு இருப்பதைச் சொல்வார்.

`மயிலாப்பூர் உட்லண்ட்ஸ் ஹோட்டல், அபிராமபுரம் கவிதா ஹோட்டல் இரண்டும் தான் கவிஞருக்குப் பிடித்த இடங்கள். பெரும்பாலான பாடல்கள் பிறந்தது இங்குதான். வெளியூர் என்றால் பெங்களூர் உட்லண்ட்ஸ்.

வேட்டியின் ஓரத்தைப் பிடித்துக்கொண்டு அறைக்குள் நடந்தபடி பாடல்களின் வரிகளைச் சொல்வார். நடந்துகொண்டே இருந்தால்தான் சிந்தனை துளிர்க்கும். கவிதைவரிகள் சொல்லும்போது செருப்பு அணிய மாட்டார்!

`கொஞ்சம் மது அருந்திவிட்டால், என் சிந்தனைகள் சுறுசுறுப்படைவது வழக்கம். அதைப்போல் இன்ப விளையாட்டில் எனக்கு ஆசை உண்டென்றாலும், சிந்திக்கிற நேரத்தில் ரதியே வந்தாலும் திரும்பி பார்க்க மாட்டேன்’ என்பது கவிஞரின் வாக்குமூலம்.

’முத்தான முத்தல்லவோ’ பாட்டைத்தான் மிகக் குறைவான நேரத்துக்குள் (10 நிமிடங்கள்) எழுதி முடித்தார். அதிக நாட்களுக்கு அவரால் முடிக்க முடியாமல் இழுத்தது. `நெஞ்சம் மறப்பதில்லை... அது நினைவை இழப்பதில்லை!’’

கண்ணதாசன் அடிக்கடி கேட்கும் பாடல், `திருப்பாற்கடலில் பள்ளிக்கொண்டாயே ஸ்ரீமன் நாராயணா,’ தனக்குப்பிடித்த பாடல்களாக, `என்னடா பொல்லாத வாழ்க்கை,’’ `சம்சாரம் என்பது வீணை’’ ஆகிய இரண்டையும் சொல்லியிருக்கிறார்.

கண்ணதாசனுக்குப் பிடித்த இலக்கியம் கம்பராமாயணம்,`நான் பாடல் இயற்றும் சக்தியைப் பெற்றதே அதில் இருந்ததுதான்’ ’என்பார்.

காமராசர் வாழ்க்கை வரலாற்றைத் திரைப்படமாக எடுக்க விரும்பினார். சில காட்சிகளையும் எடுத்தார். ஆனால் முற்றுப்பெறவில்லை!

ஆரம்ப காலத்தில் வேலை எதுவும் கிடைக்காததால், சந்திரமோகன் என்று பெயர் மாற்றிக்கொண்டு சினிமாவில் நடிக்க வாய்ப்பு கேட்டிருக்கிறார். பிற்காலத்தி; `பராசக்தி’,’`ரத்தத்திலகம்’’,`கறுப்புப்பணம்’,’ `சூரியகாந்தி’.’ உள்ளிட்ட படங்களில் நடித்தும் இருக்கிறார்.

முதல் மனைவி பெயர் பொன்னம்மா,அடுத்த ஆண்டே பார்வதி என்பவரை இரண்டாம் திருமணம் செய்துகொண்டார். இவர்களுக்குத் தலா ஏழு குழந்தைகள். 50-வது வய்தில் வள்ளியம்மையைத் திருமணம் செய்தார். இவர்களுக்குப் பிறந்தவர்தான் விசாலி. மொத்தம் 15 பிள்ளைகள்!

படுக்கை அறையில் வைத்திருந்த ஒரே படம் கிருஷ்ணர். வெளிநாடு போவதாக இருந்தால், சாண்டோ சின்னப்பா தேவர் வீட்டுக்குப் போய், அவர் பூஜை அறையில் இருக்கும் முருகனை வணங்கிவிட்டுத்தான் செல்வார்!

`கண்ணதாசன் இறந்துவிட்டார்’’ என்று இவரே பலருக்கும் போன் போட்டு வதந்தியைக் கிளப்பி, வீடு தேடிப் பலரும் அழுது கூடிவிட, பிறகு இவரே முன்னால் தோன்றிச் சிரித்த சம்பவம் நடந்திருக்கிறது.

`உங்கள் புத்தங்கள் அனைத்தையும் படிக்கும் ஒருவனுக்கு உங்களது புத்திமதி என்ன? என்று கேட்டபோது, அவர் சொன்ன பதில்... புத்தங்களைப் பின்பற்றுங்கள். அதன் ஆசிரியரைப் பின்பற்றாதீர்கள்!’

தன்னுடைய பலவீனங்களை வெளிப்படையாக ஒப்புக்கொண்டு சுயவரலாறு எழுதியவர்,`வனவாசம்,மனவாசம் இரண்டும் ஒருவன் எப்படி வாழக்கூடாது என்பதற்கான உதாரணங்கள்’ என்றார்.

காமராசர், அண்ணா, எம்.ஜி.ஆர்,கருணாநிதி ஆகிய நான்கு பேரையும் அதிகமாகப் பாராட்டியவரும், திட்டியவரும் இவரே! ஈ.வெ.கி.சம்பத்.ஜெயகாந்தன்,சோ,பழ.நெடுமாறன் ஆகிய நான்கு பேரும் அரசியல் ரீதியாக நெருக்கமான நண்பர்கள். `கவிஞரின் தோரணையை விட அரசனின் தோரணைதான் கவிஞரிடம் இருக்கும்’ என்பார் ஜெயகாந்தன்.

திருமகள், திரையொலி, மேதாவி, சண்டமாருதம் ஆகியவை இவர் வேலை பார்த்த பத்திரிகைகள், தென்றல், தென்றல்திரை, முல்லை, கடிதம்,கண்ணதாசன் ஆகியவை இவரே நடத்தியவை.

திருக்கோஷ்டியூர் தொகுதியில் முதல் தடவை நின்றார். தோற்றார். அதன் பிறகு தேர்தலில் நிற்கவே இல்லை.`இது எனக்குச் சரிவராது’’ என்றார்.

`குடிப்பதும், தவறுக்கென்றே தங்களை ஒப்புக்கொடுத்துவிட்ட பெண்களுடன் ஈடுபடுவதும், ஒரு தனி மனிதன் தன் உடல்நிலைக்கும் வசதிக்கும் ஏற்ப செய்யும் தவறுகளே தவிர, அதனால் சமுதாயத்தின் எந்த அங்கமும் பாதிக்கப்படுவதில்லை’ என்று தனது தவறுகளுக்கு வெளிப்படையான விளக்கம் அளித்து உள்ளார்.

`பிர்லாவைப்போலச் சம்பாதித்து ஊதாரியைப்போலச் செலவழித்து, பல நேரங்களில் பிச்சைக்காரனைப் போல ஏங்கி நிற்கும் வாழ்க்கைதான் என்னுடையது’ என்பது அவர் அளித்த வாக்குமூலம்.

தான் வழக்கமாகப் படுத்துறங்கும் கருங்காலி மரத்தில் செய்யப்பட்ட கட்டிலுடன் தன்னை எரிக்க வேண்டும் என்பது கண்ணதாசனின் கடைசி விருப்பம்!

`அச்சம் என்பது மடமையடா,’ `சரவணப் பொய்கையில் நீராடி,’ `மலர்ந்தும் மலராத...,’ `போனால் போகட்டும் போடா..,’ `கொடி அசைந்ததும்,’ `உன்னைச் சொல்லிக் குற்றமில்லை,’ `கடவுள் மனிதனாகப் பிறக்க வேண்டும்,’ `எங்கிருந்தாலும் வாழ்க,’ `அதோ அந்தப் பறவைபோல வாழவேண்டும்,’ `சட்டி சுட்டதடா கை விட்டதடா..., ஆகிய 10 பாடல்களும் தமிழ் வாழும் காலம் முழுவதும் இருக்கும் காவியங்கள்

இறப்புக்கு 11 ஆண்டுகளுக்கு முன்பே தனக்குத்தானே இரங்கற்பா எழுதிவைத்துக்கொண்டார். அதன் கடைசி வரி இப்படி முடியும்...

`ஏற்றிய செந்தீயே நீ எரிவதிலும்

அவன் பாட்டை எழுந்து பாடு!

ஆண்ட்ரூ ஃபிளிண்டாஃப் ! (Andrew Flintoff)

2010-09-17T20:03:00.000+05:30

பெருமைமிக்க லார்ட்ஸ் மைதான பால்கனியில் கங்குலி அரை நிர்வாணமாக நிற்கக் காரணமானவர் ஃபிளிண்டாஃப் ! இந்தியச் சுற்றுப்பயணத்தில் ஒருநாள் தொடரை சமன் செய்தபின் இவர் மும்பையில் சட்டையைக் கழற்றினார். Natwest Final இந்தியா வென்றபோது கங்குலி!

இங்கிலாந்தின் மிகச்சிறந்த ஆல்ரவுண்டர். ஆனாலும் தனது திறமையை முழுமையாகப் பயன்படுத்தாத வீரர் என்று விமர்சகர்கள் அவ்வப்போது சாடுவதுண்டு! அதில் உண்மையும் உண்டு.

1998 ல் இங்கிலாந்து டெஸ்ட் அணியில் இடம்பெற்றார். 2001 ல் அணியிலிருந்து கழற்றிவிடப்பட்டார். 2002 இந்தியச் சுற்றுப்பயணத்தில் சிறப்பாக விளையாடினார். தொடர்ந்து ஏறுமுகம். 2004 ல் Wisden Cricketer of the Year !

1981 ஆஷஸ் தொடரை போத்தமின் ஆஷஸ் என்பார்கள் நிபுணர்கள். பந்துவீச்சு, பேட்டிங், ஃபீல்டிங் என்று அனைத்துத் துறைகளிலும் சிறப்பாகச் செயல்பட்டு ஆஷஸ் வென்று தந்தார் போத்தம். 2005 ஆஷஸ், ஃபிளிண்டாஃபின் ஆஷஸ். இங்கிலாந்தின் 18 வருட ஆஷஸ் கனவை நனவாக்கினார் ஃப்ரெட்டி ஃபிளிண்டாஃப்!

உடல் உபாதைகளால் கிரிக்கெட்டிலிருந்து ஓய்வு பெறுவதாக அறிவித்திருக்கிறார். என் போன்ற ரசிகர்களுக்குப் பெருத்த ஏமாற்றமும், வருத்தமும்! தற்கால ஆல்ரவுண்டர்கள் வரிசையில் குறிப்பிடத்தகுந்த வீரர் ஆண்ட்ரூ ஃப்ரெட்டி ஃபிளிண்டாஃப்!

இசைஞானிக்கு தேசியவிருது!

2010-09-16T14:24:00.003+05:30

நான்காவது முறையாக தேசியவிருது பெறுகிறார் இசைஞானி இளையராஜா! பழசிராஜா படத்தின் பின்னணி இசைக்காக இந்தமுறை விருது. நாட்டின் முழுமையான Composer விருது பெறுவது என்னைப் போன்ற தீவிர ராஜா ரசிகர்களுக்குப் பெருமிதமும், மகிழ்ச்சியும்! அரசுக்கு நன்றி!

சாகர சங்கமம், சிந்துபைரவி, ருத்ரவீணா படங்களுக்காக முதல் மூன்று விருதுகள். விருது குறித்து இசைஞானியின் பேட்டி:

”நா‌ன்‌ ஏற்‌கனவே‌ மூ‌ன்‌று நே‌ஷனல்‌ அவா‌ர்‌டு வா‌ங்‌கி‌யி‌ருக்‌கி‌றே‌ன்‌. இந்‌த வி‌ருது பி‌ன்‌னணி‌ இசை‌க்‌கா‌க தே‌ர்‌வு‌ செ‌ய்‌யப்‌பட்‌டுள்‌ளது. இது இசை‌யமை‌ப்‌பா‌ளருக்‌கா‌ன வி‌ருது. இதி‌ல்‌ நா‌ன்‌ என்‌ன பீ‌ல்‌ பண்‌றது. எல்‌லா‌ படத்‌துக்‌கும்‌ ஒரே‌ மா‌தி‌ரி‌யா‌ன உழை‌ப்‌பை‌தா‌ன்‌ கொ‌டுக்‌கி‌றே‌ன்‌. நல்‌லா‌ இல்‌லை‌, நல்‌லா‌ இருக்‌கு என்‌பது எல்‌லா‌ம்‌ மைன்‌ட்‌க்‌கு வெ‌ளி‌யி‌லி‌ருந்‌து வருகி‌ன்‌றதுதா‌ன்‌. எந்‌த ஒரு படத்‌தை‌யு‌ம்‌ வொ‌ஸ்‌ட்‌, பெ‌ஸ்‌ட்‌‌னு பி‌ரி‌க்‌கி‌றது கி‌டை‌யா‌து.

நா‌ன்‌ ஒரு படத்‌தை‌ பா‌ர்‌த்‌துட்‌டு பு‌ரொ‌டி‌யூ‌ஸர்‌கி‌ட்‌டயு‌ம்‌, டை‌ரக்‌டர்‌கி‌ட்‌டயு‌ம்‌ சொ‌ல்‌றது ஒண்ணுதா‌ன்‌. இதுதா‌ன்‌ என்‌னுடை‌ய முதல்‌ படமா‌க பீ‌ல்‌ பண்‌றே‌ன்‌னு சொ‌ல்‌வே‌ன்‌. மூ‌ன்‌று மணி‌நே‌ரம்‌, இருபது நி‌மி‌ஷம்‌ படம்‌ இருந்‌தது. தயா‌ரி‌ப்‌பா‌ளர்‌ பு‌ட்‌டே‌ஜை‌ குறை‌க்‌க தயா‌ரா‌க இருந்‌தா‌ர்‌. ஹரி‌ஹரன்‌ ஸா‌ர்‌ சொ‌ன்‌னா‌ர்.‌ இந்‌த படத்‌தி‌ல்‌ குறை‌ப்‌பதற்‌கு எடி‌ட்‌டி‌ங்‌ டீ‌முக்‌கு சொ‌ல்‌லுங்‌கன்‌னு சொ‌ல்‌லி‌ட்‌டா‌ர்‌. அவங்‌க படத்‌தை‌ மூ‌ன்‌று மணி‌நே‌ரத்‌தி‌ற்‌கு கொ‌டுத்‌தாங்‌க.

இப்‌போ‌ என்‌ன நி‌னை‌க்‌கி‌றீ‌ங்‌கன்‌னு கே‌ட்‌டா‌ங்‌க. எனக்‌கு சுதந்‌தி‌ரமா‌ டை‌ம்‌ கொ‌டுங்‌க. சி‌ம்‌பொ‌னி‌ ஆர்‌ட்‌டி‌ஸ்‌ட்டு‌ம்‌ வேணும்‌னு கே‌ட்‌டே‌ன்‌. அவங்‌க சொ‌ன்‌னா‌ங்‌க. இல்‌லை‌ ஸா‌ர்,‌ இந்‌த படத்‌தி‌ற்‌கு எங்‌களுடை‌ய பட்‌ஜெ‌ட்‌ ஏற்‌கனவே‌ அதி‌மா‌கி‌டி‌ச்‌சி‌. இனி‌மே‌ல்‌ இந்‌த படத்‌தி‌ற்‌கா‌க பே‌க்‌ரவு‌ண்‌ட்‌ மி‌யூ‌ஸி‌க்‌கா‌க பெ‌ரி‌ய செ‌லவு‌ செ‌ய்‌ய முடி‌யா‌துன்‌னு சொ‌ன்‌னா‌ங்‌க. இதற்‌கு அடுத்‌த படம்‌ பண்‌ணுவீ‌ங்‌களா‌, இல்‌லை‌யா என்‌று கே‌ட்‌டே‌ன்‌. எனக்‌கு சி‌ம்‌பொ‌னி‌ ஆர்‌ட்‌ஸ்‌ வே‌ணும்‌னு அப்‌போ‌ உறுதி‌யா‌க இருந்‌தே‌ன்‌.

இந்‌த கி‌ரடி‌ட்‌ எல்‌லா‌ம்‌ டை‌ரக்‌ட்‌ர்‌ ஹரி‌ஹரனுக்‌கும்‌, தயா‌ரி‌ப்‌பா‌ளருக்‌கும்‌தா‌ன்‌. நா‌ன்‌ கா‌லை‌யி‌ல்‌ 4.30 மணி‌யி‌லி‌ருந்‌து இரவு‌ பத்‌து மணி‌வரை‌ டீ‌டெ‌ய்‌ல்‌ஸ்‌ எழுதி‌ கொ‌டுத்‌தே‌ன்‌. அதை‌ கா‌ப்‌பி‌ பண்‌ணி‌ சரியா எல்‌லா‌ருக்‌கும்‌ கொ‌டுத்‌தி‌ருந்‌தா‌ங்‌க. அதை‌ சி‌ம்‌பொ‌னி‌ ஆர்‌ட்‌ஸ்‌ வா‌சி‌த்‌ததும்‌ அதைக்‌ கே‌ட்‌ட இயக்‌குநர்,‌ “நா‌ன்‌ என்‌னன்‌னு பரை‌யு‌ம்‌”னு சொ‌ன்‌னா‌ர்‌. “ஸா‌ர்‌ டி‌சை‌ட்‌ செ‌ய்‌தங்‌கி‌ல்‌, பி‌ன்‌னே‌ பரை‌ய வே‌றுண்‌டோ‌” ன்‌னா‌ரு. “நீ‌ங்‌கள்‌ எடுத்‌த டி‌சை‌ன்‌ வல்‌லி‌ய கரை‌ட்‌டா‌னு” சொ‌ன்‌னா‌ர்‌.

இந்‌த வி‌ஷூ‌வலுக்‌கு இந்‌த ஆர்‌க்‌கெ‌ஸ்‌ட்‌ரா‌ இல்‌லை‌ன்‌னா‌ மரி‌யா‌தை‌யே‌ இல்‌லா‌ம போ‌ய்‌வி‌டும்‌. இதை‌ அவர்‌ ஒவ்‌வொ‌ரு ரீ‌லுக்‌கும்‌ சொ‌ல்‌லி‌கி‌ட்‌டே‌ வந்‌தா‌ர்‌. மத்‌தி‌ய அரசி‌ல்‌ இருந்‌து இதுவரை‌ இசை‌யமை‌ப்‌பா‌ளருக்‌கு என்‌றுதா‌ன்‌ வி‌ருதுகள்‌ வந்‌தி‌ருக்‌கி‌றது. பி‌ன்‌னணி‌ இசை‌க்‌குன்‌னு ஒரு அவா‌ர்‌டு கொ‌டுத்‌ததா‌க எனக்‌கு தெ‌ரி‌யவி‌ல்‌லை‌.

பழை‌ய ஒரு நவ்‌ஷா‌த்‌ பா‌டலோ‌ட டி‌யூ‌னை‌ பே‌ஸ்‌ பண்‌ணி‌ பா‌ட்‌டு போ‌ட்‌டா‌ங்‌க. அந்‌த பா‌டலை‌ப் பா‌டிக்‌ கா‌ட்‌டி‌னா‌ங்‌க. ஹரி‌ஹரன்‌ அந்‌த சிச்‌சுவே‌ஷனுக்‌கு இந்‌தப் பா‌டல்‌ சரி‌யா‌ இருக்‌குமா‌ன்‌னு சொ‌ல்‌லுங்‌க. அப்‌படி‌ன்‌னுட்‌டு நா‌ன்‌ எதை‌யு‌ம்‌ மா‌த்‌தா‌ம அவங்‌களோ‌ட வரி‌க்‌கு ஒரு டி‌யூ‌னை‌ போ‌ட்‌டே‌ன்‌. நா‌ன்‌கு நா‌ட்‌கள்‌ ரெ‌க்‌கா‌ர்‌டி‌ங்‌க்‌கு பி‌றகு முஸ்‌லீ‌ம்‌ நண்‌பர்‌கள்‌ சொ‌ன்‌னா‌ங்‌க ஸா‌ர்‌ பெ‌ஸ்‌ட்‌ ஸா‌ங்‌ ஸா‌ர்‌னு. ரொ‌ம்‌ப அழகா‌ன முஸ்‌லீ‌ம்‌ பா‌டல்‌னு சொ‌ன்‌னா‌ங்‌க.

நா‌ன்‌ பா‌ல்‌டி‌க்‌ஸ்‌க்‌கா‌க பே‌சி‌னே‌ன்‌. நா‌ன்‌ ஹி‌ந்‌து. இதுக்‌கா‌ வொ‌ர்‌க்‌ பண்‌றே‌ன்‌னு எதா‌வது பீ‌ல்‌ இருக்‌கா‌, ஏன்‌னா‌ அவங்‌களுடை‌ய உண்‌மை‌யா‌ன பீ‌ல்‌ வரணும்‌ என்‌பதற்‌கா‌க.

இதெ‌ல்‌லா‌ம்‌ மதங்‌களுக்‌கு அப்‌பா‌ற்‌பட்‌ட பீ‌லீ‌ங்‌. இதெ‌ல்‌லா‌ம்‌ மனசி‌ல்‌ நடக்‌கணும்‌. பதி‌னைந்‌து நா‌ள்‌ எழுதி‌யது ரொ‌ம்‌ப பெ‌ரி‌ய அனுபவம்‌. அதுக்‌கா‌ அவா‌ர்‌ட்‌ கி‌டை‌த்‌ததுன்‌னு நா‌ன்‌ சொ‌ன்‌னா‌ல்‌ என்‌னை‌ நா‌னே‌ கொ‌ச்‌சை‌ப்படுத்‌தி‌க்‌கொ‌ண்‌டது மா‌தி‌ரி‌ ஆகி‌வி‌டும்‌. என்‌னுடை‌ய மனது எதுக்‌கா‌கவு‌ம்‌ டை‌வர்‌ட்‌ ஆகா‌து. அது இசை‌யை‌ மட்‌டும்‌தா‌ன்‌ வி‌ரும்‌பு‌கி‌றது. அவா‌ர்‌டை‌ அல்‌ல.

ஹரி‌கரனை‌ ஒரு வி‌ஷயத்‌துக்‌கா‌ நா‌ன்‌ அப்‌ரி‌சி‌யே‌ட்‌ பண்‌றே‌ன்‌. இவர்‌ மலை‌யா‌ளத்‌தி‌ல்‌ கி‌டை‌த்‌த எந்‌த ஒரு சி‌றந்‌த இயக்‌குநருக்‌கா‌ன வி‌ருதை‌யு‌ம்,‌ இவர்‌ போ‌ய்‌ வா‌ங்‌கவி‌ல்‌லை‌. “இளை‌யரா‌ஜா‌வி‌ன்‌ வொ‌ர்‌க்‌கை‌ நீ‌ங்‌கள்‌ ரெ‌கனை‌ஸ்‌ செ‌ய்‌யவி‌ல்‌லை‌. அதனா‌ல்‌ ஞா‌ன்‌ வா‌ங்‌வி‌ல்‌லை‌” என்‌பவர்‌. எந்‌த அவா‌ர்‌டுக்‌கும்‌ போ‌க மா‌ட்‌டா‌ர்‌.

இதுக்‌கா‌ நா‌ன்‌ நன்‌றி‌ சொ‌ல்‌லணும்‌னா‌. இந்‌த எல்‌லா‌ வலி‌களை‌யு‌ம்‌ பொ‌ருத்‌துக்கொ‌ண்‌ட தயா‌ரி‌ப்‌பா‌ளர்‌ பி‌ரவீ‌ன்‌, இயக்‌குநர்‌ ஹரி‌ஹரனுக்‌குதா‌ன்‌.

ரசி‌கர்‌களுக்‌கு என்‌ன சொ‌ல்‌ல நி‌னை‌க்‌கி‌றீ‌ங்‌க?

ரசி‌கர்‌களுக்‌கு எப்‌பவு‌ம்‌ என்‌னுடை‌ய இசை‌தா‌ன்‌.

ஒவ்‌வொ‌ரு படத்‌தி‌றகும்‌ களம்‌ மா‌றுகி‌றதே‌?

ஒவ்‌வொ‌ரு படத்‌துக்‌கும்‌ ஒரு டீ‌ரி‌ட்‌மெ‌ன்‌ட்‌. எவரி‌டே‌ ஐ ஸ்‌டா‌ர்‌ட்‌ த மி‌யூ‌ஸி‌க்‌கல்‌ ரை‌ட்‌டி‌ங்‌ மெ‌க்‌கா‌னி‌க்‌கலி‌. நா‌ன்‌ 7.30 மணி‌க்‌கெ‌ல்‌லா‌ம்‌ எழுதி‌ முடி‌த்‌தி‌டுவே‌ன்‌. அப்‌படி‌ முடி‌ச்‌சி‌ட்‌டா‌. அந்‌த சீ‌னுக்‌கு இது எப்‌படி‌ அந்‌த பீ‌லி‌ங்‌கை கொ‌டுக்‌க போ‌கி‌றதுன்‌னு எனக்‌கு தெ‌ரி‌யா‌து. எனக்‌கு தெ‌ரி‌யு‌ம்‌ என்‌னா‌லதா‌ன்‌ அப்‌படி‌ வருதுன்‌னு நினை‌க்‌க முடி‌யா‌து. அது அந்‌த பர்‌ட்‌டி‌க்‌குலர்‌ டை‌முக்‌கு. அது எப்‌படி‌ மே‌ச்‌ ஆகுதுன்‌னா‌ அது சரஸ்‌வதி‌க்‌குதா‌ன்‌ தெ‌ரி‌யு‌ம்‌. மே‌ச்‌ ஆனா‌லும்‌ ஓகே‌. மே‌ச்‌ ஆகலைன்னா‌லும்‌ ஓகே‌.

இப்‌போ‌து உள்‌ள இசை‌ அமை‌ப்‌பு‌ பற்‌றி‌?

இப்‌போ‌து ஒன்‌றும்‌ இல்‌லை‌. யா‌ர்‌ வே‌ண்‌டுமா‌னா‌லும்‌ இசை‌யமை‌க்‌கலா‌ம்‌. இப்‌போ‌து இருக்‌கி‌ன்‌ற ஜெ‌னரே‌ஷனி‌லும்‌ அதுக்‌கு வே‌லி‌யூ‌வே‌ கி‌டை‌யா‌து. இப்‌போ‌ பு‌ருவம்‌ எல்‌லா‌ம்‌ சே‌ர்‌த்‌து மொ‌ட்‌டை‌ அடி‌த்‌த மா‌தி‌ரி‌ கி‌ளி‌னா‌ இருக்கு. நா‌ன்‌ என்‌னுடை‌ய கி‌ரா‌மத்‌தை‌ வி‌ட்‌டு கி‌ளம்‌பி‌ வந்‌தபோ‌து யா‌ரை‌ நம்‌பி‌ இங்‌கே‌ வந்‌தே‌ன்‌. இங்‌கே‌ இசை‌மே‌தை‌கள்‌ இருந்‌தா‌ர்‌கள்‌. அவர்‌களி‌ன்‌ அங்‌கவஸ்‌தி‌ரமும்‌‌, சந்‌தனமும்‌, ஜவ்‌வா‌தும்‌, பக்‌தி‌யு‌ம்‌ தி‌றமை‌யு‌ம்‌ பா‌ர்‌க்‌க அவ்‌வளவு‌ தெ‌ய்‌வீ‌கமா‌ பி‌ரமி‌ப்‌பா‌ இருக்‌கும். இப்‌போ‌து உள்‌ளது மா‌தி‌ரி‌ அப்‌போ‌து இருந்‌தி‌ருந்‌தா‌ல்‌, நா‌ன்‌ வந்‌தி‌ருக்‌க மா‌ட்‌டே‌ன்‌. எவ்‌வளவு‌ மகா‌ன்‌கள்‌ இருந்‌த மண்‌ இது.

இப்‌போ‌ எதி‌லை‌யு‌மோ‌ ரி‌யல்‌ இல்‌லை‌. கே‌மராவி‌ல்‌‌ போ‌ட்‌டி‌ இருக்‌கு. ஆனா‌ல்‌ அதி‌ல்‌ டெ‌க்‌னி‌க்‌கலா‌ இருக்கா‌ இல்‌லை‌. கி‌ரா‌பி‌க்‌ஸ்‌ பண்‌றா‌ங்‌க. ரி‌யல்‌ ஆர்‌ட்‌டி‌ஸ்‌டை‌ கூட கி‌ரா‌பி‌க்‌ஸ்‌ல கொ‌ண்‌டுவர நி‌னை‌க்‌கி‌றா‌ங்‌க.

நா‌ன்‌ லே‌பர்‌ கி‌டை‌யா‌து. பணத்‌துக்‌கா‌ வொ‌ர்‌க்‌ பண்‌ற லே‌பர்‌ கி‌டை‌யா‌து. அதை‌ப் பு‌ரி‌ஞ்‌சுக்‌கோ‌ங்‌க. நா‌ன்‌ ஒரு ரி‌யல்‌ மி‌யூ‌சி‌யஸனா‌க பீ‌ல்‌ பண்‌றே‌ன்‌. கமர்‌சி‌யல் என்‌பது டோ‌ட்‌டலா‌ வே‌ற ஒண்ணு இப்‌போ‌ நா‌ன்‌ உங்‌களி‌டம்‌ கே‌ட்‌டுக்‌கொ‌ள்‌வது ஒன்‌றுதா‌ன்‌ கம்‌போ‌ஸர்‌ என்‌கி‌ற வா‌ர்‌தை‌யை‌ நீ‌ங்‌கள்‌ யா‌ரி‌டம்‌ பயன்‌படுத்‌தணுமோ‌ அவங்‌களி‌டம்‌ மட்‌டும்‌ கே‌ளுங்‌க.”

ராஜாவின் பேட்டியில் தலைக்கனத்தைத் தேடுபவர்கள் தேடட்டும். என்னைப் பொறுத்தமட்டில் அவரது வார்த்தைகள் எழுத்துக்கு எழுத்து உண்மை. அமிதாப், பாண்டிராஜ் உள்ளிட்ட விருது பெற்ற அனைவருக்கும் மனமார்ந்த வாழ்த்துக்கள்!

இரு மரணங்கள்!

2010-09-13T16:49:00.002+05:30

தமிழ் மக்களை அடுத்தடுத்து தாக்கியிருக்கிறது இரு கலைஞர்களின் மரணம். இன்னமும் நம்பமுடியவில்லை. நடிகர் முரளியின் மறைவு ஏற்படுத்திய அதிர்ச்சி தீர்வதற்குள் ஸ்வர்ணலதா! இரண்டு திறமைசாலிகளைத் தமிழகம் இழந்துவிட்டது. பணிகளின் காரணமாக எனது அஞ்சலியை உடனே பதிவு செய்ய முடியவில்லை. அதனால் இப்போது.

முரளி! தமிழ் சினிமாவின் நிரந்தர மாணவர். சராசரித் தோற்றத்தையே தனது பலமாக்கிக் காட்டியவர். பன்ஞ் டயலாக் பேசாத ஹீரோக்களில் ஒருவர். யதார்த்தமான, மிகையற்ற நடிப்பும், பாவனைகளும் இவரது தனித்தன்மைகள். பல படங்களில் காதலாகிக் கசிந்துருகக் கற்றுக் கொடுத்தவர் முரளி.

இவரது இதயம் காதலைக் கண்ணியமாகப் பதிவு செய்த படங்களில் முக்கியமானது. 46 மரண வயதில்லை! மரணத்துக்கு இரக்கமில்லை. அவரது மறைவுக்கு என் அனுதாபங்கள்.

தனித்தன்மை வாய்ந்த பெண்குரல்களில் ஒன்று ஸ்வர்ணலதா! எஸ்.பி.பியோடு பாடினாலும் சரி, அல்லது எவரோடு பாடினாலும் சரி கேட்டவுடன் அடையாளம் சொல்லும் சாரீரம். 7,000 பாடல்களுக்கு மேல் பாடி ரசிகர்களை மகிழ்வித்த குரல் இனிமேல் இல்லை!

37, பாடகர்களுக்கு இளம் வயது. இந்த வயதில் இறந்தது மிகப் பெரிய அதிர்ச்சி. மருத்துவக் காரணங்கள் எனக்கு எந்த சமாதானத்தையும் தரவில்லை. இந்தச் செய்தி பொய்யாக இருக்கக் கூடாதா என்றுதான் இன்றும் நினைக்கிறேன். இவருக்கும் எனது அஞ்சலிகள்.

ரம்ஜான் வாழ்த்துக்கள்!

2010-09-10T13:03:00.003+05:30

30 நாட்கள் ஒருவேளை மட்டும் உணவருந்தி, மெய்வருத்தி இறைவனின் அன்புக்குப் பாத்திரமாகும் நோன்புப் பெருநாளாக அறியப்படுகிறது ரம்ஜான்! நோன்பு மேற்கொள்வது மனத்தையும், உடலையும் தங்கள் கட்டுப்பாட்டில் வைப்பதற்கான சிறந்த வழிமுறை. பதிவுலக இஸ்லாமிய நண்பர்கள் அனைவருக்கும் இனிய ரம்ஜான் வாழ்த்துக்கள்!

காவியக் கவிஞர் வாலிக்குப் பாராட்டு விழா!

2010-08-26T10:41:00.001+05:30

திருச்சி மாநகரத்தில், பிஷப் கல்லூரி மைதானத்தில் காவியக் கவிஞர் வாலிக்குப் பாராட்டு விழா நடைபெற்றது. சென்னைக்குக் கிளம்பியவன், விளம்பரத்தைப் பார்த்துவிட்டு விழாவிற்கு கிளம்பிவிட்டேன். முதல் ஆளாகப் போய் நாற்காலிகளைப் பார்த்துக் கொண்டிருந்தேன். விழா ஏற்பாடுகளில் பணியாளர்கள் பம்பரமாகச் சுற்றிக் கொண்டிருந்தார்கள்.

விழா 6 மணிக்கு என்றது அறிவிப்பு. ஆனால், 6:15 க்கு லக்ஷ்மண் ஸ்ருதி வாத்தியங்களை சோதித்துக் கொண்டிருந்தார்கள். சற்று நேரத்தில் கவிஞரின் பாடல்களை நேர்த்தியாகப் பாடினார்கள். இசையும் உறுத்தவில்லை. பெரும்பாலும் இசைஞானி இளையராஜாவின் பாடல்கள். ஜனனி ஜனனி, ஸ்ரீரங்க ரங்கநாதனின் பாதம், இளமை இதோ இதோ அவற்றில் சில. இசைக்குழுவிற்கு நன்றி!

கவிஞர் 7 மணிக்கு மேல் வந்ததும் விழா விறுவிறுப்பானது. பேராசிரியர் ஞானசம்பந்தன், இயக்குநர்கள் பார்த்திபன், சமுத்திரக்கனி, சேரன், சசிகுமார், வைகைப்புயல் வடிவேலு, குமாரி சச்சு முக்கிய அழைப்பாளர்கள். பாராளுமன்ற உறுப்பினர் திருச்சி சிவா நிகழ்ச்சியை சிறப்பாக ஏற்பாடு செய்திருந்தார். அவருக்கு சிறப்பு நன்றிகள்!

என் ஞாபகத்திலிருந்து:

* பேராசிரியர் ஞானசம்பந்தனுக்கு வேறு நிகழ்ச்சி இருந்ததால் விரைவாகப் பேசிவிட்டுச் சென்றுவிட்டார்.

* இயக்குநர் சமுத்திரக்கனி, கவிஞரை ஜெயா டி.வியில் இயக்கிய நாட்களை சுவையாகச் சொன்னார்.

* இயக்குநர் சேரன், பாரதி கண்ணம்மா படத்தில் ஒரு பாட்டு எழுதச் சம்மதித்த கவிஞரின் பெருந்தன்மையைப் பாராட்டி நெகிழ்ந்தார்.

*இயக்குனர் சசிகுமார் நாடோடிகள் பாடலைப் பாராட்டினார்.

*இயக்குநர் பார்த்திபன், கவிஞர் இறங்கிவருவது பல்லவியிலிருந்து சரணத்தில் மட்டும்தான் என்று ரசிக்கும்படிப் புகழ்ந்தார்.

*வைகைப்புயல் கவிஞரின் என்னைக் காணவில்லையே நேற்றோடு பாடலை சரியான ஸ்ருதியில் பாடி அனைவரையும் கவர்ந்தார். மாணவர்களும், மற்றவர்களும் அரங்கம் அதிர உற்சாகப்படுத்தினர்.

கவிஞர் வாலி தனது ஏற்புரையில் மிகவும் நெகிழ்ந்தார். நகைச்சுவையும் மிளிர்ந்தது. “தரமாக எழுதும் வல்லமை உள்ள நீங்கள் சிக்குபுக்கு எழுதுகிறீர்களே என்கிறார்கள். பொருளோடு பாட்டெழுத ஆசைதான். ஆனால் பொருள் கிடைக்காதே” என்றார். விழா முடிய 11:45 ஆனது. திருச்சி நகரத்துக்குச் சிறப்பான மாலைப்பொழுது!